Rozzol

de Trieste, cenni storici, immagini vece e nove, ricordi..
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

la xe del scultor ( a mi perfettamente ignoto) Marino Zol e la xe del 1956, giusto sto anno la fa el mezzo secolo!, el nome Madonna della valle dovessi esser tutto in giro nel edicola che la contien, ma forsi i la ga rifata nova.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Nona Picia ha scritto:E qual sarìa el "cantonzin"?
Ciao ciao
Intendevo la sua bela edicola, curada e coi fiori.

Scritte non ghe ne xe.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

babatriestina ha scritto:la xe del scultor ( a mi perfettamente ignoto) Marino Zol .
tanto ignoto che go sbagliado el nome :oops: , e che el se ciama Mario e no Marino


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Sulla curva de via s. Pasquale che gira verso el Caciator, più o meno dove xe la cesa de via dei mille: un'indicazion che par segnar un cambio de pendenza.

Immagine

La curiosità xe la data, che mi legio 1926: lassù nel '26 non jera gnanche case, se pol dir: tute quele che se vedi ogi xe dei anni 50-60 del novecento.

Immagine


Mal no far, paura no gaver.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Certo che nel bieco ventennio le piture sui muri i le fazeva propio resistenti, eh? autarchiche? :-D :wink: :-D
magari qualchedun che sa ste robe ne pol spiegar ben a cossa che serviva.


"mi credo che i scrivi sta roba per insempiar la gente" ( La Cittadella)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

babatriestina ha scritto:Cero che nel bieco ventennio le piture sui muri i le fazeva propio resistenti, eh? autarchiche? :-D :wink: :-D
magari qualchedun che sa ste robe ne pol spiegar ben a cossa che serviva.
No solo nel ventenio...In via Coroneo ghe iera un zivio tito del magio 1945 che gaveva resistido fin ai anni 80. I lo gaveva coverto con una man de pitura no so quante volte e sempre el tornava fora :lol: :lol: :lol:

Per quanto riguarda la scrita in via Pasquale, la vol dir che andando zo ghe xe una pendenza del 3.25% per 2.5 chilometri e andando in su ghe xe una pendenza del 5% per 184 metri e 70 centimetri...


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

macondo ha scritto: Per quanto riguarda la scrita in via Pasquale, la vol dir che andando zo ghe xe una pendenza del 3.25% per 2.5 chilometri e andando in su ghe xe una pendenza del 5% per 184 metri e 70 centimetri...
ovviamente, se tratta de i due tochi diferenti dela strada, altrimenti vegniva fora come:
venghino venghino signore e signori al circo, vedranno il coccodrillo che misura due metri dalla testa alla coda e due metri e mezzo dalla dalla coda alla testa
Come mai sta diferenza?
Perchè xe riva in su..
:-D


"mi credo che i scrivi sta roba per insempiar la gente" ( La Cittadella)
Avatar utente
macondo
Distinto
Distinto
Messaggi: 2669
Iscritto il: dom 25 dic 2005, 18:54
Località: London, UK

Messaggio da macondo »

Infati ghe xe due frece e una linea central de dove cambia la pendenza. Se xe verso su o zo, no so, che no me posso gnanca ricordar dove che sta scrita la podessi esser.
E no capisso gnanca qual xe el vantagio de meter sta informazion sul mureto. A meno che uno ga una bici con le marcie :lol: :lol: :lol:


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

AdlerTS ha scritto:Sulla curva de via s. Pasquale che gira verso el Caciator, più o meno dove xe la cesa de via dei mille: un'indicazion che par segnar un cambio de pendenza.
La posizion xe questa segnada sulla pianta de sior Google.
Resta de capir, più che altro, el discorso temporale: fine anni 20 quela sarà stada al massimo un mulattiera

:lol:
Allegati
pasquale.JPG


Mal no far, paura no gaver.
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Ma fin dove rivava via san Pasquale una volta? Per quel che me ricordo mi,quando son vignuda a abitar qua 45 anni fa, no ghe iera una via san Pasquale, perlomeno nela parte inferiore. O forsi iera una stradina? Ghe domanderò a mio marì se el sa qualcossa.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

Se me ricordo ben la no ghe iera nissuna strada o stradina, esisteva solo campagna a pastini. Le uniche strade iera la via marchesetti e la strada sde Rozzol. Poderia esser, xè solo un'ipotesi, che i ga messo quei numeri su un vecio muro de un pastino co i ga costruì la strada per darghe indicazion ale ruspe de come comportarse.
ciao
sum culex


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Una discussion che sta animando la circoscrizion xe la sorte del piazzal, ex cantiere collini, subito sotto Cattinara: chi lo vol circo, chi lo vol parcheggio per camper, chi parcheggio per l'ospedal, campo giogo per fioi, area per el Luna Park. Per 20 anni xe stada un'area verde senza nissun tipo de impiego.
Tra tutte, penso che la più inutile saria l'area de parcheggio per l'ospedal, perché la gente xe troppo pigra per lassar l'auto là e farse quel toco a pie :?


Mal no far, paura no gaver.
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Per mi i poderia benissimo piantar un pochi de alberi e meter panchine e tavoli de legno cussì la gente pol sentarse e eventualmente anche far picnic, i fioi poderia giogar, anche se vizin l'autostrada no sarìa el massimo......E no vedo gnanche tanto tragico un circo o una sagra in quel posto, anche se me par che i abitanti del circondario no li vol.


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

AdlerTS ha scritto:Prima che i sparissi, visti i lavori della superstrada, volevo meter la foto de sti paracarri: non saveria datarli, ma i sebra vecioti.
In più el fato de esser diversi nello stile me suggerisi ancora de più l'idea dela veciaia.

Immagine
Felice de esserme sbagliado... no i xe sparidi, li ga restauradi e messi in piedi come soldatini :-D (anche se invertidi ! )

Immagine


Mal no far, paura no gaver.
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Qualche volta i fa qualcossa de bon!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
1382-1918
citadin
citadin
Messaggi: 829
Iscritto il: ven 18 apr 2008, 6:24
Località: Trieste

Messaggio da 1382-1918 »

AdlerTS ha scritto:
AdlerTS ha scritto:Prima che i sparissi, visti i lavori della superstrada, volevo meter la foto de sti paracarri: non saveria datarli, ma i sebra vecioti.
In più el fato de esser diversi nello stile me suggerisi ancora de più l'idea dela veciaia.

Immagine
Felice de esserme sbagliado... no i xe sparidi, li ga restauradi e messi in piedi come soldatini :-D (anche se invertidi ! )
Come curiosità posso dirve che quel che se vedi nela foto casca, per un paio de metri, soto Longera e no soto Rozzol! Scuseme la pignoleria! :-D


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Gaveria anche un dubio a definir ben dove finissi Catinara e comincia Rozzol :-)


Mal no far, paura no gaver.
Avatar utente
1382-1918
citadin
citadin
Messaggi: 829
Iscritto il: ven 18 apr 2008, 6:24
Località: Trieste

Messaggio da 1382-1918 »

Co parlo de confini me riferiso sempre a quei dei comuni censuari, e Cattinara no xe un comun censuario, ma una frazion.
Cattinara casca a caval dei comuni censuari de Rozzol e de S.Maria Maddalena inferiore. El confin tra i due comuni xe proprio la strada de Fiume. E come se no bastasi, alcune case de Cattinara casca soto un terzo comun, Longera. El punto dove se incontra i tre comuni coinvolti se trova circa di fronte al benzinaio.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

1382-1918 ha scritto:Co parlo de confini me riferiso sempre a quei dei comuni censuari,
nei libri de Zubini sui rioni de Trieste vedo sempre le foto de ste mappe dei comuni censuari, disegnade e piturade a man cussì ben come che solo nel Sette-Ottocneto i saveva far.
Ma, trattandose apunto de cartine ormai storiche, me piaseria saver
-cossa che xe ( o iera?) un comune censuario -chi che li ga istituidi, quando e perchè e anche: solo a Trieste o anche in altre città?
-fin quando i ga avudo vigor amministrativo: adesso xe el stesso dele circoscrizioni rionali o xe tuto altro?

questo per capir se nel uso dela denominazion de quatieri e rioni stemo parlando de un uso tradizional o de una division aministrativa;
unìaltra division aministrativa, ma de un'aministrazion separata, podessi esser quela dele parrocchie, el legame sta nel fatto che alcuni quartieri porta el nome de santi: san Giacomo, Sant'Anna, santa Maria maddalena,... xe possibile che i comuni censuari coincidessi con i confini de raggruppamenti de parrocchie? no per gnente l'Austria gaveva lassado la registrazion de battesuimi e matrimoni ale parocchie, e xe là che se va a far ricerche co se va all'indio nel tempo rispetto ai anagrafi. O le due robe xe completamente indipendenti e una parrocchia po trovarse a caval de due comuni censuari?

e ancora: cossa distingueva un comun censuario de una frazion? i iera sempre del steso Comun, ( Trieste città) o no?


"mi credo che i scrivi sta roba per insempiar la gente" ( La Cittadella)
Avatar utente
1382-1918
citadin
citadin
Messaggi: 829
Iscritto il: ven 18 apr 2008, 6:24
Località: Trieste

Messaggio da 1382-1918 »

Un comun censuario iera, e xe ancora, quei che a volte vien anche definidi anche come "sottocomuni" o "comuni catastali". In tedesco e sloven i vien definidi rispettivamente "Katastralgemeinde" e "Katastralna občina".
I xe stadi istituidi nel 1819, assieme a tutta la question del Tavolare che parlavo qua.

I vien fora però da suddivisioni precedenti, che pol originar per motivi diversi, da territorio a territorio. Ad esempio a Trieste quei della fascia urbana i data dall'epoca de Maria Teresa.
Esisti casi nei quali un comun amministrativo picio xe costituido da un solo comun censuario, e quindi le due robe vien a combaciar.

No i ga mai avudo vigor amministrativo, nel senso che mai i xe stadi rapresentadi da un qualche consiglio. Le circoscrizioni rionali che xe deso xe un'altra roba, le ga vigor amministrativo e le ga confini che no xe basa su quei storici.

Nel'uso de oggi de solito se se riferisi ai nomi tradizionali, ma misiando magari con quei dele frazioni, tipo come qua sora con Cattinara, opur con nomi che xe nell'uso popolare, e che jera veci nomi de grandi poderi (in generale definidi microtoponimi), che magari nel tempo xe stadi edificadi, opur nomi più moderni tipo Altura o Borgo San Sergio.
Le parrocchie no le c'entra coi comuni censuari, ma pol capitar che in certi casi le coincidi, più che altro perchè i ga stabilido che quel certo comun censuario vegni formado con un certo numero de parrocchie, ed in altri casi inveze le pol trovarse a caval. Le parrocchie se podesi definir una suddivision amministrativa delle diocesi.

I comuni censuari xe ancora oggi usadi a livel tavolare e catastale.
La frazion se distingui dal comun censuario, perchè le corrispondi ad un singolo agglomerato de case. No so come spiegar ben, ma ad esempio el comun censuario de Barcola comprendi la frazion de Barcola stessa e altre frazioni come Bovedo.
Quel de Guardiella, le frazioni de S.Giovanni, de S.Cilino, Timignano, ecc. senza però che ghe sia una frazion che se ciama Guardiella. Quel de Cologna, le frazioni de Cologna in monte, Conconello, Monte Fiascone, ecc.

Ghe xe el caso del comun censuario de Rupingrande che coincidi col comun amministrativo de Monrupino, de cui el xe unico comun censuario. El xe stado modificado dal confin de Stato nel 1947. Infatti el ga lasado territorio al de là del confin, ma el se ga ingrandido a sud-est con territorio del comun censuario de Sesana che xe restado de questa parte del confin.

Ghe xe anche el comun censuario de Trieste Città, che el jera suddiviso in 6 distretti: Città nuova, Città vecchia, Barriera nuova, Barriera vecchia, San Giacomo e San Vito. Questa suddivision no xe usa più. ma nell'uso popolare xe nomi ben vivi che indica ciaramente una zona della città.

Qua se pol veder i comuni censuari del comun de Trieste: http://www.nuovolitorale.org/trieste.asp

Qua una cartina delle circoscrizioni (moderne) dal sito del Comun:

Immagine


Torna a “Quartieri e rioni”