Piazza Venezia - La guerra delle panchine

[sono piccolo ma crescero]

Scuseme, ma dopo che l'asesor ga fato segar le panchine perché che no i ghe andasi a dormir sora, se vedi che el ga pensà ben de meter panchine dove che no se pol dormir (me par coerente )

[babatriestina]

Secondo mi, e anche altri, xe un accordo coi locali dele Rive: gavè notado che di fronte no ghe xe gnanca una panchina vizin del mar per fermarse a amirar el tramonto, come le panchine de Barcola? me gaveva colpido una volta che iero arivada là de convalescente, iero stanca e no trovavo de sentarme.. cussì chi che vol sentarse comodo devi andar a consumar in un local.. e credo che ghe sia anche una relazion col fato che xe serade le toilettes pubbliche che iera in riva a quela altezza, se no me sbaglio..

ma forsi quei cubotti i li distribuirà in modo più artistico

[serlilian]

Perché un giorno lavorativo ? Devo cior ferie per esser presente ?

Forsi i farà la inaugurazion de note, in scondòn, per no ris'ciar che ghe sia le migliaia de persone che iera per Sissi.

ale 5 del dopopranzo de venerdi.
Decideve. de giorno no, che se lavora, de notte no, che no vien gente... resta alba e tramonto..

... de sabo no perchè se va a far la spesa, de domenica no perchè se va al bagno...

[babatriestina]

per confronto e memoria, ecco la fontana nell'aprile 2004, drio se intravedi le vece panchine, alquanto rovinade

[Nona Picia]

per confronto e memoria, ecco la fontana nell'aprile 2004, drio se intravedi le vece panchine, alquanto rovinade

Ma assai più in stile de quei cubi "poza-borsa dela spesa per ciapar fià e mandarghe un'acidente al'assessor perchè no le ga fate più comode e in stile".

[sum culex]

e se vedi i operai che sposta i veci masegni

Prego amirar el pieno e scrupoloso rispeto dela lege 626 sula sicureza.
(Posar masegni in scarpe de ginastica vol dir proprio andarsela a zercar...)

Chi pol afermar che quele che se vedi nela foto no xè scarpe antinfortunistiche?
Ricordi dei ultimi ani dela mia vita lavorativa.
A mi la Ditta me gaveva fornì un per de scarpe antinfortunistiche co giravo per tuti i magazini del molo VI per cotrolar la sicureza. Dovevo controlar un per un el stato de carica de tuti i estintori e el regolare funzionamento de tute le porte de fuga antipanico e far un raportin mensile al responsabile, oltre al solito lavor de impiegato. Devo dir che no go mai messo quele scarpe: dure come la peste, le me fazeva mal sui pie e no avendo de far con spostamenti de colli pesanti no le me pareva necessarie; el casco no lo go mai avù.
Le scarpe le go ancora nove de steca e dal de fora le ghe somiglia parechio a scarpe de ginastica: queste xè le foto de quele scarpe che go fato pochi minuti fa









L'interno dela tomaia torno e de sora dei pie xè de fero proprio per proteger tarso e metatarso da eventuali schiaciamenti dovudi a cadute acidentali de colli pesanti. Logicamente sto tipo de calzature pol esser de vari colori e sporche de polvere, sabia, ecc. poderia esser (no voio dir che iera) quele che gaveva adosso l'operaio.

Per quel che riguarda el casco son dacordo anche se penso che per spostar quei masegni no i li gavessi alzai da tera più che tanto.
Ve posso contar un'altra roba: i nostri operai gaveva in dotazion el casco, ma no go mai visto un che se lo gavessi messo in testa. Solo co gaveva de vignir un controlo, el capo li avisava e tuti coreva in spogliatoio a meterselo, per cavarselo pena che iera tuto finì.
ciao
sum culex

[DJANGO]

forse sui cubi i meterà le cubiste per la festa de capodanno?

[AdlerTS]

Un poche de foto dal sito del sindaco

http://www.retecivica.trieste.it/pg_fro ... sp?id=1290'

[AdlerTS]

Perché un giorno lavorativo ? Devo cior ferie per esser presente ?

Co' xe bisogno .... la festa dell'inaugurazion ve la meto qua

PS: in un canton della piazza adesso xe visibili le vece sine del tram

[babatriestina]

riprendo qua, perchè xe più question de panchine che de Miteleuropa.
oggi sul Piccolo ghe xe sule Segnalazioni una lettera de Carpinteri che esprimi lodi al articolo de Rumiz, definindolo "quasi-maldobria" e disendo che el credi che a anche a Mariano ( Faraguna) el ghe gavessi piasso, tranne un "ghe ga strizà de ocio" che no xe gnanca resentado: va: schizà de ocio. Anche mi go trovado un pugno in stomigo quel strizà.

Una seconda osservazion: se discuti dele panchine, ma.. andè a vardar la piazza Giuseppina original, apena inaugurado el monumento: soto l'Austria no ghe iera nissuna panchina!!!

[AdlerTS]

Gavemo dito che intorno alla statua prima del Ribalton no jera gnente: esisteva anche dei progetti (mai realizadi) de un giardinetto, però:

[AdlerTS]

Per el discorso storico, ecco due foto dell'impagabile amico Mario

ho ricevuto segnalazione via email che ci fa notare che:

in quella foto si nota sopra la seconda porta da sx lo stemma ovale che dovrebbe essere quello della Regia G. Finanza, sede anche della Squadriglia Navale che aveva sede in Piazza Venezia nr. 7. Sulla sinistra invece, la prima porta, potrebbe essere la trattoria "Al nuovo mercato del pesce", tutt'oggi in opera col nome di "Al Granzo" che risale al 1920

Pareria che della GdF in piazza Venezia esisti al giorno d'oggi pochissime tracce.