La costiera triestina

[rofizal]

Go apena ciolto "La Costiera triestina - storia e misteri di una strada", scrito da Roberto Covaz e Annalisa Turel, il primo giornalista al Piccolo, la seconda colaboratrice al steso giornal.
El libro xe uscido lo scorso mese per le edizioni MGS Press de Trieste. La prefazione xe de Veit Heinichen, el costo de 14 euro.

El se presenta molto ben, con diverse foto in bianco e nero. Lo go apena cominciado a leger (go el bruto vizio de leger più libri contemporaneamente, paso da uno a l'altro a seconda de l'umor del momento ), e el sembra interesante (beh, se no no lo gavesi ciolto). El dovesi por l'acento anche sul degrado ambientale operado da l'omo in quela zona, dopo l'apertura dela strada.

Ghe dovesi eser tuta la storia de sta nostra amada costiera, unica roba che, a mio parer, manca, xe la storia de quela costa prima dela strada. Ghe xe qualche cenno, ma molto poco. Mi per esempio volesi veder una foto o una riproduzion dela zone dele galerie (quele de Miramar e quela naturale) prima che i verzi le stese.

Roberto Covaz xe autor anche de "Storia di Marco, il pinguino rapito", libro questo che stavo anche per cior - el ricordo de Marco el pinguin xe ligado ala mia infanzia - e no xe dito che prima o poi lo fazo mio . Go solo paura de restar deluso e de distruger un mito.

[AdlerTS]

Go apena ciolto "La Costiera triestina - storia e misteri di una strada", scrito da Roberto Covaz e Annalisa Turel, il primo giornalista al Piccolo, la seconda colaboratrice al steso giornal.
El libro xe uscido lo scorso mese per le edizioni MGS Press de Trieste. La prefazione xe de Veit Heinichen, el costo de 14 euro.

Lo go ciolto anche mi, sai cocolo ! Facile e diretto.

Dalle prime pagine, xe subito interessante scoprir che anche se la costiera i la ga costruida nei anni 20 del 900, l'idea jera za nata a fine 800 ed el progetto esecutivo finale ricalca (non completamente) el progetto del 1908 dei triestini Mazorana e Comel, che però non vegnerà mai citadi nei documenti post bellici

Confidando nell'intercession de Babatriestina , metto el collegamento ad una foto della costiera nel 1932 pubblicada dall'istituto Carli de Trieste.

[AdlerTS]

Un'altra informazion cocola e poco conossuda dal libro della costiera che disevimo: dopo el sottopasso della ferrovia, in località Strmec, se ciol verso la grotta de S. Primo e caminando tra i grembani se trova la tomba del francese.
In realtà i autori dubita che sia una tomba, ne che c'entri realmente i francesi, ma questo xe el nome ufficiale. L'unica iscrizion disi IHS 1898 AL GORIUP. Per la foto, compreve el libro o un bon paio de zapafiori

[babatriestina]

Questa xe una foto del album de famiglia, dovessi esser anni fra el 20 e el 30 e me par che sia la galleria natural dela Costiera in costruzion. fra l'altro, in un'altra foto xe propio vizin un ingegner civil.. De qualche parte dovessi gaver una dela Costiera ampliada nei anni 50...

[rofizal]

Proprio bela e interesante sta ultima foto, no ghe ne go mai viste in giro de simili.

Questa invece xe da una vecia cartolina, che se pol paragonar ala foto mesa da Adler. Xe interesante notar come che, nele due imagini, ghe iera diversa gente che pasegiava in quei loghi (ogi i risciasi la vita). Me domando se i rivava fin là in auto (no se ghe ne vedi postegiade) o se i la fazeva tuta a pie.

[AdlerTS]

Nella sezion Lisert Rofizal disi:

Xe interesante veder le strade prima de l'apertura dela costiera. Nela zona de Sistiana (4 case de numero) per esempio ghe xe za un quadrivio, ma no xe ben ciaro, perché sembreria che la strada verso el mar se ricoleghi poi a quela che va zo ala baia.
Esisti za la stazion de Vizovlje (poi diventerà Visogliano) e, mentre per andar a Cerovlje (Ceroglie) ghe doveva eser un sotopasso per pasar oltre la ferovia, per andar a Mavhinje (Malchina) forsi ghe iera un pasagio a livel.

Se notè ga più case Ceroglie e Malchina che Sistiana.

Anche a Duino ghe xe solo el castel e tre case, il Vilagio del Pescatore non esisti, ale foci del Timavo ghe xe ancora un'isola, el Lisert xe palude, la Mandria credo che adeso sia compresa in Monfalcone città.

Tornando indrio, là dela Cava Romana, tra Sistiana e Nabresina (Aurisina), ghe xe segnado un H. St. Bivio, che devi eser la fermada feroviaria del Bivio de Aurisina. Ghe xe poi dei brevi trati traciadi con linee rete, che no so se sia teleferiche o linee de corente (podeva eser nel '14?), o altro.

La piantina su

http://www.atrieste.org/download.php?id ... 730381d307

[rofizal]

Nella sezion Lisert Rofizal disi:

Esisti za la stazion de Vizovlje (poi diventerà Visogliano) e [...]per andar a Mavhinje (Malchina) forsi ghe iera un pasagio a livel.

Ogi go controlado e se vedi chiaramente che ghe iera una strada che pasava oltre la stazion de Visogliano. La xe stada serada con un mureto e una cancelada.

[babatriestina]

qua gavè el arco natural nel 1964
( foto fatta de mi, cola Retina che me gaveva regalado papà) ricavada del negativo original

per inciso, penso che saverè che sul lato oltre la galleria xe i resti de un fascio, alquanto scarpelai, e verso el interno xe una sporgenza che par el profilo de Dante: i mii muli me gaveva dito, in gita scolastica, che bisogna ripeter Viva Dante Viva Dante Viva Dante e esprimer un desiderio

[babatriestina]

altra cartolina dela Costiera, un pochi de anni fa

[Lugara]

Go leto anche mi sto interessante libro, pien de curiosità e sorprese, ma le foto e cartoline che gavè publicado voi xe ancora più intriganti, in particolar quela de babats dove se vedi la galeria in costruzion...

[snif]

per inciso, penso che saverè che sul lato oltre la galleria xe i resti de un fascio, alquanto scarpelai, e verso el interno xe una sporgenza che par el profilo de Dante: i mii muli me gaveva dito, in gita scolastica, che bisogna ripeter Viva Dante Viva Dante Viva Dante e esprimer un desiderio

no ti ga dito che tanti sonano clacson di auto co passa soto di galeria
mi no sa parchè...ogniduno me ga contado sua interpretazion

parò, far questo no va bene, zone è sempre a ris'cio di frane

PS-forsi sior rofizal pol trovar risposta com motor di chi zerca

[AdlerTS]

Su ebay

[rofizal]

Xe la zona de Miramar, nel 1962.

[AdlerTS]

Go trovado su un mio vecio CD questa foto:

[AdlerTS]

"Strada per Monfalcone"

[babatriestina]

Questa invece xe da una vecia cartolina, che se pol paragonar ala foto mesa da Adler.

riguardo sta immagine della costiera aquarellada, mi la go trovada ( fazendo ordine fra robe vece) su un dépliant turistico Trieste e i suoi dintorni, che con calma ve posterò perchè el xe del 1939, ma i lo ga riciclado nel dopoguerra, con scancelado in rosso Postumia e san Canzian, no più entro i confini italiani, e segnando nela cartina tutti i novi confini.
I acquarelli ( ghe ne xe anche qualche altro) xe firmai Aldo Raimondi Anno XVI che volessi dir 1938, se go calcolado giusto.

[AdlerTS]

A colori

[AdlerTS]

Verso sistiana

[sono piccolo ma crescero]

"Strada per Monfalcone"

Lo ho notato adesso. Mi piace quella macchina, che nel dubbio se tenere la destra o, all'inglese, la sinistra, ha scelto di statrsene al centro (della strada eh! Non butemola in politica!)

[1382-1918]

Verso sistiana

Questo xe el ramo de strada che oggi xe morto e adibido a parcheggio.
In mezzo a quella zona a forma de semicerchio ghe xe una specie de vaso decorativo.