Una volta el iera tuto verde e de carta fina fina, poi i li ga fati più pici e de carton. Sule prime machinete iera semplicemente un timbro sul retro.
Questo che go trovà come segnalibro in un libro a casa de mia mama, iera dà sui autobus col biglietaio nei ultimi periodi in cui el biglietaio ghe iera.
Per i giovanoti e le signorine che no sa cosa che vol dir biglieto verde, iera el biglieto che i dava sui tram fin ale oto e meza; el costava come quei che i dava dopo, ma, per agevolar chi che ciapava l'autobus per andar a lavorar, el valeva anche per el ritorno. Gnache dir che, de conseguenza, se andava a Barcola al bagno in modo de ciapar l'ultimol tram prima dele oto e meza e no come che fa i muli ogi che no i va prima dele 11. E el tram iera stracarigo.
su quei "automatici" el timbro iera per lungo, in blu e diseva (me par) "-RITORNO-". (grazie per la prosima scansion del medesimo succitato...)
El sistema iera automaticamente manuale nel senso che el guidator ale oto e meza spostava un interutor sul quadro de controlo dela emettitrice che el gaveva a fianco de lu e el retro del biglieto restava bianco.
Mi me ricordo più ben forsi dei biglieti "verdi" originali, perchè li dopravo sempre per andar a scola e a lavorar. Più avanti, co xe vignui quei altri, li usavo de meno, ma li usavo!
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
El biglieto gialo, dela stesa dimension del vecio biglieto verde (quel più vecio che ricorda nona picia) el iera un biglieto orario: se podeva ciapar quanti autobus che se voleva, ma in un'ora. Contrariamente a quei orari de ogi (tutti) l'importante iera montar sul tram prima che el fusi scadù. Me par che el costava come due corse (o forsi un poco de meno) e ale fermate iera tuto un regalarse biglieti giali: chi cha gaveva finì a chi che cominciava la corsa (e chisà magari qualchedun ghe lucrava sora, questo no lo so).
Ri-bonasera a tuti e anca a ti sbriso, mi li dopravo tuti e dò e me ricordo solo che i orizinali verdi e zali.
El zalo, parò, mi me ricordo ch'el costava come 'na corsa unica normale e parchè lo dopravo esclusivamente d'istà, in quanto visto che jero tropo magra i me dava la "refezion" anca d'istà e quel'ano scolastico i me dava anca a scola la "refezion speciale" che consisteva in t'un piato de subioti co'l ragù ogni zorno come primo e po' el secondo e el contorno previsti dal menù dela setiamana (quando fazevo mi le elementari ghe jera la posibilità de gaver anca la "refezion" che consisteva nel pasto completo de mezogiorno, par i fioi dele fameje più disagiade e me ricordo parfin che giovedì iera el zorno che preferivo parché, visto che el menù jera setimanale, de giovedì i fazeva pastina in brodo de carne, polpete co'l sugo e purè de patate: l'unica roba de scociante jera che par poder far el bis del secondo te dovevi cior anca un'altro primo) ogni tanto - anzi squasi sempre salto de pal in frasca, cusì vien fora un rebelot - disevo che quel'istà (stavo frequentando al IV elementare) i me dava la refezion, parò par poderla magnar se doveva 'ndar fin in via Gambini: no' me ricordo cosa che jera de preziso in stà via Gambini, me ricordo solo e vagamenete che ghe ijera 'na granda sala de pranzo con normali tavolini par quatro persone e che ghe magnava anche i adulti, comunque me ricordo benisimo che mama - visto che la gaveva pochi soldi, ma alo steso tempo la gaveva paura de mandarme de per mi de via Udine fin in via Gambini, la me fazeva compagnar de mio fradel e se i blieti zali (che se doveva doprarli entro l'ora) gavesi costado de più dei normali no' lo gaverìa fato.
Inoltre me ricordo che i bilieti zali i xe stadi cavadi prima de quei verdi e me ricordo anca che l'ultimo bilieto verde - tornoa ripeter, mi me ricordo proprio solo che del bilieto verde suserio, nò come quel che te gà mostrado ti Piccolo - el costava 50 lire.
Ciau ciau, sempre con tanta simpatìa, Lela.
Il vero "giusto" è colui che si sente sempre per metà colpevole dei misfatti altrui!
Mi gavevo salvado qualcossa anni 60: per el mio smisurato amor per i bagni a Grignan, gavevo perfin salvado un pochi de biglietti dela G ( come Grignan) che ciolevo ogni giorno con mama . Alcuni gaveva el prezzo, de 70 a 120 lire, forsi a seconda se iera sola andata o andate e ritorno, altri no, i cambiava de color: ovviamente li vendeva el bigliettaio sul autobus
e po un del tram de Opcina, anche anni 60, fin al campo sportivo de Cologna, dove che mi poco fazevo attività sportiva extra, me sa che iero andada a veder qualche gara coi compagni de scola
"mi credo che i scrivi sta roba per insempiar la gente" ( La Cittadella)
Rix2-ciau babaTS, ma te me spieghi come che te fà a gaver 'ncora tuta quela roba? Diari de scola, biglieti de autobus, stranisimi atrezi de lavor, ara ghe fico anche un ecc., parché son sicura che te gà 'ncora qualcosa de stranisimo.
Sarà che mi no' gò squasi più gnente dela mia zoventù - a parte de qualche foto de grupo de co' jero in asilo e a scola - de ste ultime gnanca tute - parchè le gò portade quà quando mia mama xe morta.
L'unica roba che gò 'ncora - e anca quela la gò trovada a casa de mama - xe l'agendina co'i giorni dele vacinazioni de Gianfranco e Manrico, quele de Fabiana no le gò.
Xe de dir anca che, a parte a Trieste indove gò cambiado più volte casa, ma son anca vignuda a Sondrio, prima pensavo par un breve periodo, ma quando gò visto che 'stò periodo el se prolungava tropo, ghe gò pregado a mama de "sgombrar" l'ultimo quartier che gò gavudo là e, chisà, quanta roba che la gà butado via.
Mi, i unici bilieti che gò conservado se quel del'areo par Roma de quando son stada là par el matrimonio de mio fìo Manrico e el bilieto del tragheto par 'ndar in Sardegna cò se gà sposado mio fìo Gianfranco e questi i xe insema ai rispetivi album de foto.
Ciau ciau, sempre con simpatia, Lela.
Il vero "giusto" è colui che si sente sempre per metà colpevole dei misfatti altrui!
Mi me ricordo ben el biglieto verde grando, de carta fina.
Ma gaveria giurado che iera quel che permeteva de far tute le corse che se rivava far in un'ora. Tanto che se ga continuà a ciamarghe "el verde" anche quando che el biglieto iera ormai bianco e andava timbrado nele machinete "obliteratrici". (Ma indove i trova 'ste parole? )
[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Bona sera serlilian, no no, el biglieto zalo iera quel che te disi ti e, de solito te rivavi a doprarlo solo par un andata e un ritorno, parché in fin dei conti un'ora la pasa svelta, ma se in t'un ora te rivavi a far anca più corse te podevi doprarlo quante volte che te volevi.
Jera quel verde che te permeteva de doprarlo dale oto de matina din ale oto de sera (o oto e meza, no' me ricordo nen), parò no' me ricordo se te podevi doprarlo par quante corse che te volevi o solo par do (andata e ritorno par chi che 'ndava a lavorar o a scola) quel bilito verde de carta fina fina che te disi ti, e che i lo dava 'ncora co' jera i bilietai sula tram o sula filovia.
Ciau ciau, sempre con tanta simpatìa, Lela.
Il vero "giusto" è colui che si sente sempre per metà colpevole dei misfatti altrui!
cussì che no par , anche i biglietti de adesso val un'ora, anche quei de 10 corse che dopro mi, e in un'ora mi rivo spesso a far la spesa alle Torri. Po de festa i val 4 ore, e arivo a farme giri in Carso, su de una parte e zo de l'altra, che in macchina bisogna far con due macchine andando su e zo..
"mi credo che i scrivi sta roba per insempiar la gente" ( La Cittadella)
Sì babaTS, anca quà de noi i val 1 ora e 1/4, anca se purtropo ghe xe solo che un autobus che se ciama "città" e el pasa ogni 42 minuti, cusì no'l xe par gnente fruibile,
Se te savesi quanti soldi che gà speso el Comun par far stuti sul trasporto publico, prima proprio a l'Università de Trieste, pà co' altri spezialisti de Milano: insoma i gà speso 'na fraca de bori e no'i gà risolto gnente.
El primo el parti ale 7 e 1/4 de matina e l'ultimo ziro el finisi ale 7 e 1/2 de sera e i gà anca el corajo de lamentarse che i xe in deficit, par forza: chi te vol che lo dopri?
El fato xe che Sondrio, de quando che son rivada mi e quel'unico autobus podeva bastar (a parte quei par le frazioni) la se gà ingrandido sia a sud-ovest che a nord-est.
Ogni volta che ghe jera 'stò tipo de discusion in comision "Teritorio", mi ghe gò sempre dito ai consiglieri parchè i gaveva de spender un mucio de soldi dei zitadini e no' risolver un tubo, quando che anca 'na sempia come mi gaverìa capido che bastasi do autobus che co' le corse i formasi 'na spezie de 8, cioè un che fazi el ziro zentro nord'est zentro e quel altro che'el fazi el ziro zentro su-ovest zentro e che in zentro i gavesi qualca fermada in coinzidenza, cusì se un gaverìà proprio bisogno de 'ndar de 'na parte a l'altre dela zità, col bileto ch'el dura - come che gò zà dito, 1 ora e 1/4 - i poderìa tranquilamente farlo e soratuto i dimezeria i tempi de percorenza rendendo el trasporto publico più fruibile, anca de chi che lavora. Naturalmente bisognerìa anca alungar i tempi del servizio, che i parti tropo tardi e i finisi tropo presto, ma penso che i riverìa comunque coverzer i costi e anca a diminuir el deficit oltrechè el trafico co' tute le sue conseguenze.
Ma d'altrocanto, come par tuto el resto in Italia, "parchè far fazile quel che se pol far difizile?"
Ciau ciau, sempre con tanta simpatia, Lela.
Il vero "giusto" è colui che si sente sempre per metà colpevole dei misfatti altrui!
Me ricordo che esisteva anche un biglieto uguale al verde ma de carta bianca e el iera ciamà dopio, el valeva per due corse ma no me ricordo come bisognava farle
Co stavo soto a San Luigi e andavo a scola al'Oberdan: dovevo andar a pie: no ghe iera mezzi pubblici!!!!
Me fazevo Via Chiadino, via Pascoli (quela volta via del Istituto), piazza Garibaldi, via del Bosco, scala Stendhal e via Veronese; idem al ritorno. E questo ogni giorno e se iera ginastica al pomeriggio, sta caminada me la fazevo, andata e ritorno, due volte.
Dopo, che per motivi famigliari, son andà a star in Rozzol, gavevo la tessera del 11 e me restava solo de far a pie la galleria Sndrinelli la scala e la via Veronese.
Iera un bon esercizio fisico. Fè voi el conto de quanti chilometri che fazevo ogni setimana dal lunedì al sabato in un ano de scola.
ciao
sum culex
Anche mi, per 'ndar a l'Oberdan me fazevo, da Scorcola e ritorno. Galeria Sandrinelli, in su per man sinistra e ritorno, in zo per man sinistra (iera obligatorio el senso de marcia pedonal! Con i libri ligai co l'elastico o la saca co la maniglia. No iera ancora de moda i zaineti.
)
Fè voi el conto de quanti chilometri che fazevo ogni setimana dal lunedì al sabato in un ano de scola.