Tornare bambini: le filastrocche

[Ciancele]

De putei dizeimo anca: iera una volta Piero se volta casca una sopa Piero se copa casca un bucal e Piero se fa mal. El resto iera problemi de inventiva. Se ‘ndava ‘ssai pa’ le longhe, fin che un se stufava e el dizeva: La rima xe bela e bona ma el poeta xe un gran ... birichin. No vado avanti.
Salomè cantaimo: Salomè Salomè fin che coro no me ciapè.
Noi siamo i tre re vignudi tuti e tre vignudi da l’Oriente per adorar la gente. Maria Luisa Santana sospira che xe nato el mondo xe nato el redentor.
In una letera dei letori ai tempi de la Citadela uno ga scrito che Maria Luisa vol dir Maria lo sa e Santana iera Satana sospira.
Co’ l’andar del tempo se storpia el testo. Come in Roma rivendica l’impero che ala fin vien: A noi ti daremo l’impero a noi stremar. El maestro me dizeva: No. Noi ti daremo l’impero d’oltremar.

[sum culex]

De putei dizeimo anca:Noi siamo i tre re vignudi tuti e tre vignudi da l’Oriente per adorar la gente.

Per questa noi inveze disevimo: vignudi da l'oriente per imbroiar la gente.

ciao
sum culex

[Ciancele]

Sum Culex: Divento vecio e perdo colpi. Naturalmente per imbroiar. Domando pardon a tuti. No sucederà più. Saluti da Ciancele

[VetRitter]

Domando pardon a tuti

pardon de cosa??

Divento vecio e perdo colpi.

xe dei giovani che i podessi lecarse le orece a perder colpi come che te li perdi ti..
saluti

[nonna ivana]

Proprio così, Vet!

Scusa di che? Io trovavo molto bella e antica la sua versione, positiva e serena...e da filastrocca col sapore ingenuo ottocentesca...se può essere !

[Nona Picia]

Sum Culex: Divento vecio e perdo colpi. Naturalmente per imbroiar. Domando pardon a tuti. No sucederà più. Saluti da Ciancele

Ciancele, no preocuparte...te savessi quanti colpi che perdo mi.........

[Ciancele]

Me vien inamente:
Pepi crepi sta sul fien
fa la guardia a chiche vien
se vien la sua morosa
ghe demo una bela rosa
se vien i sui parenti
ghe demo la scova per i denti.
Non discutiamo sul contenuto letterario di questi versi.

[babatriestina]

D
Salomè cantaimo: Salomè Salomè fin che coro no me ciapè.
.

Cori cori Toni
se ti me vol ciapar
Fin ale otto
te tocherà subiar
Uno due
due e tre
fin che coro no me ciapè
( questa iera de mia nona)


Lole lole de butiro
fate là che no te impiro
Se te impiro te fazzo mal
lole lole papagal

( questa inveze mama)

[sum culex]

Anche questa iera una vecia filastroca de quando che iero muleto; me par che no se la senti più.

Andele bandele pete perè
quante feste ghe ne xè
ghe ne xè trentatrè
......
Fin che coro no me ciapè

No me la ricordo tuta, questo xè solo quel che me vien in mente: Qualchedun saveria completarla?
ciao
sum culex