Modi de dir triestini

[sono piccolo ma crescero]

Piereto ala vose Idrovolanti scrivi

Ve meto per curiosità un do foto: una de un idrovolante che gira ancora oggi e che xe el american catalina della II guerra mondiale, e un moderno idrovolante Beriev Be200 (societa russo americana) aviogetto da 20 posti nella foto con le rode.

Me par interessante el suo modo de dir "un do foto" che me par bastanza tipico; secondo mi lo dopremo solo per numeri pici "un do", come Piereto, forsi "un tre" o per numeri grandi aprossimai: un cento de lori.

La domanda che ve fazo xe: in italian come lo tradusessi: un cento de lori, lo traduria "circa un centinaio" e anche coi numeri pici "se semo visti un do ore fa", "ci siamo visti circa due ore fa". Nel caso de Piereto no diiria "circa" perché le foto se giuste due, ma che el numero in sè no ga importanza, le gaveria podudo eser anche de più.

Ve domando ancora: sto "un" no me par che sia un articolo indeterminativo, no me par un pronome o un numero cardinal, cosa xe? un avverbio, una preposizion, ,,,?

[Nona Picia]

Xe una domanda che no me son mai fata....mi me pareria quasi un articolo indeterminativo.....

[sono piccolo ma crescero]

Te sa che te ga ragion: "un do" sta per "un paio" "un cento" un centinaio... La particolarità, in sto caso, no saria nel "un", come pensavo mi, ma nel "do" doprà per "paio": "un do de lori" un paio di persone.

[babatriestina]

pensavo anche mi cussì. in fondo disemo anche " un per de lori"

[Piereto]

Credo che che sia de intender tutto el termine "un do" non tanto come preposizion circa , quanto come aggettivo nel senso de qualche. Se go dito un do manade , coregeme. Guarda caso nel post ga coinciso el generico un do foto proprio con due foto de numero.
Fora tema ve segnalo che quando do dei forumisti quasi contemporaneamente posta un scritto come mi adesso, quel che riva per primo impedisi al secondo de esser postado. Cusì me ga tocà adeso riscriver el post. (Xe rivadoprima el post de BT)

[Piereto]

No so se gavemo za incontrado el modo de dir " un cava e meti" che saria quel che femo continuamente sul forum . Cioè cavemo quel che gavesimo podudo scriver perchè altri ne ga precedudo e metemo qualcosa de novo. Quindi cava e meti nel senso de rifar continuamente.

[babatriestina]

Fora tema ve segnalo che quando do dei forumisti quasi contemporaneamente posta un scritto come mi adesso, quel che riva per primo impedisi al secondo de esser postado. Cusì me ga tocà adeso riscriver el post. (Xe rivadoprima el post de BT)

se no xe cambiado, vegniva fora un aviso " ara che qualchedun ga messo un post" ma se pol continuar senza dover ricominciar, che mi sapio

[Ciancele]

Xe una domanda che no me son mai fata....mi me pareria quasi un articolo indeterminativo.....

Ma podaria eser anca un agetivo o averbio numerale. Quanti de lori? Un do = un paio o circa. Se voio eser preciso digo do. Se digo un do no son preciso.

[babatriestina]

un do e un paio no xe dubi ch e el un sia un articolo indeterminativo. Perchè no credo che un do voli dir uno due

[sono piccolo ma crescero]

SIccome in italian lo traduria con circa mi ancora saria per avverbio;

Ierimo un diese de lori

Poderia eser un articolo se tradusemo diese con decina, cioè se ghe demo un significato singolare, coletivo, a diese, ciè se diese no xe più un numero, altrimenti poderia eser un avverbio come circa.

[Ciancele]

SIcome che in italian lo traduria con circa mi ancora saria per averbio;

Ierimo un diese de lori

Poderia eser un articolo se tradusemo diese con decina, cioè se ghe demo un significato singolare, coletivo, a diese, ciè se diese no xe più un numero, altrimenti poderia eser un averbio come circa.

Ogi xe lunedì de Pentecoste e gavemo festa. Cichè. E cichè anca doman, parchè xe qua, ma solo qua, xe una festa citadina in bosco.
Ma par tornar a robe meno serie. Mi no son bravo de talian, ma go studià la gramatica. E diria anca mi averbio, parchè no xe declinabile.

[Ciancele]

Gavemo fato una spanzada. No go trovà sul vocabolarieto. Ci siamo fatti una mangiata.

[babatriestina]

Gavemo fato una spanzada. No go trovà sul vocabolarieto. Ci siamo fatti una mangiata.

abbuffata, diria

[babatriestina]

Trovo Musina salvadanaio, non la locuzione " far musina" nel senso di risparmiare, mettere da parte.

[Piereto]

Non son andà a veder tra le robe vece , e per queesto me scuso in anticipo, ma gavemo za menzionado el " far un sancasan" nel senso de un grosso remitur, de butar tuto per aria ?

[Nona Picia]

Mai sentido a dir el vero...

[babatriestina]

Corteggiare: Tirar sardoni lo go scoperto del recente. Per i mii veci " se ghe fa la tira" e questo gavemo e anche " se ghe fa le bele" e questo no trovo

[Ciancele]

Corteggiare: Tirar sardoni lo go scoperto del recente. Per i mii veci " se ghe fa la tira" e questo gavemo e anche " se ghe fa le bele" e questo no trovo.

Par mi far le bele xe cortegiar, ma in senso lato. El me ga fato le bele: par gaver qualcosa. In senso lato.

[Nona Picia]

Corteggiare: Tirar sardoni lo go scoperto del recente. Per i mii veci " se ghe fa la tira" e questo gavemo e anche " se ghe fa le bele" e questo no trovo

Tirar sardoni la conosso ben, avendo avudo due fioi e perdepiù mas'ci con tanti amici che vigniva per casa e 5 nipoti no podevo no saver cos che voleva dir..

[Ciancele]

Corteggiare: Tirar sardoni lo go scoperto del recente. Per i mii veci " se ghe fa la tira" e questo gavemo e anche " se ghe fa le bele" e questo no trovo

Tirar sardoni la conosso ben, avendo avudo due fioi e perdepiù mas'ci con tanti amici che vigniva per casa e 5 nipoti no podevo no saver cos che voleva dir..

Tirar sardoni no go mai sentì. Ti te gavevi do fioi, mia mama gaveva albergo: do fii sui, do fii de altri (nipoti), un fradel picio e un un poco piú grando. E no go mai sentì che la gaveva sentì. Noi diseimo star drio, co' ierimo fioi, e, più tardi, far oci de peso lesso.