Malavita

[macondo]

Ghe xe un bel articolo sul Piccolo de ogi, sui termini usadi per definir quei che vivi ai margini dela societá. Per esempio: legera (marza), nagana, lama, tara e boba. Una roba che no savevo, xe che nagana xe un termine africano che vol dir 'malatia del sono' causado dal tripanosoma trasmeso dala mosca tse-tse. In questo caso, la fiaca, la poca voja de far che carateriza le 'nagane' nostrane.

[babatriestina]

Lo go giusto salvado, e in effetti, quel iera el significato de nagana/indormenzado che conossevo (poco) mi. Mi iero dei tempi che se doprava "lama" e "tara".

[AdlerTS]

L'origine non la savevo, ma go sentido dir qualche volta "dopo magnado me ciapa una nagana...."

[sono piccolo ma crescero]

Per mi tara iera spregiativo, lama no. Nagana e la sua version accrescitivo/peggiorativa naganon la go sentida per la prima volta intorno al 75 e ricordo la frase "si ma mi in quei anni go fato el nagana e inveze de studiar me son messo a giogar a balon". Comunque el Doria riporta

Nagana: tre significati: fiacca, scansafatiche e teppista. L'etimiologia, secondo lui, xe zulu e el nome se xe difuso con un film american "Nagana" dei anno 30.

Lama: persona furba (e in questo senso lo conosevo anche mi), el disi che la xe anche ne'largot lame e diffusa anche in italian nei anni 75-80.

Tara: individuo sfaticato, peso morto su cui non si può fare affidamento

Boba: no'l riposrta nessun significato che non sia quel del pesse e del minestron

Legera: originariamente "associazione a delinquere" e poi tipo losco e infido (forsi dal milanese). El sotolinea che nagana, legera (e lagna che qua no c'entra) xe tutte parole che partide da un significato le xe pasade a indicare una persona.

[VetRitter]

mi sentivo atorno a gli ani '85-'88 anche "Satina" e "Samagonga", riferidi a persone con più voia de osmize che de lavorar.. Né savé qualcosa?
saluti

[macondo]

Mai sentito, ma sará perché in quei anni jero al estero.

VetRitter, perdonime l'OT. Quando son stado per qualche mese a Piacenza, gavevo imparado sto deto: "A Piasensa de luc ne ghe mai sensa". Se usa ancora?

[VetRitter]

"A Piasensa de luc ne ghe mai sensa". Se usa ancora?

eh si, però è più utilizzato da quelli del circondario verso i piacentini di città, i cosiddetti "piasintein dal sass", perchè nati nel centro città, nelle vecchie case di sassi, e che si reputano più "nobili" di quelli della provincia.
è un detto usato anche dai parmigiani.
saluti