Vocabolarietto Triestin-Italian

[Piereto]

Però ciancele ghe xe anche dei fondi boni, che se magna come quei dei carciofi

[sono piccolo ma crescero]

Per la genia va più che ben. In quanto a feccia se podessi tradurla con morchia opur co un generico : la botiglia o el vin ga dei fondi.
Feza mai intesa.

Adeso che te ga dito MORCHIA (che xe italian) me son ricordà che i me gaveva segnalado MORCA e anche el Doria lo riporta. Sicome no lo go mai doprado, no'l me vigniva in testa. Comunque penso anche mi che FONDO posi andar ben.

Sicome scriver in maiuscolo per qualchedun vol dir urlar, ricordo ogni tanto che che scrivo in maiuscolo solo per evidenziar la parola no per alzar la vose.

[sono piccolo ma crescero]

Son sicuro che ghe xe la parola, ma no la me vien. Come se disi le frattaglie (interiora)?

[Ciancele]

Però ciancele ghe xe anche dei fondi boni, che se magna come quei dei carciofi.

Grazie a Son Piccolo Ma Crescerò ed al suo (nostro) vocabolarieto de talian-triestin son rivà a capir che fondi che te intendi.
Mio papà 'ndava mato e su cognà anca. Mio sio diseva: basa e buta via.

[Ciancele]

Son sicuro che ghe xe la parola, ma no la me vien. Come se disi le frattaglie (interiora)?

L'unica parola che me vien xe coradela, ma no so se xe giusto. Se sì, batime una man sula spala.

[Piereto]

Un termine xe coradela che saria trippe e animele.

[sono piccolo ma crescero]

Sì, iera propio coradela. No'l me vegniva in testa.

[sono piccolo ma crescero]

Ogi me xe vegnù in testa due parole e vvolevo conferma perché no son propio sicuro:

Portiera (in Italian portiera dell'automobile) -> in dialeto Porta
Portinaia/o -> in dialetto Portiera o portier

Ve par giusto? O portiera xe quela del'auto anche in dialeto?

[babatriestina]

portinera .Le mie indimenticabili portinere signorine Anna e Gina

[Nona Picia]

Porta de casa, portiera quela dela machina, portinaia o portinaio quel de palazzo

[Nona Picia]

VERUL cossa vol dir esatamente? El xe nel vocabolario?

[babatriestina]

VERUL cossa vol dir esatamente? El xe nel vocabolario?

certo che el xe !
basta zercar...
https://www.atrieste.eu/Wiki/doku.php?id=dialetto:v

[Nona Picia]

Te sa chei a zercar me perdo.....grazie comunque

[Piereto]

Guardando soto la v, me par de no aver trovà..... verdindusia, che se disi de un tessuto che nol xe bon, che nol gà consistenza.

[Nona Picia]

Mai sentido...

[Ciancele]

Mai sentido...

Devi eser una de quele espresioni che xe vignude con le famose fibre tessili artificiali. Probabilmente la conosi solo quei che xe del mestier.

[sono piccolo ma crescero]

Ogi me xe vegnù in testa de ver sentì, anche se non go mai doprà, el verbo

SCATURIR

che credo voi dir "sbottare, arrabiarsi, dar di matto".

MI penso de verlo sentido più volte, ma ve domando comunque conferma.

[sono piccolo ma crescero]

Ogi me xe vegnù in testa de ver sentì, anche se non go mai doprà, el verbo

SCATURIR

che credo voi dir "sbottare, arrabiarsi, dar di matto".

MI penso de verlo sentido più volte, ma ve domando comunque conferma.

Trovado in un articolo del PIccolo

http://ricerca.gelocal.it/ilpiccolo/arc ... 34_02.html

Nel articolo Zeper disi che Scarturir xe anche "lo spaventarsi di un branco di pesci durante la pesca". Mi questo termine qua no lo go mai sentido e quindi, a meno che qualchedun no me lo confermi, no lo meto.

[babatriestina]

per mi scaturir xe più esser spaventado. "el iera scaturido al idea de cavarse un dente"

[Nona Picia]

Per mi scaturir xe sempre stado andar fora de testa e dar de mato