la version "spaventado" el Doria Zeper la dà in bisiaco, veneto, zaratin e Lussingrande anche Scaturì stento, meschino. Se vedi che mama lo gaveva ciapado de ascendenze istriane
E D Zeper disi che el significato scaturir rabiarse xe gergo giovanil recente anni 80 e successivi.

Penso anche mi che el sia recente. Mi no lo go mai doprado, ma lo go sentido (per BT: la nostra preside ultima e forsi anche la vicepreside).

Controlando certe vose e confrontandole col Doria trovo una diferenza tra mi e lu.

MINESTRA DE PIRON: per mi xe minestra che se magna col piron, quindi pastasuta, risolto, ecc. Per el Doria xe el contorno al secondo piato.

E per voi?

sono piccolo ma crescero ha scritto: ↑gio 13 dic 2018, 9:29 Controlando certe vose e confrontandole col Doria trovo una diferenza tra mi e lu.

MINESTRA DE PIRON: per mi xe minestra che se magna col piron, quindi pastasuta, risoto, ecc. Per el Doria xe el contorno al secondo piato.

E per voi?

Minestra de piron diseimo anca noi e concordo con Son Piccolo Ma Crescerò e no con Doria. Pal contorno del secondo piato Doria dovaria dir minestra de piron e cortel.

no so giudicar perché in casa mia no se ga mai doprado, E gnanca minestra che o iera brodo o minestron, me par...

me xe vegnuda inamente una parola che doprava mia nona e che no trovo sul vocabolario: unghìsia. per indicar quelle fastidiose pellicine dure che in italian se ciama anche pipite: la vedeva poco e la vegniva de mi per farse taiar ste fastidiose unghisie.

Mai sentido

Parola nova mai intesa.

Piereto ha scritto: ↑lun 31 dic 2018, 17:16 Parola nova mai intesa.

tegnudo conto che mia nona iera del 1871, forsi tropo vecia... gnanche mi no la go mai sentida dopo de ela.

Vocabolo ormai desueto, ma presente nei vocabolari, e di cui non ricordavo il significato preciso: la velada
Se ho ben capito abito maschile elegante, per cui traslata, anche la persona che lo portava " ehi, velada!"
Compare anche nella versione di Micheze e Jacheze quella più completa che devo raccogliere da diverse parti del forum

e i nidi de sorzi? chi li ga dovudi distrigar?

Ghe xe una canzon triestina bastanza famosa, anche perché el coro Illrsberg la ga messa nel suo repertorio:

Quei de la cana no li volemo
Quei de la tecia meno che meno
E quei de l'ongia meno che sia
...

Per CANA trovo che vol dir Cappello a cilindro. Bon.
Per ONGIA berretto con la visiera; questo lo go sentido doprar anche per definir la bereta che go in testa mi.

Per TECIA el Doria disi Berretto a forma di teglia. Ma come el saria fato? Una bereta a forma de scudela? Una bereta come quei de paia con una tesa drita tuta intorno?

Ongia xe istesso che rasca. Ma la tecia " la vecia cola tecia col ombrelin del sol" paressi esser unisex

Sì, ma come se fato un capel a tecia? Giusto per meterlo meio sul vocabolario

E un'altra roba: rasca mancava nel vcabolario. EL Doria me lo dà maschile el Kosovitz femminile. Cosa meto?

a casa mia iera la rasca

sono piccolo ma crescero ha scritto: ↑dom 20 gen 2019, 8:10 Sì, ma come se fato un capel a tecia? Giusto per meterlo meio sul vocabolario

a ocio mi imagino una sezion cilindrica some quele che porta le siore anche adesso de lana col fioreto de lato, ma forsi qualchedun ga idee più precise

sono piccolo ma crescero ha scritto: ↑dom 20 gen 2019, 8:10 Sì, ma come se fato un capel a tecia? Giusto per meterlo meio sul vocabolario.

Mio papà gaveva la bareta. Quela disemo a visiera. Noi muli gaveimo inveze el capel. Borsalino. Noi lo ciamaimo tecia. Dame la tecia, me diseva mio fradel. De più de no poso dir, parchè de solito diseimo klibuk o klabuk (sloveno).

Quindi tecia: cappello con tesa.

Ciancele ha scritto: ↑dom 20 gen 2019, 9:48 parchè de solito diseimo klibuk o klabuk (sloveno).

se vedi che mama gaveva sentido de sloveni de Lubiana, perché ela diseva semai klobuk. come che scrivi anche el mio vocabolario sloveno.

https://it.pons.com/traduzione/sloveno-italiano/klobuk

però le tece ( casseruole) ga due manighi ma no ga bordo