Pagina 11 di 12

Re: Vocabolario Italian - Triestin

Inviato: mer 26 dic 2018, 14:27
da sono piccolo ma crescero
Per mi, ma semo in regime democratico e ognidun de noi ga un voto, IMPIZAR accendere me diventa 'MPIZAR, la m quasi no se la senti, come la n de andar in 'ndemo.

Ell discorso xe diverso per STUDAR e DISTUDAR. Per mi le va ben tute due. El DEVOTO OLI, ma anche el Treccani http://www.treccani.it/vocabolario/stutare/ riporta un italian STUTARE (dal latin EXTUTARE). El DI lo metemo davanti a tanti verbi: DISCOVERZER, DISCUSIR, DISNOTAR, xe tuti verbi che se pol, per mi, doprar con o senza el DI davanti.

Sotolineo el "per mi".

Diverso xe el discorso per [DI]STUDAR e SPEGNER: sto ultimo me par propio che no esisti in dialeto: va ben GO STUDÀ LA LUCE, GO DISTUDÀ LA LUCE, ma no va ben GO SPENTO LA LUCE, anche se credo de 'verlo doprà :oops: .

Re: Vocabolario Italian - Triestin

Inviato: mer 26 dic 2018, 14:35
da sono piccolo ma crescero
Zonto ancora una riflesion: el Kosovitz riporta tuti solo col DIS... el Doria SIa col DIS.. che solo col S... quindi poderia darse che la seconda forma sia vegnuda fora più de recente.

Re: Vocabolario Italian - Triestin

Inviato: dom 30 dic 2018, 14:10
da babatriestina
Oggi go leto un triestin che scrivi "tallon" per calcagno

Re: Vocabolario Italian - Triestin

Inviato: lun 31 dic 2018, 17:29
da babatriestina
manca ricotta che i dìsi ricota ma xe puina

Re: Vocabolario Italian - Triestin

Inviato: lun 31 dic 2018, 17:30
da babatriestina
mi digo zuchero, ma me ricordo la nona dela mia amcia che diseva sùcaro

Re: Vocabolario Italian - Triestin

Inviato: mar 1 gen 2019, 9:31
da babatriestina
Rovescio: A rovescio xe ala riversa

Re: Vocabolario Italian - Triestin

Inviato: mar 1 gen 2019, 11:34
da Ciancele
babatriestina ha scritto: lun 31 dic 2018, 17:30 mi digo zuchero, ma me ricordo la nona dela mia amica che diseva sùcaro
No solo la nona dela tua amica ... :cheezy_298:

Re: Vocabolario Italian - Triestin

Inviato: mar 1 gen 2019, 13:15
da babatriestina
Ciancele ha scritto: mar 1 gen 2019, 11:34
babatriestina ha scritto: lun 31 dic 2018, 17:30 mi digo zuchero, ma me ricordo la nona dela mia amica che diseva sùcaro
No solo la nona dela tua amica ... :cheezy_298:
ma sa, ela iera furlana de san Foca... per cui no son propio sicura che la parlassi patoco..

Re: Vocabolario Italian - Triestin

Inviato: mer 9 gen 2019, 7:02
da babatriestina
eco go apena letto questo " No te son andada a chiederghe?"

Re: Vocabolario Italian - Triestin

Inviato: mer 9 gen 2019, 9:47
da Ciancele
Se va 'vanti cusì l'UNESCO dovarà dichiarar i nostri vocabolarieti Patrimonio culturale de l'umanità. ;--D ;--D

Re: Vocabolario Italian - Triestin

Inviato: mer 9 gen 2019, 10:39
da mandi_
In Trentino puina si dice poina, con riferimento alla forma di una poppina o mammella.

Re: Vocabolario Italian - Triestin

Inviato: mer 9 gen 2019, 19:49
da babatriestina
"se legi de fretta" per se legi in furia

Re: Vocabolario Italian - Triestin

Inviato: ven 18 gen 2019, 10:31
da babatriestina
"xe rimasto " per xe restado

Re: Vocabolario Italian - Triestin

Inviato: sab 19 gen 2019, 14:33
da sono piccolo ma crescero
Consultando le nostre pagine "A trieste non si dice" i gaveria za trovado come che se disi.

Resta un fatto fondamental: a meno che no vegni una lege che disi che no pol trovar lavor a Trieste chi che no parla pulito el triestin ;-) el dialeto xe destinado a imbarcar sempre più parole italiane. Me rendo conto che sempre più speso mi parlo nel mio dialeto (che no xe proprio el triestin) e i me rispondi in italian.

Re: Vocabolario Italian - Triestin

Inviato: sab 19 gen 2019, 16:55
da babatriestina
Mi no disessi gnente, se no xe questi stessi che se vanta de esser "patochi" , de saver el triestin, de volerlo parlar a tuti i costi...

Re: Vocabolario Italian - Triestin

Inviato: ven 1 mar 2019, 9:07
da sono piccolo ma crescero
QUa https://www.atrieste.eu/Forum3/viewtopi ... 9&start=65 Babatriestina scrivi
babatriestina ha scritto: ven 1 mar 2019, 7:29 "stavo salindo sul bus" letta stamatina
Iera za Salir-> Andar su[so].

Go zontà due esempi con montar, ma me iutè? Quando Salire se tradusi con 'ndar su e quando con montar?

Re: Vocabolario Italian - Triestin

Inviato: ven 1 mar 2019, 9:33
da babatriestina
montar de solito prevedi qualcossa come un scalin o un passo più in alto: montar in scagno ( figurato), montar sul scagno ( fisico) , montar in treno in tram, in machina - che una volta iera più alta. Andar suso xe in riva in su. mi vado in su per Scala santa, no monto per scala santa. monto in carozza. Però le scale le fazo in su no, monto per la scala dei Giganti .

el salindo sul bus, che me fa come co el gesso gratava sula lavagna, no iera per zontar al vocabolario, ma per evidenziar un repete particolarmente sgradevole e notar come che el vien sempre più doprado.

Re: Vocabolario Italian - Triestin

Inviato: ven 1 mar 2019, 16:54
da Piereto
za salindo fa el palio co scendendo .....dal bus, montar e smontar. Montar ga anche el sigificato de far (montar la guardia).

Re: Vocabolario Italian - Triestin

Inviato: ven 1 mar 2019, 20:06
da Ciancele
Piereto ha scritto: ven 1 mar 2019, 16:54 za salindo fa el palio co scendendo .....dal bus, montar e smontar. Montar ga anche el sigificato de far (montar la guardia).
Anca nel senso de cominciar, par esempio un turno: Monto ale oto.

Re: Vocabolario Italian - Triestin

Inviato: sab 2 mar 2019, 10:58
da Piereto
Ora de colazion, monto la panna.