L'Italia e il confine orientale de Marina Cattaruzza

Libri de autori triestini o dintorni o su Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

L'Italia e il confine orientale de Marina Cattaruzza

Messaggio da babatriestina »

L'Italia e il confine orientale de Marina Cattaruzza xe un libro che go visto la recension ogi sul Piccolo e siccome me interessava ( e anca conosso un poco la Cattaruzza) son passada in libreria e lo go trovado, che i me lo ga ciolto fora dela cassa, appena rivado. Me lo go ciolto e , complice la giornata piovosa, ghe ne go letto una gran parte.. devo dir che el me ga piasso moltissimo! ve lo consiglio. Xe, in un libro unico, la storia dei problemi del confin de Trieste, del 1848 a oggi, con dati, citazioni, riferimenti critici.. no posso che consigliarvelo e più de una volte, se parleremo de storia triestina, ve farò riferimento a sto libro.


Avatar utente
muloistrian
naufrago
naufrago
Messaggi: 1
Iscritto il: gio 6 dic 2007, 19:08
Località: Libera Provincia d'Istria in Esilio - Italia

"L'Italia al Confine orientale", di Marina Cattaru

Messaggio da muloistrian »

Ciao baba,

anca mi gò notado, più o men, co che el xe capità a ti, el libro de la Cattaruzza.

No el gò ciolto mi, dandoghe però, da storico, un'ociada in libreria, quanto che bastava per farme un'idea.

Su sto ghe xe da dir che da una banda 'l xe documentado e soratuto, man man che se va vanti pasando da l'Otosento a el Novesento, l'autrice la scominsa a far dele interesanti analisi storiche.

Ma da l'altra, la xe tropo spicioa n tel dir serte robe, soratuto su el periodo risorgimental fin a la Prima Guera Mondial.
Su sto aspeto, par cuasi che la se gà volesto sbrigar metendo rento opinioni vecie che andassi rivisitade co documenti che, più o men, prima o no i se conosseva o se fasea finta de no conosser.

Anca el prezo xe tropo alto (27 Euro, deso soto nadal, xe andado xò a ventidò, no so se per far oferte o perché no i vendeva).
E, scuseme, ma mi penso che sta selta la podessi anca no esar tanto per el fato che la zente lese un fiantin perché l'editor "Il Mulino", 'l gà pubblicado diversi altri libri (anca de la stesa colana) a prezi inisiali più renti a el letor.

In sostansa un bon libro ma gnanca stanto spesial (almen per uno storico de età contemporanea).

Saludi istriani


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: "L'Italia al Confine orientale", di Marina Cat

Messaggio da babatriestina »

muloistrian ha scritto:Ciao baba,
Ma da l'altra, la xe tropo spicioa n tel dir serte robe, soratuto su el periodo risorgimental fin a la Prima Guera Mondial.

Anca el prezo xe tropo alto (27 Euro,

Saludi istriani
Alora, xe de dir che ela gaxe sempre stada de sinistra e la se ga occupado per tanti anni de problemi operai, questioni sociali, etc, per cui me ga colpido che in sto libro no la me ga parso per gnente condizionada dela teoria che scariga tute le responsabilità al l fascismo e basta. El Otocento però la xe una dei pochi che la lo conta , te disi de furia, sì, ma no la lo salta come che fa tanti, e me par abastanza obiettivamente.

De un istrian, no me meraviglia che el trovi 27 euro troppo alti :-D


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Disemo che no i se pol lamentar che la gente legi poco se cior un libro costa quasi 30 eurini :-) Logico che la gente preferissi butarse su internet.
(scuseme l'OT, spero inveze de rilegger muloistrian dal punto de vista storico)


Mal no far, paura no gaver.

Torna a “Libri”