Raffaello de Banfield

[babatriestina]

Lunedì 16 aprile sarà presentato un libro, intervista- autobiografia di Raffaello de Banfield-Tripcovich, musicista, compositore, nonchè figlio di Goffredo de Banfield, l'Aquila di Trieste.
La somiglianza fisica fra i due è notevole, e sono due veri gentiluomini come se ne trovavano una volta, ma mentre il padre conservò, a mio parere, sempre l'impronta del militare, il figlio è soprattutto un musicista e un mecenate.
Direi poi un intellettuale europeo, la Mitteleuropa gli starebbe quasi strettina, visto che è nato in Inghilterra ed è vissuto molto a Parigi, oltre che a Trieste.

[AdlerTS]

Te disi che lo compro ?

[babatriestina]

Intanto, se te arivi, va a veder la presentazion, cussì te vedi el Baron in carne e ossi, credo che el zopighi un fiadin, el devi aver anca lu i sui annetti.. e pensar che de giovine el iera propio bel!

[AdlerTS]

In città lo go visto ogni tanto ... dubito però che i me dia ferie de lavor per andar a scoltarlo ;-D

Casa dovessi aver una vecia copertina de un setimanal con lui e famiglia, se la trovo la meto qua.

[ffdt]

Lunedì 16 aprile sarà presentato [...]

te sa indove? e a che ora? ...

[babatriestina]

Lunedì 16 aprile sarà presentato [...]

te sa indove? e a che ora? ...

17.30 al Ridotto del Verdi
Autrice del libro Liliana Ulessi

[ffdt]

grassie me go ciolto nota ... se rivo vado volentieri

[ffdt]

ghe iero ... no so cosa dir ... sai gente, ma de cuei che i ga parlado un el ghe ga fato 'l necrologio (el mato el sta poco ben ma 'l xe vivo) ... ma convinto ... e che bon che 'l iera, e che bravo che 'l iera, e che bela persona che 'l iera ... va ben, ah ... i dixi che ste robe xlonga la vita

comuncue eco cua una bruta foto che go fato de la sala de 'l ridoto de 'l verdi co' la gente e la tola ... me sa che go de ciorme un cavaleto

[ffdt]

sta cua inveze xe come che mia fia ga sintetizado la stesa situazion ... la ga fato prima ela a far el pupolo che mi a far la foto e la ga fato un lavor piu` bel ela ;-D (lo publico a suo nome co' la zonta de 'l "No Derivative Works")

[babatriestina]

in prima fila la moglie, la sorella, i amici, i principi de Torre e Tasso... el libro parla soprattutto dela sua esperienza artistica, dela direzion artistica del Verdi.. e a proposito de slongar la vita, xe una lettera de Magda Olivero del 2006.. i sui annetti la li ga ecome!
Presente anche la marchesa Carignani con una colana nova...

per el rapporto con la musica, lu parla soprattutto de sua mama, e effettivamente in teatro go sempre visto lu, la Baronessa Maria, e mai el Baron. Raffaello ( Falello) iera sempre molto gentil e disponibile e anca co iero picia se gavevo de domandarghe qualche spiegazion de musica o de opera el me scoltava e el me spiegava tuto pulito!

[ffdt]

ah si ... tuti i relatori i xe stadi bravi, ma me pareva che no i gavesi sai cosa dir ... va ben che per un libro su la vita de una persona se conta cualcosa de la vita de sta persona, pero` isteso me pareva che forsi i podeva eser un pel piu` curti ... de la stesa idea anca mia fia ;-D (de novo lavor suo e "No Derivative Works")

[AdlerTS]

Casa dovessi aver una vecia copertina de un setimanal con lui e famiglia, se la trovo la meto qua.

1989

[babatriestina]

Go ciolto el libro: interessante come contegnudo, ma diversi errori nele trascrizioni dei nomi e anca una didascalia sbagliada: xe scritto Nureyev e Fonteyn ( che no i scrivi mai giusto) e inveze xe Nureyev e Carla Fracci in Giselle.

[AdlerTS]

Nel libro, ghe xe una parte strutturada come un'intervista e me ga fatto sorrider due righe dedicade a suo papà, l'Aquila di Trieste (circa a memoria):

intervistatrice: "suo padre, Goffredo de Banfield, è stato un eroe di guerra..."
risposta: Gottfried von Banfield.

Questa risposta cussì secca, secondo mi, za delinea el personaggio.

[babatriestina]

Questa risposta cussì secca, secondo mi, za delinea el personaggio.

veramente, una risposta secca no delinea per gnente el Maestro de Banfield, che raramente xe tipo de risposte secche e al contrario xe sempre stado prodigo de risposte cortesi e dettagliade.
tanto xe vero che subito dopo continua le risposte sul Baron.. te ga letto ben el libro?

mi me ricordo che iero picia e go domandado ai mii "perchè nel Barbiere de Siviglia Rosina xe un soprano- leggero, se usava quela volta- e inveze sul libretto xe scritto contralto ( o mezzo soprano, no ricordo ben)?" e i mii che no gaveva alba, me ga dito "Provighe a domandar a Falello" e mi lo go visto in teatro e ghe go domandado, e lu me ga spiegado che xe vero, e che una volta i contralti rossiniani gaveva un modo de cantar che alora no se usava più e per quel al loro posto cantava i soprani. po xe vegnuda la Rossini-renaissance , i mezzosoprani rossiniani xe vegnui de novo fora ( Horne, Valentini Terrani..) e go veramente sentido Rosina cantada del mezzo soprano. El xe stado cocolissimo a spiegarghe tuto a una muletta curiosa come mi, credo sia el mio primo ricordo de aver parlado con lu.

[babatriestina]

un'altra curiosità: El Maestro disi che a scola nol iera stado un allievo eccezional, però un mio ex collega, più o meno suo coetaneo e compagno de scola al Dante, me gaveva contado che a scola i ghe lo portava sempre come esempio de alunno particolarmente dotado e bravo.. forsi el Maestro no ga mai savudo

[AdlerTS]

Questa risposta cussì secca, secondo mi, za delinea el personaggio.

veramente, una risposta secca no delinea per gnente el Maestro de Banfield, che raramente xe tipo de risposte secche e al contrario xe sempre stado prodigo de risposte cortesi e dettagliade.
tanto xe vero che subito dopo continua le risposte sul Baron.. te ga letto ben el libro?

Mi intendevo che delinea el personaggio del pare