Almanacco Giuliano

[Lugara]

No savevo dove meter sto topic, cussì lo piazzo qua.
Go un vecio Almanacco Giuliano del anno 1924: me lo gaveva dado mio nono e mi de picia - andavo ale elementari - me lo iero leto e rileto fin a consumar i fogli (come tuti i libri che el me gaveva lassado: i preferiti iera l'Iliade e la Divina Comedia).
Bon, pensavo de piazar qua mese per mese tute le robe che me par cocole o interessanti, sempre sperando de no sbagliar.

[Lugara]

Eco qua la copertina, come podè veder la go 'bastanza rovinada...

[babatriestina]

sarà bellissimo: podessimo meter in Letteratura, o Libri, per no meter tuto nel missiot del salotin.
Ma sto nono lo dovemo sempre più ringraziar

[Lugara]

OTOBRE
Qua più che altro tiro fora qualche deto popolar al riguardo, perchè per el resto i se dilunga 'ssai a parlar de ucelagion e a mi sto argomento me fa senso.

"Quando vedè la gnespola - pianzè de tuto fià perchè quela xe l'ultimo fruto che dà l'istà"

"De otobre 'l vin fa alegria - co' l' se lo bevi in compagnia"

"Vento de otobre sbraita come l'orco
La piova de otobre xe mana per la campagna"

"Per San Gal - gran fortunal" (saria el 16 otobre)

"Se per San Galo piovi - piovi per zento giorni"

"San Simon - straza le vele e rompi 'l timon (28 otobre)

"Co sbrega le vele San Simon - dura 'l vento la stagion"

Per Santa Teresa - parecite i vergoni e sta in atesa (15 otobre)

Per San Luca - el branzin movi la zuca (18 otobre)

[ffdt]

[...] podessimo meter [...]

eco cua ... me par che "libri" sia piu` adato ... e un grandisimo ringraziamento a lugara, a suo nono e a tuti cuei che i lasa cualcosa percio` che cuei che i vien dopo i posi saver cuel che iera prima

[Lugara]

Grazie ffdt per aver messo el topic nela sua giusta colocazion, mi son un tantin imbranada con ste robe e no ghe gavevo pensado per tempo... zerchè de aver pazienza, dei!

[Lugara]

NOVEMBRE

“E mi son novembre alegro,
quel che sposa le putele
quele brute e quele bele.
Vago a pian, perché son pegro.
E mi son novembre alegro.”

Farà freddo? (xe varie teorie):

“Ga dito el fredo ala vecia:
per sant’Andrea (30/11) gabime in recia;
se no vegno per sant’Andrea,
spetime per Nadal;
se no vegno per Nadal,
no stame più spetar!”

“Santa Caterina (25/11) – giazzo per marina;
ma se no ‘l xe – Andrea spetè”

“Per i Santi – tira fora i guanti”

anche se:

“L’istadela de San Martin – che la dura tre giorni e un fiatin”

ma più prudentemente:

“San Martin – vesti el grando e ‘l picinin”

“Per Santa Caterina – o neve o giazzo o brina”

Inoltre bisogna ricordar che:

“A San Martin – se spila ‘l vin”
o
“A San Martin – el mosto se fa vin”

Le vacanze del mese

Molte vacanze questo mese, ragazzi: il 1° giorno d’Ognissanti; il 2 la Commemorazione dei morti; il 3 a Trieste si festeggia San Giusto, Patrono della città; il 4 è l’anniversario della nostra Redenzione. Poi si ritorna a scuola. Ma ecco l’11, giorno natalizio di S.M. il Re; il 20, genetliaco di S.M. la Regina Madre; il 21 la B.V. della Salute.

[Lugara]

"Leggende d’Attila
Quando Aquileia stava per essere abbattuta dalle orde degli Unni, gli uccellini scapparono verso paesi lontani passando sull’Istria. E quando Attila, secondo la leggenda, invase l’Istria, fuggirono gli uccelli anche dai boschi e dai campi istriani. Ecco perché oggi in Istria gli uccelli, tranne i passeri, sono così rari.

Presso Torre nell’Istria i vecchi mostravano un rovere con una grande spaccatura e narravano che Attila, trionfante d’avere soggiogato il paese, vi avesse scagliata la scure. Questa l’avrebbe poi gettata in un vicino burrone: ma nessuno la vide mai.

Molti del popolo credono che Attila sia morto presso Aquileia e sia sepolto in una gran fossa col cavallo e con tutta l’armatura, secondo l’usanza degli Unni. Perciò se accade che un contadino venda un fondo si riserva sempre la proprietà del tesoro che vi si potesse scoprire, perché tutte le armi del Re erano preziosissime."

[Tirabaralla]

I detti popolari mi piacciono troppo!
Sai cocoli, Lugara, grazie.

[Lugara]

Prego, Tirabarala, me fa piazer che i te piasi anche a ti!

[AdlerTS]

il 4 è l’anniversario della nostra Redenzione.

Spero che sia parole dell'almanacco e non una tua convinzion personale

[Lugara]

Rilassite Adler, oviamente xe parole del almanacco, no dimenticar che el risali al 1924...
Le mie convinzioni personali xe alquanto diverse, ma go trovado giusto riportar quel brano come che 'l stava.

[AdlerTS]

Non gavevo dubi, ma sto linguaggio da "istituto luce" ogni tanto fa ancora capolino anche tra i media istituzionali

[ffdt]

Rilassite Adler, [...]

eh si ... te fa presto a dirghe "rilasite" ;-D varda che 'l iera meza ora soto maschera de osigeno dopo de gaver leto el tuo mesagio ;-D ;-D ;-D ;-D

[Lugara]

In efeti quando che go scrito quel brano savevo ben l'efeto che ghe gaveria fato... che cativeriosa che son eh?

[ffdt]

[...] savevo ben l'efeto [...]

sta atenta che dopo no te tochi de farghe un masagio cardiaco ;-D ;-D ;-D ;-D ;-D ;-D ;-D

[Lugara]

DICEMBRE

“E mi son dicembre vecio
che ghe piasi star al fogo,
co’ la pipa e un bravo cogo
e un bocal de bon vin vecio.
E mi son dicembre vecio”

Calendario
“El primo de dicembre S. Canzian,
ai quatro Santa Barbara beata,
ai sie San Nicolò che va per via,
ai sete sant’Ambrogio de Milan,
ai oto Concezion Santa Maria.
Ai dodixe ghe vol che dizunemo
perché ai tredixe xe santa Lucia;
ai vintiun san Tomaso la Ciesa canta;
ai vinticinque nassi Vita Santa.
Ai vintiun san Stefano beato,
ai vintisete san Giovanni Evangelista,
ai vintioto i Inocentini santi
e ai trentaun San Silvestro papa
che li compissi tuti quanti.”

“San Nicolò de Bari,
la festa dei scolari;
se i scolari no vol far festa,
San Nicolò ghe taja la testa.” (6/12)

“Santa Lucia – el giorno più curto che ghe sia” (13/12)

“Per San Tomè cressi il zorno – quanto el galo alza el piè” (29/12)

“De Santa Luzia a l’Epifania – el porco cria”

I pronostici del tempo
“Dicembre de neve – tre mesi de neve”

“Dicembre fredo, scuro e brontolon – porta un ano rico e bon”

“Se piovi per Santa Bibiana – piovi quaranta zorni e una settimana” (2/12)

“San Simon straza le vele – Santa Barbara fa le cordele” (4/12)

“Santa Barbara e San Simon
libereme de sto ton,
libereme de sta saeta,
Santa Barbara benedetta!”

“Nadal al zogo – Pasqua al fogo”

[AdlerTS]

Ai dodixe ghe vol che dizunemo
perché ai tredixe xe santa Lucia;

Scrito cussì con la X ? Sarà contento Ffdt

[babatriestina]

DICEMBRE
“Santa Barbara e San Simon
libereme de sto ton,
libereme de sta saeta,
Santa Barbara benedetta!”

a casa mia iera
santa Barbara san Simon
Dio me guardi de questo ton
Dio me guardi de sta saeta
Santa Barbara benedeta

el ton e la saetta, imagino se riferiva ala santabarbara, el deposito dele polveri de sparo. El colegamento con santa Barbara no so ben, no xe quela che ga un vaso come de unguento in man, nel iconografia? san Simon go sempre pensado che sia solo che per la rima, ma chissà..?

[Lugara]

Credo che quel che Santa Barbara ga in man nele varie iconografie sia la torre che rapresenta quela dove che la iera stada imprigionada dal pare prima del martirio (se xe vero tuto quel che i ghe ga fato prima de decapitarla... povera creatura...).
La xe stada consacrada patrona prima dei lanzichenecchi (i primi a usar le armi de fogo in guera) e dopo dei pompieri per via che sù pare, dopo che ghe gaveva taiado la testa, el xe stado incenerido da un fulmine divino.

"Dodixe" e "tredixe" iera scrito proprio cussì sul libreto, Adler