Libri a Trieste-acquisti e prestiti

[babatriestina]

A proposito de libri, dove se pol cior libri a Trieste?
Ghe le xe librerie, alcune tradizionali, altre nove, che dedica ala sezion triestina sempre un per de scaffai in bella vista, e là se trova tutte le novità editoriali. Se zerchè qualcossa de meno usual, no gavemo, no tegnimo, proveremo a ordinar.. etc.. particolarmente sbrisa xe la gestion dei libri in lingua straniera, al di là dei classici e dei thriller..
Po xe i negozi del usato: fra ghetto e oltre Cavana (zona Venezian e arco de Riccardo) ghe ne xe un per dove che scartabellando se trova qualcossa , i romanzi xe i più bon prezzo, po se trova tante poesie de autori triestini più o meno sconossudi e ogni tanto libri anche recenti con un poco de sconto sul prezzo de copertina.
E po ghe xe le biblioteche:
la Civica , oltre a gaver un'emeroteca averta con giornai e riviste gratis, con 6 euro dà la tessera al prestito e se trova un sacco de roba, soprattutto su Trieste.
Po xe la Statal, più general, in Largo papa Giovanni, che ga anche ambienti bellissimi ( Palazzo Morpurgo), po la Quarantotti Gambini di fronte al Teatro Romano ( ex Biblioteca del Popolo) e tante altre de quartier... perchè co se ariva a una certa saturazion in casa e se cerca libri specializzai pol valer la pena.
Co se zerca un libro, per saver se se lo trova qua, se pol andar a
http://opac.sbn.it/opacsbn/opac/iccu/base.jsp
che permetti una ricerca sui libri nelle biblioteche statali italiane, cussì se zerchè un libro savè subito se el xe ala Civica , ala Statal o a quela del Università ( che no conosso, se no per una visita fatta tanti anni fa in un corso sula gestion de biblioteche scolastiche)
NB esisti anche oviamente le vendite su internet coi soliti clasici Amazon, IBS e altri : boni per le novità editoriali e i libri inglesi, po xe de spetar che i te arivi e quel che te sparagni te paghi de spedizion, me par che se parlava za con Macondo.. po mi el libro me piasi vederlo, sfogliarlo, leger almeno el indice, prima de comprar...

[rofizal]

Per i libri in prestito (sempre un'otima e risparmiosa idea ) ghe xe el problema poi de come salvar i dati se se intendi riutilizarli per ricerche o altro (beato chi ga una memoria cusì bona che no ga sti problemi).

Come far?

Se podesi far fotocopie, ma costa un ocio dela testa, anche se fate a casa. Altra soluzion saria quela de far foto dele pagine che interesa. Ma se poni subito dele domande:
- usar o meno el flash? (se pol e xe utile?)
- che obietivo usar
- che definizion (pixels)?

(no ste sugerir de cior apunti perché, almeno dal mio punto de vista, xe una roba utopistica)

[babatriestina]

de solito, le biblioteche stesse offri un servizio de fotocopie ( ocio ala quantità e el diritto de autor...) e molte macchinette fotografiche compatte, specie le Nikon che xe spesso attrezzade anche per chi che no vol pensar e che monta tante de quelle "scene" predisposte, ga una de ste "scene" che se ciama Copy. Mi no go una Nikon e no so come che la funzioni.. go fatto qualche foto, ala luce natural vizin de una finestra, una volta messo a fogo perchè xe vizin no xe assai problemi, po no se ga de far foto de espor ma informazioni de salvar.
Altro no posso sugerirte
Prezzolini nel suo libro saper leggere in epoche preistoriche, cioè prima del avvento del computer, ga dedicado intieri capitoli alle schede per ricordarse i dati de un libro...

[macondo]

Una soluzion abastanza pratica ed economica, particolarmente se no se trata de centinaia de pagine, xe usar un scanner e un programa de OCR e salvar el tutto in MS Word. Alternativamente, salvar come jpg per rilegerlo sul schermo.

[AdlerTS]

Sempre nel rispetto del Copyright

El jpeg ga lo svantaggio de non consentir la ricerca per "parola".