Venezia Giulia, la regione inventata

[1382-1918]

http://www.kappavu.it/catalog/product_i ... cts_id=236

Finalmente qualchedun che scrivi come sta le robe veramente!

BASTA parlar de Venezia Giulia, le uniche vere regioni che esisti qua nele nostre zone xe el Friul, Trieste col territorio, e l'Istria.

Uno dei più bei libri uscidi de recente, lo go za comprado e leto tuto.

[babatriestina]

BASTA parlar de Venezia Giulia, le uniche vere regioni che esisti qua nele nostre zone xe el Friul, Trieste col territorio, e l'Istria.

ocio che se te insisti troppo a negar la Venezia Gulia, te risci de sostegnir quei che ne ciama furlani.
comunque xe vero che la xe una creazion ottocentesca, come che el TLT cole sue zone A e zona B iera una creazion novecentesca e el Litoral (austroungarico, nazista e jugoslavo) iera una variazion sule napoleoniche Province illiriche.
questo storicamente. Amministrativamente, l'Italia xe divisa in regioni e un nome bisognava pur darghelo al nostro territorio.

[AdlerTS]

Son d'accordo che el termine "Venezia Giulia" vadi stretto per noi nostalgici della monarchia danubiana, però devo dir la verità che el nome in se stesso non me da fastidio (anche se appunto riduttivo), anche perché senza de questo me tocassi considerar Gorizia friulana che xe una tesi che respingo da sempre. Visto che saria anacronistico parlar de Principesca Contea di Gorizia e Gradisca, preferisso Venezia Giulia piuttosto che Friuli orientale

El libro lo legessi volentieri, però: se lo trova in libreria o solo su internet ?

[babatriestina]

BASTA parlar de Venezia Giulia, le uniche vere regioni che esisti qua nele nostre zone xe el Friul, Trieste col territorio, e l'Istria.

E la Slavia Veneta, dove te me la metti?
digo, le Valli del Natisone, Val di Resia.. furlani???


riesumemo el Patriarcato de Aquileia? ma le lagune iera bizantine...

[1382-1918]

BASTA parlar de Venezia Giulia, le uniche vere regioni che esisti qua nele nostre zone xe el Friul, Trieste col territorio, e l'Istria.

E la Slavia Veneta, dove te me la metti?
digo, le Valli del Natisone, Val di Resia.. furlani???


riesumemo el Patriarcato de Aquileia? ma le lagune iera bizantine...

Beh, quel xe tuto Friuli oviamente, miga che xe Friuli solo dove se parla furlan? El Friuli xe prima de tuto una region storico-geografica, a prescinder da cosa che se parla al suo interno. L'identità a livel regionale va oltre al conceto de apartenenza nazionale per via dela lingua. Pensè ad esempio ai Istriani, che i parli italian, sloven o croato, sempre Istriani i xe.
E per mi anche Gorizia xe una cità del Friuli, se guarde veci libri o vecie stampe prima che i ne affibi sto nome de VG, trovere sempre scrito Gorizia come una città del Friuli, no ste stupirve de questo, so che storzerè el naso, ma le robe xe proprio cusì, poco de far. Solo che i ne ga altera la vision che xe esistida nei secoli precedenti.

Mentre per noi Triestini no servi altri nomi, il nostro xe un teritorio che per sue carateristiche xe sempre sta una region a sè, una città a sè stante, quel tipo de città che il Pietro Kandler ciamava "città da corona" che no ga bisogno de gaver altri nomi. No per niente la iera "immediata", cioè non mediata, all'interno dela monarchia asburgica.

Quei che ne ciama furlani a noi Triestini, i sbaia oviamente, ma no'i lo fa in cativa fede, xe colpa dela region FVG, e per brevità i sbaia. Ma mi lotero sempre perchè no se usi el termine "giuliano" e "Venezia Giulia", xe pura fantasia, noi no semo "giuliani" ma Triestini e basta, cusì come i Istriani xe Istriani, no giuliani, xe un termine che no servi e che xe sempre tanto gradido ai nazionalisti italiani. Xe un obrobrio toponomastico de eliminar.

Tanti me dà ragion su questo però dopo i me disi "D'altra parte come te se definisi?" Semplice, "Trieste e territorio", non stemo farse portar via anche la nostra identità regionale con regioni inventade.

E guarda caso le diatribe che ghe xe coi Furlani, ga sempre come oggetto Friuli e Trieste, Trieste e Friuli, la Venezia Giulia no xe veramente sentida, xe solo una creazion nazionalistica italiana.

Al'interno dela monarchia asburgica Trieste gaveva la sua region, el Litorale iera tale solo per via che ghe iera una unica Luogotenenza per i veri 3 Länder, cioè Gorizia-Gradisca (il Friuli orientale), Trieste col suo territorio e l'Istria.
Anche la vecia Jugo se la gavesi rivado a ciapar Trieste, la ghe gavesi da addirittura lo status de repubblica, e ogi fosimo uno Stato indipendente.

E anche in Italia, dopo la seconda guerra, i ga volù a tuti i costi mantignir sto nome, probabilmente sperando de riciapar Trieste e l'Istria prima o dopo, ma la roba giusta de far ancora nel 1947 iera la region Friuli con Udine, Pordenone e Gorizia. Quando che l'Italia ga riavudo Trieste, anzi, la zona A dle TLT, gavesi dovudo far de questo teritorio una region a sè e no unirla forzosamente al Friuli, nianca i furlani voleva, e deso questo xe causa de incomprensioni che no ga ragion de esister. Che peca!

[ffdt]

[...]Contea di Gorizia [...]

mi go coleghi de viena che i la ciama cusi` ancora adeso ... e i xe comunisti, no miga nostalgici ;-D
j'ai des collègues de Vienne que l'appel de cette sorte même maintenant ... et ils sont communistes, pas nostalgiques! ;-D
I have colleagues from Vienna that call it so even now ... and they are communists, not nostalgics! ;-D

[babatriestina]

un dibattito sul libro lo trovate qua:
http://bora.la/2008/05/13/venezia-giuli ... ment-38485

[AdlerTS]

Lo go comprado: più in là casomai riporterò dei passi per discuterghene.

[babatriestina]

la discussion al riguardo su Bora.la xe molto longa, e ala fin i ga troncado: in sintesi i disi che tuti i nomi geografici prima o dopo xe stai inventai, ma che el libro dopra sto concetto più che a scopo geo storico, politico con una ben precisa tesi.
ve consiglio de legervela tuta, val la pena.
riporterò un passo dela prima recension apena che el loro server riparti ( mentre che scrivo, i dovessi aver el server zo ), nel frattempo metto solo una riga del introduzion, dela cache:
L’opera, purtroppo, sa più di operazione politica che storiografica
Che el nome Venezia Giulia sia una creazion ottocentesca de Graziadio Isaia Ascoli, a sta ora dovessi saverlo tuti, come Venezia Euganea e Venezia Tridentina, che xe meno usade.
Mi me domando perchè i se la ciapa tanto col Giulia nel nome, che po i Sloveni le Alpi Giulie Orientali, col Triglav che xe de lori, no i ga mai messo in discussion el nome, che mi sapio.

ve suggerisso al riguardo questa pagina
http://sandricarrozzo.blogspot.com/2008/05/triest.html
in cui un dei coautori, in furlan, comenta la diatriba su Bora.la e un dei gestori rispondi in italian. come vedè, un libro che ga portado a polemiche..
e se volè continuar a studiar el furlan, qua gavè un'altra discussin a riguardo:
http://ilfurlanist.splinder.com/post/17 ... C+batae+di......

[AdlerTS]

El libro ga senz'altro un'impostazion de fondo anti fascista, ma non lo definiria un'operazione politica. D'altronde credo che sia onestamente difficile non esser critici con le camicie nere e la loro maniera de condur la politica locale tra le due guerre e credo che anche alcuni esponenti della destra moderna gabbi ciolto le distanze da quelle scelte.
Innanzi tutto, poi, xe scritto da più penne, alcune migliori, altre meno sottili, che convergi verso uno stesso punto senza esser ripetitive. Al di la de facili proclami cari a noi nostalgici dell'Impero che fu, se pol cior in considerazion senz'altro un paio de argomenti oggetivamente dibattibili: per esempio el limite territoriale del termine, da sempre vago: anche quando tra le due guerre l'italia occupava militarmente tutto el territorio istrian e oltre fin a Lubiana (lo vedè nelle cartine su questo collegamento qua ) , Venezia Giulia jera tuto fin zo Pola. (Ancora ogi se confondi parlando de profughi i giuliani coi dalmati, come se fossi confinanti.) Se la seconda guerra fussi andada diversamente, saria Venezia Giulia tutta l'Istria e la Slovenia fin oltre Postumia ? Le cartine dell'epoca sembra dar forza a questa interpretazion. Le alpi giulie se va a far un poco benedir !

lMi me domando perchè i se la ciapa tanto col Giulia nel nome, che po i Sloveni le Alpi Giulie Orientali, col Triglav che xe de lori, no i ga mai messo in discussion el nome, che mi sapio.

Anche el testo ricorda che in sloven, in croato, (nonché in francese) se usi un termine simile, che trova le sue origni dal termine alpi giulie: quel che non vien usado nelle altre lingue xe el termine "venezia": soto l'Austria jera in sloven e croato Primorska o Prjmorje (litorale) , per diventar succesivamente Juliijska Krajina. In francese saria Marche Julienne, Julian march in inglese e Julijskaja Krajna in russo.

Che el nome Venezia Giulia sia una creazion ottocentesca de Graziadio Isaia Ascoli, a sta ora dovessi saverlo tuti,

El testo ribadissi però che comunque el nome xe diventado uficial solo con l'arrivo de Petitti di Roreto che se ga proclamado Governator della stessa.

[babatriestina]

Alora xe l'espansion veneziana e la Repubblica de Venezia che ghe sta sui corni? o le alusioni al riguardo?
che po anche i francobolli del TLT , una parte iera AMG FTT ma altri ier a AMG VG e quel VG stava per Venezia Giulia, e lo doprava i Aleati angloamericani nel secondo dopoguerra

comunque in sintesi, questa la prima critica, de Patrick Karlsen

Insomma, il tentativo di screditare la denominazione di “Venezia Giulia” attribuendole un’origine, ma soprattutto un’essenza solo nazionalista e imperialista va incontro al fallimento. E appare strumentale. Perché fa trapelare piuttosto il vero fine del libro, un fine per nulla storiografico ma tutto ideologico. Che è quello di opporsi, e di negare alla radice, il processo storico che ha portato la Venezia Giulia a diventare anche italiana. Quello cioè che si vuole combattere, neppure troppo sottotraccia, è il senso stesso, è la legittimità storica e morale di definire italiana questa regione.

[AdlerTS]

Quello cioè che si vuole combattere, [...] è la legittimità storica e morale di definire italiana questa regione.

Diria che anche sta affermazion xe un tantin più politica che storiografica

[babatriestina]

Adesso andemo lontan de qua, e pensemo al Belgio:
Cesare parla de una Belgica. E Belgica la resta nel impero roman. Po el nome vien dimenticado ( tranne in una traduzion latina) e gaveremo le varie contee de Olanda, Zelanda, Fiandra, Lussemburgo.. che passerà per matrimonio ai Duchi de Borgogna, po per matrimonio ai Asburgo e sarà i Paesi Bassi asburgici. I passerà al regno de Spagna, la parte nord se staccherà come Province Unite ( futura Olanda o Paesi Bassi) la meridional continuerà a esser Paesi Bassi spagnoi, po per trattato Paesi Bassi austriaci e nel 1790 la se solleverà al epoca delle Rivoluzion francese e tirerà fori per due anni el nome Belgique. Po de novo conquistada dei francesi, po unita ai Paesi Bassi ndel Nord e nel 1830 la deventerà regno del Belgio.
Se leggessimo un libro: Belgio, la regione inventata? visto po che adesso in Belgio fiamminghi e valloni xe come can e gatto, no paressi un'operazion più politica che storica?

[babatriestina]

El libro ga senz'altro un'impostazion de fondo anti fascista, ma non lo definiria un'operazione politica. D'altronde credo che sia onestamente difficile non esser critici con le camicie nere e la loro maniera de condur la politica locale tra le due guerre e credo che anche alcuni esponenti della destra moderna gabbi ciolto le distanze da quelle scelte.

Che el nome Venezia Giulia sia una creazion ottocentesca de Graziadio Isaia Ascoli, a sta ora dovessi saverlo tuti,

El testo ribadissi però che comunque el nome xe diventado uficial solo con l'arrivo de Petitti di Roreto che se ga proclamado Governator della stessa.

eco, mi me par de veder che come sempre, per molti la storia incomincia col 1918 e col fascismo, cussì se ghe dà sempre la colpa ai fascisti ( che de colpe ghe ne ga avude tante) e chi che no xe dacordo se lo identifica con lori e cussì finissi automaticamente dela parte del torto. chi in Italia no xe antifascista?
resta po la confusion ( voluda o meno) fra i significati de Regione : zona geografica? division amministrativa italiana? zona fisica? territorio che nel tempo ga avudo una storia comun?
" le regioni temperate, le Regioni a statuto speciale, la regione del Litorale...."
Ascoli iera un geografo e parlava de geografia, anche se col collegamentialla storia, Petitti di Roreto iera un militar e parlava de un territorio occupado militarmente e po regolarmente annesso con un trattato de pase, ma per Trieste a mi me risulta che el se gavessi proclamado Governator de Trieste.

E paressi che no sia gnanca una novità , visto esisti un libro :
di Caporiacco G. (1978), Venezia Giulia: la regione inesistente. Online: www.friulistorico.com che me ga anda de aver origini furlane.. in effetti se ga l'impression che i furlani sia stadi i primi a gaverla cola Venezia Giulia, sta novità messa alla pari col ben più antico Friul...

i se becava su sta roba 100 anni fa e i riprendi adesso la querelle:
Esemplare in questo senso è la diatriba tra il conte Attems e l'irredentista Gaetano Pietra. Il rappresentante del governo austriaco a Gorizia, il conte Attems, nel 1907 negava recisamente l'esistenza di una Regione Giulia:
« Finalmente non posso fare a meno di contestare la legalità della denominazione di Regione Giulia ai nostri paesi, denominazione inammissibile poiché la Contea Principesca di Gorizia-Gradisca con il Margraviato d'Istria e con la città immediata di Trieste costituiscono il Litorale ma non la Regione Giulia. »


L'irredentista Gaetano Pietra si era opposto dicendo che:
« A noi suona meglio il nome di Venezia Giulia perché ha in sé tutta l'armonia delle memorie! e noi, lo diciamo anche altrove, sentiamo tutta la tenerezza delle memorie patrie! D'altronde abbiamo anche un convincimento: L'aquila ha battuto alte le penne dalle nostre alpi al mare nostro, e tutta ancora la terra risuona della voce della grande madre latina — l'artiglio del leone ha stampato la sua impronta sul petto degli abitanti e l'anima della Dogale palpita nel cuore dei popoli! Ora di tali fatti compiuti, pur sopprimendo anche nel nome gli ultimi esteriori vestigi rimangono le profonde indelebili impressioni nelle coscienze! E noi siamo sicuri della coscienza nazionale di nostra gente per preoccuparci, come ha mostrato d'altro canto il rappresentante del governo, perché il nostro paese venga indicato, da chi proprio lo desidera, con un nome, secondo noi, meno eufonico di Venezia Giulia e sia pure non di nostra favella! »
( da http://it.wikipedia.org/wiki/Venezia_Giulia)

[AdlerTS]

Simpatico el capitolo sulla "caduta del trattino". Dal 2001 xe stado cavado dall'articolo 116 della Costituzion el nome Friuli - Venezia Giulia, dimenticando de cavarlo dall'articolo 131 e dal statuto regionale: per certi articoli de legge semo più vicini ai furlani che per altri

[babatriestina]

Simpatico el capitolo sulla "caduta del trattino".

francamente, mi no son nominalista e per mi conta de più la realtà che la forma, ma esattamente quali xe le implicazioni pratiche dela presenza o meno del trattin?? xe qualcossa che se pol far se ghe xe el trattin e no se pol far se nol ghe xe o viceversa? se no, me par tempo perso...

[carsolin]

eco, mi me par de veder che come sempre, per molti la storia incomincia col 1918 e col fascismo,

Scolta "babataliana" che la storia cominci secondo i interesi del momento xe una pratica sai difusa..

Per darghe le colpe ai partigiani de Tito, la storia comincia ne 1943
Per darghe le colpe ai fassi, la storia comincia nel 1918
Per giustificar la prima guera ancora prima ecc.

[Coce]

Naturalmente uno pol pensar quel chel vol (1382-1918) Con tuto el suo argomento Le Alpi Giulie, cusi ciamade da Giulio Cesare le se estendi dal nord de Trieste in direzion sud-orietale fino a nord de Fiume e el nome per questo Territorio penso el xe ben applica'. el nome Friuli provien dal
Foro Giuliano, cioe' dalle Alpi Giulie. La Venezia Giulia trai el nome dele stesse Alpi con l'aggiunta che la gente de ste citta' le ga un dialetto comune che el xe Veneto. A mi me me par che el nome sia appio ala situazion. El G.M.A riconoseva el significato del nome, infati gavevimo la
Polizia della Venezia Giulia. Tuti i nomi xe inventai de noi esseri umani
altrimenti saria solo montagne e boschi dapertutto. Ciao Coce

[babatriestina]

eco, mi me par de veder che come sempre, per molti la storia incomincia col 1918 e col fascismo,

Scolta "babataliana" che la storia cominci secondo i interesi del momento xe una pratica sai difusa..

Per darghe le colpe ai partigiani de Tito, la storia comincia ne 1943
Per darghe le colpe ai fassi, la storia comincia nel 1918
Per giustificar la prima guera ancora prima ecc.

su questo son dacordo, e po mi credo che la storia no se fazzi col "dar la colpa a..". Quela xe politica, più che storia.

el spartiacque del '18, però, me par el più comun, e go anche suggerido una spiegazion del perchè.

[babatriestina]

el nome Friuli provien dal
Foro Giuliano, cioe' dalle Alpi Giulie. La Venezia Giulia trai el nome dele stesse Alpi con l'aggiunta che la gente de ste citta' le ga un dialetto comune che el xe Veneto.

Forum Iulii xe Cividale ... e Iulium Carnicum xe Zuglio...e la region de Augusto iera Venetia et Histria... nb se ciamava Venetia quando che la città de Venezia no esisteva ancora, sia ben ciaro...
go apena finido un libro sula storia del Friul, apena che go un poco de tempo ve conto, perchè xe tante de questi nomi..
ai tempi dei Romani le Alpi iera Alpi e basta, tute le suddivisioni delle Alpi la ga scritte i geografi de dopo. Ma con gran pena le reca giù...
se insegna ancora a scola o per qualchedun xe una frase senza senso?

Nb: la division dele Alpi cussì i disi che la xe ufficial del 1926 ( la scartemo anche questa come fascista per via della data?) però un mio atlante del 1906 le ga za tutte al loro posto, idem in un atlante austroungarico senza data, geographisches Schulatlas de prima dela prima guerra.
però, se volè saver, in sti ultimi anni i geografi ga ridiscusso dove che finissi a est le Alpi e.. i le ga un poco scurtade! http://it.wikipedia.org/wiki/SOIUSA