EDMONDO DE AMICIS

Libri de autori triestini o dintorni o su Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Ciancele
notabile
notabile
Messaggi: 4742
Iscritto il: gio 28 lug 2011, 22:30

EDMONDO DE AMICIS

Messaggio da Ciancele »

Una informescen a chi può interessare. Leggo a colazione sul quotidiano che è uscito un libro di Edmondo De Amicis nella traduzione in lingua tedesca. Titolo (in tedesco): Liebe und Gymnastik. Non l’ho trovato tra le sue opere. Ma cerca di qua cerca di là, digitando la mia traduzione letterale ed il nome dello scrittore, ho trovato una recensione. Il titolo in italiano sarebbe Amore e ginnastica, pubblicato nel 1892. Sia la recensione italiana sia quella tedesca ne parlano solo bene.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: EDMONDO DE AMICIS

Messaggio da babatriestina »

No volessi dir, ma me par che alcuni decenni fa se ghe ne arlava, no me ricordo se per un film o per un telefilm... apunto col titolo Amore e Ginnastica. Mi de De Amicis oltre che i vari Cuore ereditai sia de papà che de mama go un per de libri ottocenteschi de racconti de viaggio abastanza interessanti, un xe Costantinopoli ( dei sui tempi)


"mi credo che i scrivi sta roba per insempiar la gente" ( La Cittadella)
Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: EDMONDO DE AMICIS

Messaggio da Nini Naridola »

A mi, de mulo, el Cuore me gaveva piasso tantissimo (quante pianzade!); mia mamma me sburtava a leger i libri che gavevimo in casa (penso più de tremila) Costantinopoli iera un bel libron rilegà con tante illustrazioni a stampa e lo go letto -aspetando qualche avventura, visto che riversavo tuto el mio interesse su Salgari. De "l'idioma gentile" no son rivà andar oltre le prime pagine e cussì anche per Amore e ginnastica, che mia mamma insisteva a dir che xe due bei libri "istruttivi". Son passà a Verne ...


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: EDMONDO DE AMICIS

Messaggio da babatriestina »

i Cuore lo go leto solo che de adulta. De mula i libri tropo classici per fioi e comoventi no me andava zo... massimo go resistido con Picole Done. Iero invece e son tuttora appassionada de Verne, quante volte go leto e riletto l'Isola Misteriosa: "Isola o continente?" le prime parole de Cyrus Smith... mama per fortuna no insisteva su gnente quel che trovavo legevo, ma gavevo la mia bibliotechina personal.
eco qua
http://it.wikipedia.org/wiki/Amore_e_ginnastica_(film)
film del 1973


"mi credo che i scrivi sta roba per insempiar la gente" ( La Cittadella)
Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: EDMONDO DE AMICIS

Messaggio da Nini Naridola »

Mia mamma la me consigliava i libri, ma la gaveva la pazienza de legerne, a mi e mia sorela, in prima media per es. tutta l'Iliade durante la vilegiatura in Carnia, de sera o ne le giornade de piova. Dopo Salgari e Verne go "scoperto" Dumas che me son leto (più volte tuto), perfin i 45 (les quarante-cinq) in francese.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: EDMONDO DE AMICIS

Messaggio da babatriestina »

Dumas lo legevo tuto in integral francese sui 15 anni. Go lassado perder la longhissima tiritera de Joseph balsamio, Collier de la Reine etc,,, li go leti tuti ma li go regalai, dopo..che fadiga per trovar La Comptesse de Charny!ma intanto che la gavevo trovada me gavevo dimenticado i volumi precedenti.. Montecristo no me ga mai convinto: tropo cativo e vendicativo: assai più generoso Mathias Sandorf! Verne li go quasi tuti in francese e li rilegio spesso, I Tre moschettieri li so quasi a memoria..


"mi credo che i scrivi sta roba per insempiar la gente" ( La Cittadella)
Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: EDMONDO DE AMICIS

Messaggio da Nini Naridola »

No go letto, perchè no lo gavevo a casa, la comptesse de Charny, ma Ange Pitou che penso sia del stesso ciclo de la rivoluzion francese.
La prima volta che iero a Parigi go trovà alogio in rue Picpus (da le parti de la Nation - republique) e son diventà mato a ricordarme dove che gavevo za sentì quel nome (Petit Picpus nei Miserabili - altro bel, grande libro). Dopo, girando per la cità, sta ultima volta che me iero fermà quasi due setimane, da le parti del Lussemburgo go trovà la rue Vieux colombier dove me par che abitava Porthos, rue Ferou de Athos e Vaugirard de Aramis. Te sa che no me ricordo dove che abitava D'Artagnan?
Bel, però, viver Parigi cussì!


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: EDMONDO DE AMICIS

Messaggio da babatriestina »

La comtesse de Charny credo che sia el seguito de Ange Pitou.
Via Vaugirard xe una dele strade più longhe de Parigi.. de D'Artagnan devo controlar.. ma Picpus a mi me ricorda anche Maigret e l'affare picpus! quel che xe certo xe che Milady abitava in Place Royale ( adesso Place des Vosges) e el Palazzo Cardinale doveva esser la version de alora del Palais Royal. Quel che no go mai capido che moneda iera le pistole.. i primi tempi mi pensavo pistole vere...


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: EDMONDO DE AMICIS

Messaggio da babatriestina »

D'Artagnan abitava almeno in principio in Rue des Fossoyeurs, ma se trovava coi amici al osteria La pomme du Pin in Place de la Contrescarpe. ecola qua
Immagine


"mi credo che i scrivi sta roba per insempiar la gente" ( La Cittadella)
Nini Naridola
distinto
distinto
Messaggi: 1496
Iscritto il: dom 10 giu 2012, 17:32

Re: EDMONDO DE AMICIS

Messaggio da Nini Naridola »

Rue de Fossayeurs, dove abitava D'Artagnan, adesso xe rue Servandoni (una parallela de rue Férou.


Torna a “Libri”