Qualchidun ga letto ?

[AdlerTS]

Gavè avudo modo de sfogliar "La genesi dell'idea di Mitteleuropa " de Arduino Agnelli con prefazion de Claudio Magris ?
Lo go visto in vetrina in libreria

[babatriestina]

No lo go letto, ma penso che el sia interessante. I ga dito che i darà una copia in omaggio ale scole, e siccome mi ghe dago una man in una biblioteca scolastica, spero de gaverlo in prestito, co el ariva e co la bibliotecaria lo gaverà inventariado!
in cambio te riporto una frase sula Miteleuropa de Magris che go apena letto:
il fascino e la maledizione della Mitteleuropa consistono invece nella struggente e feroce incapacità di dimenticare, nella puntigliosa memoria che protocolla tutto e rilegge ogni giorno il verbale dei secoli, desiderosa di vendicarsi delle sconfitte subite nella guerra dei trent'anni con la stessa intensità passionale dedicata alle vicende della Seconda guerra mondiale.
( el parla de Bratislava.. e che bel linguaggio..)

[babatriestina]

Lo go becado oggi a scola, go cominciado le prime pagine: sarà ssai interessante, ma le me par un gran maton! se Tirabaralla trova pesante Trieste de Magris e Ara, quel xe un fumetto in confronto! almeno a mio modesto giudizio, come impression iniziale.
Perchè sto mato parla de autori, storici, imagino che per lui xe ovvi e per mi xe ilustri sconosciuti. Ben se resisto fin in fondo ve conto. E se no, ve conto istesso, cossa che me gaverà fato molar e fin dove che sarò arivada

[babatriestina]

Dopo un lungo abbandono, go deciso de finirlo cole bele o cole brutte: go scelto cole brutte, cioè leggendo svelta per farme un'idea, che approfondir me gavesi richiesto altre letture.. in principio el xe pesante, po un poco meno, ma po ogni tanto el fa riferimento a teorie "ben note" che a mi no le me xe tanto.. interessante l'analisi del Lloyd Austriaco come fulcro dela Miteleuropa , e una proposta de von Bruck relativo ale ferrovie verso Treviso e Venezia, che me ga fato pensar al Corridoio 5.. ma in conclusion.. el analizza diria fin a poco dopo la metà del Ottocento e po el se ferma..
se me domandè se go capido quala che xe le genesi de l'idea de Miteuropa.. no so se ghe son arivada, e ala fin son restada con questo dubbio, dopo la lettura del libro: Mitteluropa= Europa Centrale o no? La Germania ghe xe o no ghe xe dentro? e la Danimarca? e la Dalmazia? credo che ognidun dei autori che Agnelli cita gabi una idea diferente al riguardo.

[cenerentola82]

Xe estremamente pesante e no go rivà finirlo.
E per el momento me dedico alla "Rana cinese" de Illy.