Zigolo

[zippole]

no me ga ciapa' ben el quote.. iero bitua' a far cusi' su un altro forum phpBB.

Bom, volevo solo aggiunger che se no me ricordo mal, el zvarzelin con cui go avu a che far pochissimo, el xe bastanza piu picio dela stazza media tipo canarin/gardel/fringuel (el verdon xe un pel piu grande), nol ga colori sgargianti ma un grigetto con qualche pel de giallo vivace in giro, e ga un richiamo (el "ciamar" tipo el classico CIP del canarin per capirse) acuto e stridulo, podesi aver a che far proprio con quela vicinanza de Z e V iniziali.
Del suo canto pero' no so niente.

Bom.. alla prossima!

[babatriestina]

ciau a tutti, son novo del forum.

e benvegnudo e grazie per el contributo!
deventeremo tuti ornitologi dilettanti se andemo avanti cussì
( go drizzado mi come mod el quote, mancava solo alcune virgolette)

[Nona Picia]

Benrivà zippole? A proposito cossa vol dir el tuo nome?

[zippole]

ciau a tuti e grazie baba per la corezion
Nona, al momento della sua "nascita" niente.. zercavo una assonanza allegra che no gabi riferimenti a niente in particolare. Poi go scoperto che zippole o zeppole o qualcosa de simile xe un dolce de carneval al sud italia..
Vabbe' casi della vita!
In attesa de qualche aggiunta ornitologica... Nona, come mai picia? Picia de altezza o precocemente nona? O qualcosa de piu' delicato, tipo picia come dolce?

[Nona Picia]

. Nona, come mai picia? Picia de altezza o precocemente nona? O qualcosa de piu' delicato, tipo picia come dolce?

Ciao zippole!
Son nonapicia perchè una dele mie nipotine, co la gaveva circa due anni, la me ciamava cussì per distinguerme del'altra nona che iera più grande de mi.
Quando mio fio me ga iscrito al forum, me xe vignù in mente sto nome e lo go messo come nick.

[Ludisia]

Poi go scoperto che zippole o zeppole o qualcosa de simile xe un dolce de carneval al sud italia..

Mi che son sarda confermo. De noi le zippole xe una specie de fritele, tipo quele che i vendi ne le fiere, col zuchero, solo che le ga el buso in meso

[Zigolo]

ma un nome tanto sentido ai tempi iera ZVARZELIN.. sisi proprio ZVA (venisi de scriverlo ala tedesca ZWA :p)
immagino che il nome se riferissi al Verzellino in questione.

Vabbe' poi xe i soliti gardei, faganei, BECCHINCROSE (un usel grigio, privo de canto interessante, bastanza piu grande del merlo, diria *quasi* una ghiandaia, con l'aspetto interessante dele punte del becco invece de aderir dritte le se storzi una per su una per zo.. incrosandose appunto)

Mi go messo quei più comunemente usadi de ste parti, comunque de nomi dialetali ghe ne xe un fotìo, basta andar un fià più distante (no so, Istria opur Bisiacaria) e subito te ghe ne trovi qualchedun altro. E anca qua in provincia no xe dito che ghe sia solo quei che go cità: infati, zverzelin go inteso de sicuro, zvarzelin no me ricordo, ma son convinto che qualchedun dopri o gabi doprà sto nome qua.

Qualche puntualizazion inveze sul bechincrose che xe oviamente il Crociere (Loxia curvirostra). No'l xe assolutamente più grando de un merlo e tanto meno quasi come una ghiandaia: el xe un poco più grande del fringuel ma più tozzo. Grigeti xe i giovini, mentre le femine xe verdoline e el mas'cio xe de un rosso pitosto vivace.

[zippole]

Qualche puntualizazion inveze sul bechincrose che xe oviamente il Crociere (Loxia curvirostra). No'l xe assolutamente più grando de un merlo e tanto meno quasi come una ghiandaia: el xe un poco più grande del fringuel ma più tozzo. Grigeti xe i giovini, mentre le femine xe verdoline e el mas'cio xe de un rosso pitosto vivace.

Ai ciapa' za in castagna.. per la dimension gavera' fato zogo la mia tenera eta' che tuto par piu' grande (po mi lo go visto temporaneamente in una gabieta per trasporto de canarin).. mentre per i colori son sbalordi'. Poso solo pensar che el iera un muleto (ehm.. crocereto dai) solo che me lo ricordavo scuretto..
Va ben dai, ammetto de aver anche in generale una memoria visiva prossima allo zero (assoluto)

Me gaveva solo colpi' scoprir che mentre el merlo, cocolo e canterin libero, ma selvadighissimo in gabia (al punto de copar i altri useleti).. forsi per un discorso de territorialita'.. invece sto becchincrose iera teeeeenero ! Bom come el pan del TNT pub
Dopo ardua ricerca con gugl go trova' finalmente una foto de sto usel che mostri i 2 lati del becco (no capiso xche', vista la caratteristica, miliardi de foto online lo ciapi solo de lato.. ma che senso ga!), per chi legendo mi e zigolo se fosi incuriosi'
http://www.animaliitaliani.com/crociere.htm

[sono piccolo ma crescero]

Un mese fa ghe ne iera almeno uno nelle voliere dell'ENPA, visibile da via Marchesetti (vegindo dala città, un poco prima de Melara, di fronte però).

[Zigolo]

Per vederlo nel suo ambiente naturale, cioè principalmente foresta di conifere, xe mejo passar l'(ex) confin, anche se qualche copia dovessi ancora nidificar nel nostro Carso, dove comunque da agosto in poi el xe più frequente.

Per veder bele foto, andè qua:

http://www.ebnitalia.it/

e fè clic su photo gallery, naturalmente no solo pel bechincrose ma per tuta l'avifauna italiana. E po xe anca altre robe interessanti...

[sono piccolo ma crescero]

Questo xe, invece, el Zigolo muciatto (Emberiza cia), in francese Bruant fou, in inglese Rock bunting, in tedesco Zippammer, in spagnol Escribano montesino, in sloven Skalni strnad. In dialetto, ne ga contà già Zigolo (quel che scrivi, no quel che canta ) che el se ciama zip, come quel altro, el zigolo nero.





Speremo stavolta de no ver capelà el nome (per rispetto a nonna Ivana e Elisa, capelar vol dir sbagliar e capela xe un sbaglio).

Per far contento Adler, el nome tedesco ghe somiglia a quel dialettale.

Me ga piasso i nomi tedeschi dei due zigoli (nero e muciatto): Zaunammer e Zipammer, come Cip e Ciop, Mikeze e Jakeze, Tinza e Marianza. Orpo; e se i savessi lori dove che le xe finide?

Mi no me pronuncio, mi fazzo din don!
Ma questa mezz'ora finida xe presto,
e noi rimandemo a domenica el resto,
se nassi qualcossa, qualcossa va storto
per strada in comun, nei cantieri, nel porto,
tornemo ogi otto a vardà'l Campanon
e femo la spia, din din e din don!

So che no centra niente, ma ve la ricordé? Ve ricordè de quando scoltar per radio el Campanon iera un appuntamento fisso della domenica?

[babatriestina]

Mi no me pronuncio, mi fazzo din don!
Ma questa mezz'ora finida xe presto,
e noi rimandemo a domenica el resto,
se nassi qualcossa, qualcossa va storto
per strada in comun, nei cantieri, nel porto,
tornemo ogi otto a vardà'l Campanon
e femo la spia, din din e din don!

So che no centra niente, ma ve la ricordé?

sempre in OT
cominciava
Batendo le ore, con mi za te vedi
che riva el minuto dei nostri congedi
E noi qua de novo mandemo nel ciel
El son del din don che fa el nostro martel
DIN DON!
curiosamente, mentre Mikeze e Jakeze iera un dei pilastri del Campanon, Tinza e Marianza no xe stade mai tirade fora, se ben ricordo.
Muli, qua dovessimo becar Carpinteri per el forum.. credo che ghe faria piazer che recitemo a memoria sti versi a oltre 40 anni de distanza.

[Zigolo]

Belissimo! Desso te manca el gialo (girandolo, Emberiza citrinella) e el strillozzo (stordecio, Emberiza calandra o anche Miliaria calandra).

Te consiglio la landa ala base del Cocusso.

[AdlerTS]

El "Dizionario del dialetto veneziano" de Giuseppe Boerio del 1829 riporta per la Emberiza melanocephala, el Zigolo capinero, el nome de Ortolàn de Trieste , scrivendo che el xe diffuso dalla Dalmazia fino alle nostre zone.
Zonta anche "ottimo e saporito cibo".

(foto Wikipedia)

[Zigolo]

Interessante, sto nome no lo gavevo mai inteso. Per el zigolo capinero gavevo sentì Re dei ortolani (anche l'ortolano, Emberiza hortulana, xe un zigolo, una volta anche nidificante sula landa carsica) e un altro usado in Istria: Zinquamenola (va a saver indove che i ga trovà sto nome!).

Confermo che xe difuso nei Balcani (e più in là anche in Turchia, vicino oriente e zona a nord del Caucaso) ma anche in Toscana e Italia meridionale (sia pur localizado). El sverna, caso bastanza singolare, in India.

Sicuramente quel nome del 1829 sarà stado apropriado. No go dubi infati che quela volta el sarà stà frequente qua de noi, ma purtropo de almeno zinquanta ani a sta parte no'l ghe xe più.

Resta una popolazion in Istria che però xe stada messa a dura prova dala costruzion de una nova strada lungo el fiume Quieto. Quel infati iera el posto dove fin a un per de ani fa relativamente frequente. No go dati de sto ano ma pararìa che no'l gabi proprio più nidificà.

[Elisa]

Speremo stavolta de no ver capelà el nome (per rispetto a nonna Ivana e Elisa, capelar vol dir sbagliar e capela xe un sbaglio).

eseguo una rilettura sulla famiglia degli uccelletti.....e mi accorgo di questa raffinata cortesia nei nostri confronti!!! Allora, 'cortesia obbliga' e, non senza sforzo mentale, posso ricordare: come inesistente da noi il verbo capelar, invece SI capelàda come figuraccia o...fiasco!
Che bel!

[nonna ivana]

ciapèr una caplèda...(va a finire che poi abbiamo parecchio in comune) fare proprio uno strafalcione, infatti anche qui combacia il senso!!!!!

[sono piccolo ma crescero]

Dopo qualche anno, ma a pochi alberi di distanza dal primo, ho visto per la seconda volta uno zigolo nero. Come l'altro, se ne stava solo, sulla cima di un albero e cantava.

[Nona Picia]

Un useleto molto affamado che mio cugin ga fotografado credo in montagna. Chissà come che el se ciama?

[Zigolo]

Un useleto molto affamado che mio cugin ga fotografado credo in montagna. Chissà come che el se ciama?

Se ciama pagneròl