Molte informazioni sulla zona ci sono state date dalla giovane archeologa Valentina Degrassi nella rivista "Tempus edax rerum". Cercando su google con le parole chiave "tempus ... degrassi" o anche lacus timavi ...si trovano notizie interessanti

Portopiccolo

Lo hanno aperto e ne ho letto pareri diversi fra di loro Certo che quando guardo le foto dele decantatissime Cinqueterre..
qualcuno c'è stato? chi mi fa un servizio fotografico?

io ricordo diversi anni fa una cava brulla , un enorme buco di pietra.

Se te basta una foto .... adesso xe cussì



disemo che ga delle potenzialità, ma tutto dipenderà da quanta gente ciogherà casa in sto posto. Anche mi go bei ricordi de un toc in cava

Credevimo de eser i ultimi, dei nostri amici, a no eser andai a veder Porto Piccolo a Sistiana, dopo invece gavemo scoperto che qualchedun no iera ancora andà, ma sai pochi.

Ben bon, indiferente.

Ieri, aprofitando dela bela giornada, ghe semo andai. Gavemo lasà la machina a Sistiana Mare e semo entradi per de soto. Per de sora me par che posi entrar solo i residenti; per de soto, invece, me par che se pol entrar anche coi auti e ghe xe postegi soto tera dove lasarli. In sto momento credo che i sia gratis.

La prima vista come che se riva



Pasadi per un volto, se semo avicinadi un poco



E questa xe la piaza dove che ghe xe i negozi: iera verto un bar, una paneteria, una magnativa (pardon gastronomica), più su una botega de prodoti bio e più su ancora un pizeria. Sarà sta verto altro, ma o no go visto o no me ricordo. A sì, iera verta ... l'agenzia che vendi le case

El look de tuto el "paeseto" xe un poco retrò e diverso sia de quel dei paesi de mar dela costa istriana (pensemo a Mugia) che de Grado. La mia idea xe che i ga volù copiar piutosto i paeseti liguri, ma xe una mia idea, la buto e no la difendo.



Andando verso l'alto per la strada che a bisaboba va su, semo rivai a una torre che dà una bela vista su tuto el villaggio.

Demoghe un cuc a sinistra



e a destra



Ocio, per chi che no xe de Trieste e no sa come che xe le robe: xe tuto novo, 'pena fato, solo che par antico.

El porticciolo visto dala torre



Sempre dala torre un poco più in grande



e dal basso



El par ben riparà e, per el momento, svodo. Ma penso che el se impinirà.

Una panoramica ciapada dala parte oposta de dove che semo entrai



La foto la mostra che in alto ghe xe altre case, fate in stile diverso. Go pensà che poderia eser le "case dei poveri", nel senso che, probabilemte, le costa de meno (ma no me son informà e magari me sbaglio...).

Andando via, me son ricordà de quando che, con mio fio picio, vignivimo sula spiageta libera de Sistiana



Anche quela i la ga refada, el marciapie xe più bel e tuto xe, per el momento, un poco più curado: speremo che resti curado e che la spiagia resti libera...

Ah sì, che no me dimentico che senò me toca saltar el pranzo: le foto le ga fate mia moglie...

Grazie a chi che ga fato le foto de Sistiana. Ma go bisogno de aiuto. Co’ se riva a Sistiana Mare o se va a sinistra de Castelregio o a destra. Me par de ricordarme che là iera un casoto con una specie de guardian. De una foto par che drio de Castelregio, dove che iera una specie de bagno publico, i gabi fato una strada. Xe vero o me fa i oci? Andando a destra, verso le roce, dove che in guera iera i gnochi e no se podeva ‘ndar, iera un bagno o qualche roba de simile e el piazal se vedi dal de sora, dal sentiero Rilke. I ga fato là ‘ste case? Ma me par de veder in fondo el novo castel. No ‘ndavo mai de quele parti, o no nei ultimi sesanta ani, e no me poso gnanca imaginar come che podesi eser ogi. Sesanta ani fa iera forsi teren salvadigo.
Le case ga più de Costa Azura che de Cinque Tere. Iero in Camargue, ala foce del Rodano, e iera tanti paeseti co’le case squasi sul mar. Davanti, sula strada, te metevi la machina e de drio, sul mar, iera l’atraco dela barca. Pratico, parchè te se alzavi e te fazevi subito una tociada.
Caligo xe se te manca sal e la botega magnativa più vizin xe meza ora de machina. Ma altrimenti no xe de butar via. Anzi.

sono piccolo ma crescero ha scritto: Una panoramica ciapada dala parte oposta de dove che semo entrai
La foto la mostra che in alto ghe xe altre case, fate in stile diverso. Go pensà che poderia eser le "case dei poveri", nel senso che, probabilemte, le costa de meno (ma no me son informà e magari me sbaglio...).

Me piaseria veder un quartierin dal de drento. Bruto saria solo de istà se quei de sora magna sariese e i spuda i osi.

Questa xe la foto aerea de Sistiana



Castelreggio xe la spiaggia a sud dela baia. Più a sud (sud est per eser precisi) se vedi i resti de una cava abandonada. La i ga fato el Porto Piccolo.

Son d'acordo con ti coi osi de sariese. I pol sempre risponder, co vien vento de sud, rostindo do scombreti in pergolo...

Son Piccolo Ma Crescerò, te me ga fato un grando piazer con la foto. E anca cusì presto. Grazie. In tuti i ani no son 'ndà mai più in là dela spiagia libera. In fondo vedevo i camion co'le piere, ma gnente altro. Se un ga la machina, no'l sta mal, penso. Devi eser bel sveiarse de matina, farse un bel cafè sula teraza e dopo marenda: bacon and eggs coi panini freschi. Panzeta de Sesana. T-bone con matavilz e fasoi a mezogiorno e San Daniele la sera. Magari compagnà de salame furlan. No tuti i giorni, ma i primi zinquezento sì.

sono piccolo ma crescero ha scritto:Credevimo de eser i ultimi, dei nostri amici, a no eser andai a veder Porto Piccolo a Sistiana, dopo invece gavemo scoperto che qualchedun no iera ancora andà, ma sai pochi.[/img]

Noi semo fra quei pochi che no ghe xè andai; ma senza machina xè un poco bigoloso e come che te sà, per via dei oci, mi no guido più!
Andar col bus a Sistiana e pò zò a pie se anche pol, ma tornar su a pie diventa 'ssai fadigoso e per questo go rinuncià, anche se me gavessi piasso.
Xè assai bele e ilustrative le tue (no tue ma de tua moglie) foto, ma devo dir che sto paeseto, Porto piccolo, visto cussì no me piasi per gnente. Forsi vederlo in natura poderia, e ripeto forsi, cambiar idea.
Me ricordo ancora ben la cava co la iera conpletamente svoda e se podeva caminar su un sentier su l'orlo del mar lungo la costa e ancche ben oltre la cava: iera assai bel, ma parlo de tanti ani fà.
ciao
sum culex

sum culex ha scritto:

sono piccolo ma crescero ha scritto:Credevimo de eser i ultimi, dei nostri amici, a no eser andai a veder Porto Piccolo a Sistiana, dopo invece gavemo scoperto che qualchedun no iera ancora andà, ma sai pochi.[/img]

Noi semo fra quei pochi che no ghe xè andai; ma senza machina xè un poco bigoloso e come che te sà, per via dei oci, mi no guido più!
Andar col bus a Sistiana e pò zò a pie se anche pol, ma tornar su a pie diventa 'ssai fadigoso e per questo go rinuncià, anche se me gavessi piasso.
Xè assai bele e ilustrative le tue (no tue ma de tua moglie) foto, ma devo dir che sto paeseto, Porto piccolo, visto cussì no me piasi per gnente. Forsi vederlo in natura poderia, e ripeto forsi, cambiar idea.
Me ricordo ancora ben la cava co la iera conpletamente svoda e se podeva caminar su un sentier su l'orlo del mar lungo la costa e ancche ben oltre la cava: iera assai bel, ma parlo de tanti ani fà.
ciao
sum culex

Varda che se te smonti co l'autobus nel porticciolo de Sistiana, quel solito, dopo te ga tuto drito.

Ma l'autobus xe anche nela stagion invernale? Mi savevo che la 73 iera solo d'estate...

Scuseme, mi go sempre pensà che la 44 andassi zo...

No la 44 no va zò, d'estate andava la 73 che partiva da no so dove dal'altipian, ma con i tai che i ga fato no so se la viagia ancora....me informerò

D'estate se dovessi poder andar col Delfino Verde.
ciao
sum culex

Son andà a darghe una ociada e me par un bel posto e ben sistemà, certo vederemo co riverà l'estate. Me xe vignù subito de pensar ai anni , per mi persi, a spetar che qualchidun se decidesi a aviar i lavori de valorizazion de sto posto. Penso a Cardarelli che iera quel che ga fato el Giulia 30 ani fa e che el xe falì perchè i capitai che el gaveva doveva girar e frutar ano dopo ano , e inveze el xe restà blocà anche co Sistiana. Penso anche ai fondi anche europei che ogi come ogi no se riva a spender perchè le procedure pubbliche de apalto e de controlo impedisi la realizazion imediata de una opera, come se drio ogni canton ghe fusi un corrotto e un corutor, e mentre se speta sfuma tuti i afari boni che se podesi far in nome de la comunità. Time is money.

Ripristinate le foto sulla strada romana che erano andate perdute alla pagina https://www.atrieste.eu/Forum3/viewtopic ... 1&start=32

ed quelle sulla chiesa di san Giovanni in Tuba alla pagina https://www.atrieste.eu/Forum3/viewtopic ... 1&start=39 e seguenti