Se gavè voia de far una bela caminada sul mar...

Muggia, Istria slovena ed Istria croata
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
malvasia
Vilegiante
Vilegiante
Messaggi: 148
Iscritto il: gio 7 ago 2008, 9:00
Località: Muja

Se gavè voia de far una bela caminada sul mar...

Messaggio da malvasia »

Forsi el giro che ve propongo xe conosù... mi lo go scoperto un per de ani fa.
Xe un giro circolare da Strugnan a Strugnan, pasando per Portorose, Piran, Fiesso e Pazzugo- El fa parte de una serie de sentieri segnadi dal comun de Piran e el xe posibile solo de pochi ani, perché no xe sai tempo che i ga atrezà el tunel dela parenzana.
Se lasa la machina a Strugnan paese, vizin al market e al monumento ai caduti se trova sempre parchegio.
Se ciapa la strada che costegia le saline verso l'Hotel Salinera e subito dopo el campegio se gira a sinistra. Qua comincia i segni (un cocal bianco in un tondo arancio) e le frece. Se pasa soto la strada principale che mena a Portorose per un cavalcavia e subito dopo se gira a destra in una valeta, con qualche vila, qualche casa colonica e tante campagne (sopratuto olivi). Soto la colina se trova el vecio tunel dela parenzana, asfaltado e iluminado, lungo circa 500 m 8ocio al giro d'aria, coverzerse ben testa e colo).
Fato el tunel se sbuca a Portorose, sora l'auditorum. Par de aver cambià stagion... sol, caldo, palme... e vilone da costa azura ;)
Se scendi al mar e se camina tuto lungo el mar passando davanti ai magazini del sal de Fuzina (molo roman somerso) poi per el compleso de Bernardin fina a Piran.
A Piran se pol andar fina sula punta o taiar su driti ala ciesa.
Drio la ciesa parti el sentier pedonale per Fieso (frecia) che camina soto le falesie (se pol ciamar falesie se xe de arenaria?)
A Fiese xe due lagheti che provien dala vecia cava inondada...
Durante l'inverno fredo del '29 le pompe che continuamente doveva pompar fora l'acqua dala cava se ga gelà e la cava se ga impinì de acqua. Dopo i ga pensà che no iera più conveniente zercar de svodar de novo e la cava xe stada abandonada. Adeso i lagheti xe un'oasi avifaunistica.
Da Fieso ciapar la strada in salita che parti drio del Hotel Barbara. In zima ala salita xe l'abitato de Pazzugo. Girar a sinistra apena posibile (xe un campo de palacanestro sul canton) e continuar fichè la strada asfaltada gira de novo a sinistra in decisa discesa.
A queesto punto se continuè in zò rivè al mar, ma la strada xe a fondo cieco. Zò xe un picolo approdo e una specie de colonia per fioi. E la rampa xe bastanza ripida.
Inveze la nostra strada continua drita, da asfaltada diventa un sterato che pasa in mezo a vilete.
El segno de sentier in questa zona cambia, xe un retangolo gialo. Solo che no xe segni sul bivio, el primo xe qualche metro più avanti, sul muro.
Pasada l'untima casa se ariva in una valeta dove xe una fontana (l'ultima volta che go provà la butava acqua salada???) un sterato in discesa che va in campagna e una specie de campegio con bungalows (che no go mai visto verti) un poco più in alto.
La strada adeso diventa un sentier che costegia el mureto de contenimento de sta specie de campegio. El continua in quota e ricomincia i segni del cocal. ocio che pol eser fango.
El sentier ne porta sula strada tra Strugnan e Piran (Croce Bianca) poco sora de l'Hotel Salinera.
Se continua er la strada fin che se riva al mare. Qua uno pol continuar drito fino a strugnan paese (in ombra in sta stagion) o atraversar le saline (consigliato) o verso una casa isolata in mezo ale saline, da cui se riva sula strada, opur verso la spiagia de strugnan (ristorante, bar Cavedin). Da qua la strada ne riporta in ancora un venti minuti al parchegio dela machina.

Lungheza (stimada) 12 km, dislivello (stimado) 150 m, tempo 4 h o anche de più se ve pindolé o ve fermè a pranzo per strada ;)

Disclaimer: go scrito de geto e no go rileto, perdoneme per eventuali erori de digitazion :)


Il segreto della creatività è nascondere le proprie fonti (A. Einstein)

http://cristina-marsi.blogspot.com/
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Adesso dovemo mandar qualchidun a far le foto :-D


Mal no far, paura no gaver.
Avatar utente
malvasia
Vilegiante
Vilegiante
Messaggi: 148
Iscritto il: gio 7 ago 2008, 9:00
Località: Muja

Messaggio da malvasia »

Oh, se xe per questo :)
In genere mi no fotografo tanto er documentar, son più interesada a qualche detaglio, o colpi de luce interesanti, ma qualche foto del paesagio la go racolta in sti ani.
Ocio che le foto xe state scatade in stagioni diverse, sopratuto primavera e autuno.

Immagine

Qua xe a Strugnan, sul sentier verso el tunel. Sora quei ulivi pasa la statale Strugnan-Portorose.

Immagine

I magazini del sal a Fuzina, visti de Bernardin: qua riva el sal dele saline de Sicciole e -credo- anche de quele de Strugnan, rimese in funzion de un pochi de ani, anche se solo in parte.

Immagine

Questa xe de ieri: Piaza Tartini a Piran, co la gente che ciapa sol.

Immagine

Ancora ieri, ancora Piaza Tartini, col momumento a... indovina chi?

Immagine

Sempre ieri, sempre Piran

Immagine

Uno dei lagheti de Fieso, quel più verso el mar

Immagine

Le saline de Strugnan viste dala strada sora l'Hotel Salinera


Il segreto della creatività è nascondere le proprie fonti (A. Einstein)

http://cristina-marsi.blogspot.com/
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Interessante la descrizion e bele le foto!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

che bel! :-D


"mi credo che i scrivi sta roba per insempiar la gente" ( La Cittadella)
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

La caminada lato mar la conosso, ma non go mai fatto la parte più interna: grazie per le foto. :-D


Mal no far, paura no gaver.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Se gavè voia de far una bela caminada sul mar...

Messaggio da babatriestina »

Ieri go fatto una parte de questo giro, ma visto che gavemo un topic su Piran, le foto più collegade a Piran le metterò là! Semo andai tuto lungo la costa, de Portorose a Piran, de Piran a Fiesso e a Strugnan, e de là el gruppo se ga diviso sulle falesie, chi ga fatto el sentiero altoe chi come mi ga seguido el gruppo che andava lungo el mar, zona protetta, fin a Isola:
Portorose xe la seconda volta che ghe passo e no me ga fatto una più bella impression dela prima: troppe casone fa pensar a un centro città..
Immagine
e san Bernardin idem.. i santi de quele parti xe stadi de-santizzai, Santa Lucia e San Bernardin xe deventai Lucija e Bernardin... e al posto de un convento, za soppresso me par dei francesi nel 800 xe un centro turistico grandioso, con porto interno
Immagine
e alberghi che ghe fa concorrenza a Monte Grisa
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Se gavè voia de far una bela caminada sul mar...

Messaggio da babatriestina »

del convento, resta un campaniletto e un toco de abside
Immagine
fa quasi el impression de un resto d e moschea col minareto
Immagine
lassando a parte Piran, ecco el cartel del sentiero per Fiesso
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Se gavè voia de far una bela caminada sul mar...

Messaggio da babatriestina »

lungo la costa
Immagine
a Fiesso iera un'industria con cava de argilla e come i lagheti delle nOghere xe deventado un laghetto
Immagine
le piere ga colori cangianti
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Se gavè voia de far una bela caminada sul mar...

Messaggio da babatriestina »

un'ociada indrio al Duomo de Piran
Immagine
le saline abbandonade de Strugnan: la chiusa
Immagine
e le saline
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Se gavè voia de far una bela caminada sul mar...

Messaggio da babatriestina »

El tratto più selvadigo fra Strugnan e Isola
el cartel che conferma che le se ciama proprio falesie e che xe zona protetta
Immagine

Immagine

in certi punti el flysch arriva fin al mar e meno mal che iera bassa marea!
Immagine


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Se gavè voia de far una bela caminada sul mar...

Messaggio da babatriestina »

Immagine
le falesie de arenaria e flysch

Immagine

arrivo in vista de Isola

Immagine
(Isola se meriterà un post a parte..)


"mi credo che i scrivi sta roba per insempiar la gente" ( La Cittadella)

Torna a “Istria”