Cicio no xe per barca...

Muggia, Istria slovena ed Istria croata
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Cicio no xe per barca...

Messaggio da babatriestina »

I Cicci - i Cici ( la grafia xe a discrezion)

Cicio no xe per barca! lo disi tuti.
Co iero putela mia nona, co me metevo su un orecin spaiado, la me diseva Ti xe come i Cicci con un orecin solo. E mama contava un wiz de un carboner che girava per le strade de Trieste zigando Carbunaaa, Carbunaaa....
Ma chi xe sti Cici o Cicci?
Xe i Istroromeni. I parla un linguaggio più o meno imparentado col rumeno, i xe vignudi de ste parti nei soliti secolo XV-XVI e dintorni, co le campagne iera svode e i acetava i profughi che vegniva su dela penisola balcanica scampando dei Turchi. Valacchi, Morlacchi, tuti termini per indicar i stranieri, scampai.. e i se ga insediado in do zone, i Cicci nele Cicceria e un secondo gruppo, i Ciribiri ( Ciribiribin???) nela zona del Arsa.
La Ciceria o Cicceria iera e xe ancora quela zona interna del Istria a sud ovest dela strada per Fiume con i do paesetti de Mune e Seiane ( Zejane se preferì la grafia croata, tanto se legi preciso) (anche altri paesini vizini una volta iera abitai dei Cici). El monte principal dela zona xe el monte Orljak, che se volè podè ciamar in italian monte Aquila, che tanto vol dir la stessa roba. I viveva principalmente de pastorizia, de contrabbando ( iera la zona de confin fra la Repubblica veneta e l'Impero asburgico), de brigantaggio, e dela produzion e vendita de carbon dolce, che i vegniva a vender apunto fin Trieste, col loro Carbuna!
I ga mantegnudo per ani i loro veci costumi e la loro lingua, resistendo ai tentativi centralizzatori dei vari governi del secolo scorso, adesso, diseva Claudio Magris in un suo libro, i xe bi- e tri-lingui: istroromen, croato e italian.
Una curiosità: Mune xe un paeseto picio cussì, ma su una carta go visto una distinzion fra Mali Mune e Veliki Mune :-D


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Te ga visto la mini mostra in piazza Piccola ? Se non te son ancora andada, ciolte un do ore perché ghe xe una vagonada de testo da legger esposto alle pareti, insieme a foto d'epoca e disegni.
L'Unesco go scoperto po che ga inserido L'istrorumeno tra le lingue in via d'estinzion.
Allegati
cicci.JPG


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

le stampe e le foto che gavevimo de i cici le iera su triestemia?


Avatar utente
bilo
vilegiante
vilegiante
Messaggi: 44
Iscritto il: lun 28 lug 2008, 11:37

Messaggio da bilo »

In Istria ghe xe sta solo una volta una scola proprio per l'istrorumeno.
Soto el ventenio, po, nel 1947 "queialtri" la ga serada... :roll:


Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Re: Cicio no xe per barca...

Messaggio da sum culex »

babatriestina ha scritto:
Cicio no xe per barca! lo disi tuti.
I viveva principalmente de pastorizia, de contrabbando ( iera la zona de confin fra la Repubblica veneta e l'Impero asburgico), de brigantaggio, e dela produzion e vendita de carbon dolce, che i vegniva a vender apunto fin Trieste, col loro Carbuna!


Xè proprio perchè vivendo nel'interno e no sula costa no i gaveva modo de andar per mar e cioè in barca, roba che logicamente no i saveva far. E questo, cussì se contava a casa mia, xè el motivo e l'origine de sta frase ormai diventada comun e che ogi indica, più in general, un tizio che no sa far una data roba, o, che se la fa, la fa malamente.
ciao
sum culex


Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Gavevo leto tempo fa anche un articolo su la "Coppa del ciccio" una coppa che ghe vien dada ogni anno a chi dimostra de esser el più incompetente in barca a vela.


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
bilo
vilegiante
vilegiante
Messaggi: 44
Iscritto il: lun 28 lug 2008, 11:37

Messaggio da bilo »

su www.decebal.it podè trovar interessanti curiosità su questo piccolo popolo che se ga mescolà qua in silenzio con tuti i altri.
Curiosità come quela del 1857 quando..."...quasi 300 trovatelli dell’Istituto dei poveri di Trieste sono accolti presso le famiglie istroromene.
l commento di Maiorescu è emblematico: in nessuna parte dell’Istria la gente è invogliata di occuparsi con l’educazione come i romeni che crescono e raccolgono i frutti dei plutocratici triestini. La posizione del luogo lontano da Trieste e che è come un nascondiglio isolato. La costituzione fisica, forte e sana di questi romeni le loro belle caratteristiche, il loro spirito vivace ed ingegnoso sono gli elementi che fanno si che siano affidati loro questi bambini. Ricorda infine l’autore romeno che di questi trovatelli la cui piccola retta è pagata dall’istituto triestino solo fino all’età di 10 anni: la maggior parte di loro rimangono tra i romeni senza che vengano a conoscenza mai della loro origine...."


Avatar utente
bilo
vilegiante
vilegiante
Messaggi: 44
Iscritto il: lun 28 lug 2008, 11:37

istrorumeni

Messaggio da bilo »

ve posto l'inno istrorumen:

Imnul Istro-romanilor Inno Istrorumeno
Roma, Roma i mama noastra
noi Romani ramanem
Romania i sara noastra
tot un sang-avem
nu suntem siguri pe lume
sì ea avem frati
Italiani cu mare lume
mana cu noi dati
ca sa fim frate si frate
cum a dat Dumnezeu
sa traim pana la moarte
eu si tu si tu si au



e la tradusion, anche se no serviria per via che credo che sa se capissi

Roma, Roma è la nostra madre
noi rimaniamo Romani
la Romania è la nostra sorella
abbiamo tutti un sangue
non siamo soli al mondo
se abbiamo fratelli
Italiani dal nome illustre
ci hanno dato una mano
siamo fratelli e sorelle
come l'ha stabilito il Signore
così lo sosterremo fino alla morte
io con te e tu con me


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

me permetto de zontarlo al post za presente sui Cici, domandandote:
de dove e de quando xe sto inno.
No me vedo i Cici che lo canta..


"mi credo che i scrivi sta roba per insempiar la gente" ( La Cittadella)
Avatar utente
bilo
vilegiante
vilegiante
Messaggi: 44
Iscritto il: lun 28 lug 2008, 11:37

Messaggio da bilo »

La moglie de Andrea Glavina, Fiorella in occasion dell'inaugurazion dela scuola istrorumena a Valdarsa nel 1921.

quela volta se scriveva ste robe cussì... credo anche mi che pochi gabi avudo l'ocasion de cantar, ma intanto esisti un inno istrorumen


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

bilo ha scritto:La moglie de Andrea Glavina, Fiorella in occasion dell'inaugurazion dela scuola istrorumena a Valdarsa nel 1921.
ben, meno de cento anni, xe roba scritta per festeggiar l'inaugurazion dela scola, no un inno tradizional.. e se anche vedi che efetivamente el risenti del stile periodo :wink:


"mi credo che i scrivi sta roba per insempiar la gente" ( La Cittadella)
potter
vilegiante
vilegiante
Messaggi: 49
Iscritto il: mar 3 mar 2009, 21:00
Località: trieste

cici e ciribiri

Messaggio da potter »

bon giorno ! a completamento de tuti i comenti ,zonto qualcossa anche mi ! I Cici,Rumieri e i Ciribiri parla un Romeno antico ciamado Aromeno dai linguisti ,ora imbastardida sia co'Istroveneto che col Croato. Nel1921 un maestro de scola che jera anche podesta', Andrei Glavina, gaveva 'verto una scola a Valdarsa con lingua de isegnamento Rumena che ga cessa'de esister co' la sua morte nel 1925 no 'ssendoghe piu' insegnanti validi per proseguir. Al 29 Aprile 1994 xe stada fondada " Associatia Culturale Lu Istro-Rumeni Andrei Glavina" Nel 1991 se xe dichiaradi Istro-Rumeni810 persone e Morlachi 22. I storici li fa rivar da la Bucovina e da la Transilvania nel ano 1102. El primo documento che li nomina xe el " Pasculus Chichio de Pinguente 1367. In tedesco la zona se ciamava Tschitschen Boden .Una patente de Maria Teresa ghe gaveva da' el permeso de vender a Trieste carbon dolze e asedo.No ghe xe riferimenti storici piu' specifici ma i linguisti che ga parametri de valutassion diversi i calcola che ghe jera xa un presenza ladina e forse retroromana nel stesso posto e che i se ga missia con questa.Ora i Rumeni considera el Istro-Rumeno parte dei dialeti Rumeni moderni insieme al Dacorumeno,Meglenoromeno e Aromeno. I Morlachi interno zona di Zara el nome ga influenza grega da Maurovlachi dove mauro sta per scuro causa el color olivastro de la pele.
Vista la presenza veneta in dalmazia, in veneto existi ancora ogi un formagio ciamado morlaco.Cognomi tipici che xe a Trieste xe quei che finissi in -ina Glavina,Superina etc po ghe xe tanti Stroligo, Rumer etc.
Ghe xe due paesi che ga mantiniu' nel nome l'origine " Latini e Rim " dopo ghe xe quei che ogi ga tre nomi " Susnievica-Valdarsa Susnievita"
Nova Vas -Villanova-Noselo " dopo ghe xe Letaj ,- Zejane-Seiane- etc.
I Istro-Rumeni credo che nel 24 magio 1995 xe stadi riconossudi minoranza autoctona Europea a St Moritz.
Ciao a tuti . John Paul Potter


...guera jera ,poco se magnava, Francesco Giuseppe Imperator e dopo de lu solo pajazi !
(Manlio Malabotta)
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Eco Cicio !

Immagine


Mal no far, paura no gaver.
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Re: Cicio no xe per barca...

Messaggio da AdlerTS »

.. e anche questi non sarà per barca

Immagine


Mal no far, paura no gaver.
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cicio no xe per barca...

Messaggio da Ciancele »

babatriestina ha scritto:I Cicci - i Cici ( la grafia xe a discrezion)

Cicio no xe per barca! lo disi tuti.
Co iero putela mia nona, co me metevo su un orecin spaiado, la me diseva Ti xe come i Cicci con un orecin solo. E mama contava un wiz de un carboner che girava per le strade de Trieste zigando Carbunaaa, Carbunaaa....
Ma chi xe sti Cici o Cicci?
La Ciceria o Cicceria iera e xe ancora quela zona interna del Istria a sud ovest dela strada per Fiume con i do paesetti de Mune e Seiane ( Zejane se preferì la grafia croata, tanto se legi preciso) (anche altri paesini vizini una volta iera abitai dei Cici). El monte principal dela zona xe el monte Orljak, che se volè podè ciamar in italian monte Aquila, che tanto vol dir la stessa roba. I viveva principalmente de pastorizia, de contrabbando ( iera la zona de confin fra la Repubblica veneta e l'Impero asburgico), de brigantaggio, e dela produzion e vendita de carbon dolce, che i vegniva a vender apunto fin Trieste, col loro Carbuna!
Una curiosità: Mune xe un paeseto picio cussì, ma su una carta go visto una distinzion fra Mali Mune e Veliki Mune :-D
Legio ogi dei cici. Cicio che vendi carbunaaaa, diseimo anca noi. Un cicio, ma veramente cicio, el gaveva el magazin de carbon in piaza Cornelia Romana. Noi ‘ndaimo là a far le corone de legneti per impizar el carbon dolce. Ciapaimo 50 centesimi per ogni corona. ‘ndaimo a ingrumar fero, rame, nichel e portaimo del strazariol in via Crociferi. In via Crociferi iera anca la Lateria Pinguentina. Tuto iera di Pingvente, anca mleka. Fio, Slavko, iera mio compagno di banco a l’università Giancarleto. Su mare dava mezo litro di late al profesor. Slavko ga dito che mi iero bon putel e profesor me ga dà sete sula pagela. Se no a tuti sie. El mato no conoseva altri numeri. Un altro carboner, forsi anca cicio, ma no so, gaveva magazin in via dei Fabri o in piaza Santa Lucia. Forsi me confondo. Forsi iera do mati. Quel de piaza Santa Lucia gaveva un panzon che mi al confronto son magrolin. Co’ pioveva me metevo soto la sua panza e stavo sul suto. Gavevo forsi zinque ani.
A Sejane son rivà el 29 otobre 1944 dopo una marcia de squasi 20 chilometri (Rucavazo – Sejane). Per zena i ne ga dà un puntariol par far un buso sul cinghia: el famoso foro romano. Go za contà una volta che gavemo dormì in quaranta/zinquanta in tuna camereta. El giorno dopo gavemo zercà dove dormir. O in tun tucul nela casa de morto (una capanna a forma circolare con un centro, per cui i letti avevano in qualche senso la forma di un feretro) o altro. Noi, 3 muli de contrada + 1 mulo foresto, gavemo ciolto una villetta unifamiliare. Insoma una stala de porchi. Con una maza gavemo spaca la magnadora, gavemo ciolto paia e come ciave dela porta iera una piera de un quintal. Ma la magnadora gaveva un buso de scarico e de là vigniva drento pantigane (ratti) grandi come una tigre. Me ricordo che anca Yanez ‘ndava a cacia de pantigane. Aqua gnente. I pozi iera tuti pieni de cadaveri de omini e de bestie. Qulache mese prima iera rivai quei dela SS e i ga brusà tuto. Squaiaimo neve. Ma no son mai rivà a bever l’aqua parchè la svampiva (evaporava) subito col calor. I gnochi ‘ndava a cior aqua a Mune, a circa 5 chilometri de Sejane. Anca mi go visto veljka e mali Mune. Probabilmente Mune superiore e Mune inferiore. Noi fazeimo le trincee su un monte a circa 5 chilometri de Sejane. No so come che el se ciamava. Vedeimo pasar i arioplani e li contaimo. Mai meno de mile do. Dopo un poco sentiimo cascar bombe e un o do rioplai i tornava indrio. Noi ghe tiraimo piere ma no li gavemo mai ciapai. Insoma no iera nè contraerea nè arioplani cacia. E più tardi ancora no sentiimo più gnente, ma la tera tremava come un teremoto. Chi sa cosa che i bombardava. Probabilmente in Austria.


Torna a “Istria”