El bacalá mantecado, una specialitá veneziana e vicentina, xe sempre stado assai popolar a Trieste. Me ricordo de un spaceto in via Donadoni che lo fazeva tuti i dopopranzi e i clienti fora dela porta spetando pazientemente...
Sto piato lo gaveva ricordado qualche giorno fá sono piccolo ma cresceró indove tuta la familia se turnava a misciar.
Ben bon, me xe vegnudo voja e me son deciso de far un esperimento. Premesso che el stocafisso normal o ragno xe probabilmente introvabile in queste latitudini e che el bacalá salado, che a cambio se trova facilmente nei alimentari portoghesi o spagnoli, lo trovo abastanza complicado per la preparazion – meterlo a smojo per almeno 24 ore, cambiarghe l'acqua ogni 4 ore ecc.

Cussí che go comprado 1 kilo de merluzo fresco, che no xe i merluzeti pici che se trova in pescheria in Italia, ma certe sberle de pese, filetade e senza pele e senza spini. Disemo che xe i stessi merluzi del Nord Atlantico che se sala intieri o se meti a secar al sol in Norvegia (penso mi).
Cussi che go cusinado per 20 minuti sti fileti freschi, in latte e con un pugneto de sal. Go messo el pese nel frulador con 4 spichi de ajo, prezemolo fresco, pevere e bastanza ojo vergine de oliva. Una bela frulada e via...

No sara stado come quel de via Donadoni, ma ghe xe piazo a tutti e particolarmente a mi

El negozio più famoso per mi iera in piazza garibaldi !

me conta mio zio che a Servola xe ancora (el credi) un'ostaria dove che i lo fa lori, qualchedun sa qualcosa de più?
grazie saludi

Ma no lo vendi ormai tuti, i vari Masè, e anche i banconi delle Coop? (a mi .. me spuzza tropo de bacalà per piaserme..)

si, in Coop ale Tori se trova, e per mi el xe bon, ma no fazo testo, lo metessi anche nel cafè..
saluti

..."me conta mio zio che a Servola xe ancora (el credi) un'ostaria dove che i lo fa lori, qualchedun sa qualcosa de più?
grazie saludi".....
co te arrivi dalla strada dei cimiteri te giri a sinistra verso el stadio, dopo un poco xe una piazzeta con la fontana de fero a leva, drio, de spalle alla fontana xe l'osteria...che me sfugi el nome....ma el bacalà xe bon!

Quando che stavo a Coloncovez andavo a ciorlo in botega in piazeta,lo fazeva un che lavorava dentro.Ve asicuro che el iera speciale e no lo go trovà cusì bon de nesuna altra parte.Per mi quel che i vendi nei supermercati se roba tropo industriale che no ga niente cosa veder con quel fato artgianalmente,che solo i veci de una volta gaveva pasion de farlo perchè el portava via sai tempo sia per cusinarlo che per pestarlo in tel mortaio.

bruno ha scritto: co te arrivi dalla strada dei cimiteri te giri a sinistra verso el stadio, dopo un poco xe una piazzeta con la fontana de fero a leva, drio, de spalle alla fontana xe l'osteria...che me sfugi el nome....ma el bacalà xe bon!

Grazie, quando che rivo me buto subito.
saluti

Pecá che nissun ga comentado sul mio uso estemporaneo del merluzo fresco. Forsi sto pese no se trova a Trieste, o almeno no se trova el merluzo del nord-atlantico.
Ve meto una foto per darve un idea. Qua in Inghiltera xe uno dei pesi piú popolari, ma no lo vendi mai intero. Solamente filetado, senza pele e senza spini.

no go idea, ma credo che el vostro merluzzo fresco sia cussì bon che se lo possi cusinar in tanti altri modi che mantecato: mi me vedessi assai bene filetti ala griglia.. inveze che trasformarlo in bacalà! che mi inveze me devo far con quei surgelati: ogni posto ga le sua specialità!
savevi che in un romanzo de Veinichen ghe xe un che vien copado con un colpo de bacalà ( duro) in testa? adesso no posso veder sto bacalà senza pensar a quel delittto

Però, a sto punto se podessi provar coi bastoncini de merluzzo surgelà. Quasi quasi un giorno provo.

proverò la ricetta di macondo. quei filetti li trovo anche qui, freschi, al super.
il miglior mantecato l'ho mangiato a portorose, in un agriturismo.
ma molto buono anche quello di una trattoria triestina, vicino all'ospedale maggiore (non il cattinara, comunque), consigliato da un amico

sono piccolo ma crescero ha scritto:Però, a sto punto se podessi provar coi bastoncini de merluzzo surgelà. Quasi quasi un giorno provo.

provar coi bastoncini per copar la gente?
scuseme... saluti

Dopo gaver fatto una picola investigazion, go scoperto che el stocafiso se pol trovar facilmente anca in Inghiltera. Par che el sia assai popolar nela cusina africana e i lo vendi intero o in pacheti de 200 gms, za a tochetini e pronto per cusinar. Sto stockfish xe prodoto in Norvegia o Islanda e el costa intorno ai € 25 al kilo.

Continueremo coi esperimenti gastronomici...

steso prezo che in Italia, più o meno, nel picio market dove lo gò ciolto l'ultima volta, i mé gà fato poi el 50% de sconto perchè no i riva a venderlo..
e me son quasi convinto a no farlo più, no rivo a farlo come lo trovo a Ts, basta un cuciar de oio in più o in meno e el cambia completamente savor e consistenza, me da un fastidio.. a ognun il suo mestiere. me acontenterò del bacalà con zivole e polenta.
saluti

Mi no magno e no fazzo, ma oggi che fazevo la spesa ale Coop go guardado i ingredienti de quel che vendi lori: baccalà secco (stoccafisso), acqua del baccalà, oio de semi de girasol, pevere e.. patate!

Col merluzo che me jera vanzado e che gavevo congelado, ogi fazo crochete de pese. Le famosisime fish cake, a base de merluzo, salmon afumicado, puree de patate, prezemolo ecc. Vedemo cossa me salta fora...

babatriestina ha scritto:Mi no magno e no fazzo, ma oggi che fazevo la spesa ale Coop go guardado i ingredienti de quel che vendi lori: baccalà secco (stoccafisso), acqua del baccalà, oio de semi de girasol, pevere e.. patate!

Mi gavevo zà sentì che i meti anche le patate.....

Nona Picia ha scritto:

babatriestina ha scritto:Mi no magno e no fazzo, ma oggi che fazevo la spesa ale Coop go guardado i ingredienti de quel che vendi lori: baccalà secco (stoccafisso), acqua del baccalà, oio de semi de girasol, pevere e.. patate!

Mi gavevo zà sentì che i meti anche le patate.....

sopratuto l'ordine dei ingredienti, prima oio de semi, poi patate, (credo, fecola), e poi stocafisso..
in ordine di percentuale all'interno. se dovessi ciamar oio ale patate e baccalà..
saluti

Grazie Macondo
Ricetta fatta, magnata e approvata