richiesta consigli

locali a Trieste: gavè magnado ben? ne consigliè? iera una volta...
Regole del forum
Collegamenti al regolamento del forum in varie lingue ed alle norme sulla privacy in italiano.
andysoon
naufrago
naufrago
Messaggi: 3
Iscritto il: mar 25 set 2007, 12:07

richiesta consigli

Messaggio da andysoon »

Ciao tosi,
so un padovan e so drìo organisare na visita ae vostre bea città. Dunque, semo un pulman, quindi na sinquantina de individui loschi (gnanca tanto dai.. qualche femena ghe xe) e so drìo sercare un buon postesìn dove magnare ben sensa dover vendare tute e vache.
Me so ze vardà intorno, l'antipastoteca tacà el casteo xe piena, sior rosa xe sarà, pepi non ga posto... me so informà par queo a marina de san giusto, la barca, dove ghe xe l'iiticoltura... me par bon.. cossa dixìo?
Gavì qualche altra proposta?
Grassie

Ah.. un parere suea me organissasion dea giornata: mattinata a Miramare e San Sabba.. magnemo.. e poi a pìè in centro (piassa unità d'italia, teatro romano, basiica e casteo de san giusto.. massa da caminare? da ore bastee?) ed infine giretto con tram de opicina fin a l'obelisco... mentre me sa che non go el tempo par i pessi dell'aquario..

Grassie ancora

Andrea


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Re: richiesta consigli

Messaggio da ffdt »

andysoon ha scritto:Ciao tosi,[...]
ciau bel :-) pe' 'l magnar no savesi dirte ... xe bastanza che no porto fora gente a pranzo o zena :-)
andysoon ha scritto:[...] piassa unità d'italia, teatro romano, basiica e casteo de san giusto.. massa da caminare? da ore bastee?[...]
me sa che se parti` a pie de la` de 'l marina san giusto le ve basta giuste giuste ... per andar de 'l teatro roman fin su a san giusto ve consilio de pasar per la "scalinata delle medaglie d'oro" che la xe comoda e la ve porta a rente sia de i resti de una tore romana che i ga netado de recente sia de 'l arco de riccardo

el castel me sa che 'l xe ancora serado pero` pode` andar suxo in te 'l campanil che anca se no par el xe bastanza alto per rivar a cucar in te 'l castel :-) ... e ghe xe anca un panorama interesante perche` se vedi tuta la cita` e no solo che 'l golfo :-)

la baxilica la xe verta e anca se i ghe sta fazendo lavori per le luci i ga finido de restaurar i afreschi e se li vedi ben tuti cuanti :-)

per mi ve convien magnar, montar in coriera e farve menar in piaza granda (unita` d'italia, pe' i moderni ;-D) e continue` a pie de la` ... par poca strada ma farla subito dopo pranzo forsi no ocori ;-)

e dopo feve vignir a cior de la coriera diretamente su a san giusto, che ghe xe un parchegio fato a posta, cusi` pode` andar comodi fin a la` de indove che parti 'l tram ... no so se xe lavori in cita` ma se 'l tram no 'l parti de 'l capolinea feve pur portar cuei 300 metri piu` in su, che xe un logo che se ciama "piazza scorcola" indove che pasa 'l autobus e la vostra coriera la pol fermarse per farve xmontar senza intrigar ... dopo la continua su per la stesa strada ("via commerciale") e la riva la` de 'l obelisco pronta per ingrumarve de novo :-)

'l acuario el xe verto de matina (me par fin a la una) e podesi andarlo a vardar prima de andar a pranzo ;-D che tanto 'l xe a rente de 'l marina san giusto ... pero` in parco de miramar se pol perder anca tuta la giornada ... per farla in furia ma veder isteso cualcosa pode` farve molar de la coriera a grignan ("Porto di Grignano") e farve viginr a cior de l'altra parte, a miramar, indove che se ferma tute le coriere ... cusi` ve la fe` a pie (no xe sai longo), vede` 'l parco e pase` davanti de 'l castel senza dover andar avanti e indrio ... cusi` sparagne` un poco de tempo e pode` goderve meio cuel che vede`:-) e dopo pode` andar la` de la rixiera

intanto cuesto ... adeso te meto un per de piantine de le strade che fazesi mi :-)


intanto cuesta ... voi rive` pasando per la costiera e ve ferme` a grignan (riva Massimiliano e Carlotta) dopo voi ande` a pie (strica rosa che go fato mi) per rivar fin a in parco de miramar
Allegati
map1.jpg


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

dopo, intanto che voi se in te 'l parco (sempre riga rosa) la vostra coriera fa 'l giro per de fora (seconda cartina) e la pasa de riva massimiliano e Carlotta in viale Miramare, la` de 'l parchegio indove che va tuti :-)
Allegati
map2.jpg
map3.jpg


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

dopo ve fe portar fin a la` de 'l acuario, se vole` ghe fe un giro e se no fe altri 100 metri e se la` de 'l marina san giusto

dopo magnado ande` co' la coriera fin a in piaza granda e la` xmonte`
Allegati
map4.jpg
map4.jpg (16.63 KiB) Visto 4595 volte
map5.jpg


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

dopo ve fe la vostra caminadina fin a su la` de la catedral (ve sugeriso el percorso co' la strica rosa), varde` tuto cuel che piu` ve piaxi (tanto xe tuto la` a rente) e dopo ande` c'o la coriera la` de 'l tram ... punto "1" se xe tuto a posto e punto "2" se xe lavori

ah si ... me go dimenticado de la rixiera ... ma ben, cuela savere` trovarla anca soli, imagino :-) ... no xe dificile :-) ... caxo mai domanda pur :-)

mi, se dovesi menar a spaso cualchedun, fazesi cusi` :-)

bona gita :-)

Franco
Allegati
map6.jpg
map7.jpg


Avatar utente
rofizal
Eximio
Eximio
Messaggi: 3396
Iscritto il: dom 1 gen 2006, 18:56
Località: Terra

Messaggio da rofizal »

Per magnar in grupo adeso no me ricordo (vado speso a cena fora, ma sempre in non più de 8-10 persone).

Per avere un bel ricordo de Trieste, semplificato al massimo, metterei:

1) arrivo in pullman dalla Costiera, con panorama indimenticabile su Trieste, il Golfo e l'Istria

2) sosta al Castello di Miramare (se aperto)

3) sosta in piazza Unità con due passi sulle rive

4) breve puntata al colle di San Giusto (Cattedrale, Castello, vista, ma dipende dal tempo a disposizione)

5) ritorno per la via Fabio Severo (più adatto al pullman della via Commerciale) con sosta all'Obelisco e altro panorame stupendo sulla città, il Golfo, L'Istria e il Carso

6) eventuale visita della Grotta Gigante presso il Borgo omonimo

La Risiera è piuttosto decentrata, dalla parte opposta della città, vicino allo stadio. Richiede una deviazione apposita.
Di più in poco tempo non credo si possa fare. Visita a musei e altro richiedono visite di più giorni.


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

rofizal ha scritto:[...] via Fabio Severo (più adatto al pullman della via Commerciale)[...]
so anca mi, ma lori i gaveva za un programa fato :-) e visto che i voleva andar su co' 'l tram se no i lo trova in piaza oberdan ghe toca andar in piaza scorcola ... a cuel punto ghe convien rivarghe co' 'l pulman, che tanto se va su 'l autobus (e xe autobus longhi) va su anca 'l pulman :-)


Avatar utente
serlilian
distinto
distinto
Messaggi: 1697
Iscritto il: sab 10 mag 2008, 21:03
Località: T.L.T.

Messaggio da serlilian »

Np se ga mai più savudo niente?
Per mi i sta ancora caminando. :lol:
No bastava una giornada per quel programa.
Mi una volta go portà un grupo de trentini in castel de Miramar, con un gireto nel parco, pranzo de Fabris e una caminada in centro, ciesa serbo-ortodossa, Canal, ciesa grega-ortodossa (semo passai davanti che i la stava verzindo e semo corsi dentro anche noi) e subito in silos a cior el bus.


[i]Liliana[/i]
- . - . -
[size=75][i]"Quando comincia una guerra, la prima vittima è la Verità.
Quando la guerra finisce, le bugie dei vinti sono smascherate,
quelle dei vincitori, diventano Storia."
(A. Petacco - La nostra guerra)[/size][/i]
Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Messaggio da Bilbo »

per magnar ben senza spelarse te pol provar qua:

Trattoria alla Gioconda - Via Scipio Slataper, 12 Trieste- Tel. 040 370788

xe un posto cocolo, solo me lasa dubbioso el numero de posti che poderia servirve. te convien telefonar. el paron/cogo se ciama Franco.-


Bye '73 de Roby.-
Avatar utente
Angiolina
ixolan
ixolan
Messaggi: 235
Iscritto il: lun 20 ott 2008, 21:04

Messaggio da Angiolina »

posso chiedervi dove andate a mangiare pesce senza fare un mutuo, in città? Non mi interessano cose tipo branzini ma roba autoctona :wink:


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Non so aiutarti, preferisco i ristoranti in Carso :wink:


Mal no far, paura no gaver.
Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Messaggio da Bilbo »

Angiolina ha scritto:posso chiedervi dove andate a mangiare pesce senza fare un mutuo, in città? Non mi interessano cose tipo branzini ma roba autoctona :wink:
de solito, orade, mormore ecc. le magno proprio ala Gioconda con sodisfazion


Bye '73 de Roby.-
Avatar utente
Angiolina
ixolan
ixolan
Messaggi: 235
Iscritto il: lun 20 ott 2008, 21:04

Messaggio da Angiolina »

Grazie Bilbo :-)


LaPicia
naufrago
naufrago
Messaggi: 6
Iscritto il: mer 24 feb 2010, 16:46

Re: richiesta consigli

Messaggio da LaPicia »

Buonasera a tuti,
A proposito de consili son curiosa de saver cossa pensé del Baffo de via Negrelli, i me ga tanto parlà de sto posto, molti ben, alcuni i dize che nol xe più quel de una volta, cussì son stada anche mi (una volta sola per ciò no go termini de paragon), go magnà ben e go riso come una mata.
Aspeto opinioni e ve auguro...bon apetito vista l'ora! :-D


Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Re: richiesta consigli

Messaggio da Bilbo »

mi suocera sta la tacada, ma no ghe son mai andado....


Bye '73 de Roby.-
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: richiesta consigli

Messaggio da Nona Picia »

Mi iero due volte parecchi anni fa per una cena sociale e per el matrimonio de qualchedun. Gavemo sempre magnà ben...


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
LaPicia
naufrago
naufrago
Messaggi: 6
Iscritto il: mer 24 feb 2010, 16:46

Re: richiesta consigli

Messaggio da LaPicia »

Nona Picia ha scritto:Mi iero due volte parecchi anni fa per una cena sociale e per el matrimonio de qualchedun. Gavemo sempre magnà ben...
Allora semo in due, grazie della risposta :-)


VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Re: richiesta consigli

Messaggio da VetRitter »

mi no lo conosso, quando ritorno magari proverò.
saluti


Torna a “Locali”