Scola: fatti e misfatti.

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Scola: fatti e misfatti.

Messaggio da Piereto »

Me imaginavo che l'argomento fusi interessante. Concordo pienamente con spmc e dirò de più: i fioi de oggi vivi in una grande illusione (iera anche una canzoneta che diseva: illusione dolce chimera e un film, lagrande illusione) ben bon. Ai fioi de oggi se ghe disi che l'omo nasi libero che el ga dei diritti, e che che semo tuti uguali. Robe sai belle , ma no vere, smentide da secoli de storia umana e che poggia su delle basi naturali. Per quel parlo de illusione. Non semo insetti , ma ognidun xe una specie a se, semo diversi somaticamente e anche morfologicamente. No semo liberi , ma semo ligai sin dal primo giorno de nascita alla famiglia e alla società in cui vivi i nostri genitori. Tante volte volemo cambiar le robe perchè xe nella nostra natura, ma... Un altro motto che se se dimentica un posto per ogni cosa , ogni cosa al suo posto. Cioè ocori el scovazin, ocori l'esperto in calcolo infinitesimanle, ocori el raccoglitor de pomodori, l'infermier e anche chi che ne conta de le bele parole per farne star boni. Ma questa società ga un difetto, no la tien conto che tutti xe necessari a farla funzionar e tutti devi rivar a star ben. Inveze uno guadagna de più, un de meno e i giovani vol cambiar mestier. Ghe sarà sempre un che poderà primeggiar sui altri, proprio perche no sempo tuti uguali. Esisti la selezion naturale e no xe una balla de Darwin. Per cui digo povera gioventù. Questa generazion più delle precedenti xe segnada dalla confusion, e no la xe preparada ad affrontarla , perchè no ghe vien contado come che sta le robe. E po xe sta creada la realtà virtuale, xe tutto el mondo delle droghe fatto apposta per eliminar un poco de gioventù e aumentemo sempre de numero portando altra confusion nel mondo.
Xe sta citada la musica. Certo prima de tutto bisogna saverla far, e po se pol discuter de estetica. Ma anche questo oggi se vol deimenticar. Mi go studià coi programmi del 1920. Iera sta ciamadi insigni cattedrattici universitari che ga pensà a tempi modi e contenuti de insegnameto validi e obbligatori per tutto el regno. El difetto iera che mancava un aggiornamento decennale sulle materie che non xe vignudo a cadenza decennale. E questo sistema centralistico inveze xe sta demolido. I conservatori in cui te podevi entra in eta scolare xe diventai università . I ga creà el liceo musicale, ma i grandi soloni ga dimenticà che te metti le man su un strumento in età scolare. E alora dove te devi imparar i primi rudimenti, solo in una scola de musica privata. La solita riforma de la nostra epoca che pensa solo a crear posti che eroga stipendi.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Scola: fatti e misfatti.

Messaggio da babatriestina »

Ocio no xe che tuti nassi uguali, perché no semo tuti precisi come che diseva mia nona "Guai se fusimo tuti precisi!". Ma gavemo tuti i stessi diritti come esseri umani. Xe una roba recente, relativamente, dei tempi dela fin del setecento. Prima no. te ieri un sior o te ieri un povereto e te gavevi diriti diferenti.
La selezion darwiniana xe una roba e anche el evoluzionismo: inveze el darwinismo sociale xe roba de fin otocento, e xe quel che ga dado via libera a nazismo e simili... xe quel che disi che el più forte ga reson. E se no te son el più forte, cice, pezo per ti. Auguro a tuti noi de no eser deboli ( e tuti semo o saremo deboli in qualche aspetto) in clima de darwinismo social.
se la scola insegnassi questo inveze che educazion civica, fussimo per bon mal messi.
De musica no meto beco, no xe mio campo.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Scola: fatti e misfatti.

Messaggio da Piereto »

Meno mal che no semo tutti uguali, per questioni naturali esisti un individuo dominante, pol esser un mascio ma anche una femmina, un che xe portado a esser e a far el leader. Vedemo anche a scola che se forma dei gruppetti che se aggrega attorno ad un individuo. Che poi se passi al bullismo e al nazismo xe una tendenza non solo de la nostra specie, a seguir el capo. Quel che manca xe aver a disposizion delle conoscenze o dei strumenti che ne permetti de accorzerse su dove che ne porta el capo. Quindi ignorar che esisterà un leader xe altrettanto grave come lasar far che un dittator ciapi el sopravvento.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Scola: fatti e misfatti.

Messaggio da babatriestina »

quel xe el mondo dei cani e dei lupi, che ga bisogno del capobranco. i gati inveze no, presempio.
Mi ai leader de natura no ghe credo. Sì, xe presuntuosi che credi de esser chisachì, o bulli, ma mi li trovo de solito pericolosi, e pezo de lori solo i lecchini che li osanna sperando de becar favori.
Voio propio sperar che la scola no indotrini cussì. Come insegnante no me go mai gnanca permesso de giudicar de l'inteligenza dei mii alunni. Solo de valutar quel che i mostrava de saver dela mia materia che gavevo spiegado.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Scola: fatti e misfatti.

Messaggio da Piereto »

Penso che la scola devi informarne sui pericoli che xe all'interno della società umana, e che l'omo xe anche lu una bestia, ma dotado de intelligenza. Bisogna stimolar i neuroni ad attivarse. E oggi la gioventù xe poco informada.


Torna a “El salotin”