Scola: fatti e misfatti.

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Scola: fatti e misfatti.

Messaggio da AdlerTS »

Credo che ve ricorderè che questo jera un topic de Granzo. Adesso xe la mia picia ale elementari, e ve meto de seguido un do robe, senza commento e non in ordine de gravità, che però non me va tanto ben ( col tempo go paura che ghe ne zonterò altre :'-( e non ve digo la scola perché non vojo sollevar un caso politico)

- Una volta za iniziado l'anno, con tuti i libri in tasca, i ga domandado de cior a Udine (?) un libro in più che però go trovado a Trieste;

- I xe stipadi tipo sardine in una classe dove mi metessi metà dei fioi;

- Inveze che insegnar che non se ruba e controllar che nissun se freghi niente, ogni singolo matita, gomma, penna e pennarel devi aver el nome con l'etichetta;

- Per el compleanno del muleto/a non te son obligado a portar niente, però se te porti te devi portar bomboni anche per l'altra sezion;

e questo xe solo el primo mese :shock:


[mod]NOTA: ogi, 12 Setembre 2007, go cambiado el titolo, come che go specificado in te 'l mesagio cua piu` avanti indove che xe anca dito de 'l perche` :-)
Franco[/mod]


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

per curiosità, quanti libri ocori per le elementari? se penso che mi gavevo un libro , + quel de religion ( un picio catechismo) e un quaderno... adesso vedo che i proponi el mutuo per pagar i libri de scola!!! e xe diferenze bastanza grosse fre i prezzi dei libri de scola e i altri libri: stavo catalogando libri e vardavo i prezzi ( me ocoreva per un inventario) e i prezzi dei libri de scola xe più alti de i altri!! xe un business ssai grosso, e chi che ghe guadagna no xe la scola, ma le case editrici.

Per el fato che i stia strenti, purtroppo xe normal in tante scole, ma .. i disi che no i fa più fioi, che no ga senso far scole nove, che se razionalizza ( vulgo ridusi le scole), che se taia le spese.... :x

per farghe meter nome sula roba però me par giusto, per insegnarghe a legere, a etichettar, che dopo ghe servirà anca in uficio :-D

Tua fia iera prima in asilo? xe tanta diferenza?


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Le mie due nipotine più grandi le ga in quarta elementare ben 11 libri e no so quanti quaderni. L'altro anno go pesà el zaino de Stefania: 5kg abbondanti!
Ve par giusto!
Ciao ciao
:'-(


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

I libri xe italian, ,matematica, scienze e geografia, religion e inglese ...

In asilo la jera, ma non go trovado ste robe.


refolo

scole elementari: fatti e misfatti

Messaggio da refolo »

Mi son andada in asilo de via Manzoni, iero la piu' picia, terribile esendo nata nella meta' dell'anno.
Go' impara l'Origami, e fazevimo le fisarmoniche lunghe con le serpentine, e cestini e le famose barchette de carta colorata.

Alla Carniel, 3 quaderni, un per scrittura, un per grammatica, el terzo, za pronto coi quadrati, che fazevimo competizioni tipo charade, e chi vinzeva, oltre che le famose matite che passava la Fabbrica Arrigoni per i scolari se ciapava un buono per andar a comprar quel che piaseva
in cartoleria de Pagani in via Sonnino!

Alle Medie? borsa piena coi famosi due volumi dell'Antologia Italiana de Ghersa-Funaioli, storia geografia, lingua Francese, matematica ecc ecc. la cartella de disegno....solo quella pesa un quintal. Pero' ghe iera i giorni, per differenti materie.
me fa' passion sta muleria de oggi, i ga' el zaino pien, ma za gobbi cussi' pici.

Una volta co mia fia e nipote iera a scola i lassava tutto nei armadi in corridoio, come che se vedi in America. Ma i scassava tutto per rubar.
se podeva comprar libri dell'anno prima, ma adesso xe tutto novo e moderno e costa un patrimonio.

i maestri, non i vol piu' chei fazi lezioni a casa, allora tutti corri a far un bocon e dopo in strada chei gioga el Cricket, per questo me fa' da rider chei porta a scola tutta sta borsa piena per niente, pena chei comincia, alla mattina, i xe za sulla computer.

Maria aka refolo


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Mi no rivo capir, con tuti sti libri i dovessi deventar pozzi de scienza. Matematica, un libro in prima elementar! se ben me ricordo, in prima se ga fato le operazioni coi numeri intieri e me par de ricordarme che no se andava oltre 20. Dime ti se ocori un libro per sta roba.. ma adesso bisogna spiegar coi insiemi ( i fa ancora?), e po nissun se fida solo de quel che disi la maestra, meo che sia anca sul libro... ve devo dir, mi poco seguo dele elementari, go seguido più le secondarie, ma me lassa perplessa.
Se volè ve posterò el problema dele patate in matematica, livello fine elementari/scola media ( xe una parodia de come che ga cambiado el insegnamento, mi co lo go leto la prima volta morivo del rider).

Un'alternativa saria, ma la vedo irrealizzabile praticamente, che i muleti gavessi un armadieto tuto per sè dove lassar i libri a scola, e magari un postisin dove far tipo doposcola i compiti, ma ghe volessi posto, atrezzature, personal, e una scola tipo campus, con verde, zoghi, giardin.. e no me par che tute gabi. Alora i libri podessi restar principalmente nel propio armadietto a scola.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

In diverse scole xe el doposcola: in alcune se ciama "tempo pieno" e in altre "S.I.S.", quala che sia la diferenza esata no so, forsi saverà Adler o Bilbo. Qua i ciapa de magnar e i fa anche i compiti e in certe scole i ga anche atività. Le mie due nipotine che ga el S.i.s., dopo aver pranzà a scola i le porta in ricreatorio e la le fa i compiti e dopo le pol giogar o svolger qualche atività che ghe piasi.
Ciao ciao


Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Messaggio da Bilbo »

el tempo piento ga tuti i pomerigi e el sabato xe festa, e lo fa le stese maestre dela matina, andando avanti col programa.

el SIS inveze, se una roba agiuntiva, fato da altri (no le maestre dela matina) e noi va avanti col programa, i doveria magari far far i compiti, ma gnaca quel no le fa.-

e i muleti che va al sis xe anche de altre clasi e i toca tuto anche le robe che no i doveria...

per el nome sule metite, xe solo per farghe ciapar concezione dele proprie robe e de quele altrui, ai muleti...


Bye '73 de Roby.-
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

babatriestina ha scritto:. ma adesso bisogna spiegar coi insiemi ( i fa ancora?).
Te saverò dir, per adesso la ga ciolto i regoli.


refolo

scola elementare, fatti e misfatti

Messaggio da refolo »

Beta ga' ragion , con tutte ste borse piene, i doveria esser piu' intelligenti....guardavo el mio pallottolier, che al 22 de sto mese el fara' 68 anni! co lo go' mostra' a certi amici, nessun rideva, tutti ga' fatto OH!!!!!!
vecci sistemi ma per chi che conta sui diti delle man, e riporta con una picia striseta sul decimale xe da pianzer.

Maria aka refolo


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Me conterè cossa che xe sti "regoli" che no conosso :-D
( mi conossevo, ma no savevo doprar, el regolo calcolator dei ingegneri)
Per el pallottolier, i nostri no se li dopra più, ma xe quel cinese, che mi lo go visto doprar nei anni 80 sia in Cina che in Russia, tute le cassiere li gaveva e le li doprava tic-tic-tic per far i conti. Me go ciolto un e go provado a doprarlo anca mi, perchè nol xe come el palottolier nostro, el ga 2 sezioni , un con 5 perline e una con 2 perline (ognidun de sti 2 val 5 dei altri) e se ariva a far le operazioni 'ssai svelti. a dir la verità, mi me go imparado solo che le somme con sto pallottolier cinese, ma go un opuscoletto che spiega come che se lo dopra per altre operazioni. Mah, almeno a quel no ghe se scariga mai la batteria ! :-D
per i conti, mi ve confesso che, pur gavendo studiado matematica.. la machinetta me piasi e la trovo comoda, el nostro sistema, sopratutto per le divisioni, xe un metodo molto scomodo! ma se me vedè far i conti scritti, per le sottrazioni me vederè ancora riportar sui diti dela man !!! :-D


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

I regoli servi per far i insiemi, i xe de diverse misure e colori, ma no steme domandar de più perchè no so dirve altro anche se mio fio più picio (oggi 41enne) xe sta fra i primi a doprarli alle elementari quando che ga i comincià
con l'insiemistica. Qua ci vuole Bilbo.
Ciao ciao :wink: :wink:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Nona Picia ha scritto:I regoli servi per far i insiemi, i xe de diverse misure e colori, :
ah saria quele trapole de plastica cole sagome a ovali, tondi.. per disegnar i insiemi? come se no se podessi disegnarli a man?
o xe qualcossa de altro?
ciò. e dir che per quasi trenta anni go insegnado teoria degli insiemi ( me rifiuto de ciamarla insiemistica, che me par enigmistica) e no li go mai doprai! :-D :-D :-D


Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Messaggio da Bilbo »

più che per far insiemi, i vine usadi per far capir ai fioi el vario "peso" dele cifre.

oviamente i xe de color diverso e i ga anche "valori" diversi, ma me par che la picia li gabi doprai poco e solo a scola.-
Ultima modifica di Bilbo il lun 2 ott 2006, 9:01, modificato 1 volta in totale.


Bye '73 de Roby.-
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Postime un pupolo de come che xe sti regoli, che no li go mai visti!!!!!!!


Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Messaggio da Bilbo »

Betta, varda qua.

http://www.lannaronca.it/schede%20class ... ma%20p.htm

http://www.ivana.it/softdid/download/ma ... regoli.htm

forsi te rivi capir qualcosa, foto dei regoli no go.-


Bye '73 de Roby.-
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

el primo link me fa paura!!! :-D
xe la didattica attual, che per insegnar 4 robe elementari bisogna scriver e descriver come se se dovessi ciapar el premio Nobel!
eco, qualchedun la ciama la "didattica giustificativa" per dir che più che insegnar sta deventando importante scriver per dificile quel che se vol insegnar!
Mi go sempre credudo che insegnar sia render semplice el complicado, inveze qua me par che se staghi rendendo complicado el semplice.. no so, forsi anche funzionerà.. :?:


Nevada
vilegiante
vilegiante
Messaggi: 99
Iscritto il: mer 4 gen 2006, 16:35
Località: Barriera Vecchia

Messaggio da Nevada »

In tutte le scole te ga i pro e i contro, chi parla ben chi parla mal. Nella scola de Stefania a parer mio le robe và abbastanza ben, l'unica rogna xe appunto el s.i.s che vien fatto proprio nella sua classe. Pol succeder che sparisi material che i nostri pici lassa de mattina, dispetti come per esempio ribaltar savon liquido sui quaderni, e sembreria che sto anno i gabi cambià l'orario delle pulizie, cioè le vien fatte prima che vadi i muli del s.i.s de conseguenza i nostri alla mattina se ritrova la classe sporca. Ma ormai semo in quarta e anderemo avanti cussi anche in quinta.


Ciaooo Caty.-
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

a proposito de costo e peso dei libri, anche se no dele elementari.. ogi iero in una scola superior (lassemo i nomi, tanto podè imaginar e po credo che no cambi tanto de scola a scola) e fazevo repulisti in biblioteca. Ben, in giro per la scola xe pien de libri de testo, non adottai, omaggi ai insegnanti!
Le robe funziona cussì: al momento dele adozioni le Case editrici manda a casa, o a scola, o lassa de ritirar in posta, i loro testi ai professori che li vedi per decider se adottarli. Imaginemo un professor de una materia qualsiasi, in media 3 case editrici che ghe manda i sui libri, per un triennio xe tre volumi, po ghe xe adesso la guida per l'insegnante, el eserciziario per far i test ( storia, italian, tute le materie xe bone..), insomma podemo calcolar che ghe arivi in media 10 libri al anno. El prof scegli, trattien per far lezion el libro che adotta, magari un altro ghe servi per cior esercizi per i compiti.. e i altri? in teoria le Case editrici dovessi ritirarli e no le fa MAI, sempre in teoria se li dovessi inventariar nele biblioteche scolastiche, xe oviamente proibido venderli e forsi i ga paura che se se li regala nissun compra più i libri scolastici. Calcolemo 30 prof per scola, e saria 300 libri al anno, più o meno precisi: corso de storia, antologia italiana, corsi di matematica... che le scole no incamera in biblioteca dove che i ga altro de tegnir, e cussì i se remena per le sale insegnanti, armeri dei bidelli, scansie della biblioteca senza colocazion, co va ben se li ciol i supplenti o i giovini insegnanti. Tuto questo COSTA e i costi se scariga sui prezzi. Po oggi li sfogliavo, xe bellissimi libri, carta patinada, pien de fotografie, nelle intenzioni de renderli appetibili ala muleria.. ma se i doprassi carta riciclada i pesassi assai de meno!! i pesa un accidente ( digo mi che ghe ne stago spostado pile!) e fa pecà veder po el spreco.. ala fin se nissun li ciol i finirà cola carta riciclata.. almeno propio no in scovazzon.. e mi son sicura che de qualche parte sti libri podessi servir, ma temo che no se possi per no alterar el mercato dei libri de testo ( che xe in man dele case editrici che condiziona economicamente le direttive ministeriali)


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Volemo zontar un'altra ?
Perché ogi el metodo didattico prevedi che i quaderni sia pieni de tochi e tochetini de carta incolladi ? Dopo qualche settimana el quaderno xe un blocco de carta meza storta, con le pagine che sembra foie secche ....


Mal no far, paura no gaver.

Torna a “El salotin”