Astronomia (poca), astrologia e superstizion

[babatriestina]

generalmente no e no ghe credo, qualche volta buto l'ocio sul giornal se me disi qualche bela prevision, che metti de bon umor.
No posso soportar quele persone che no me conossi e che, magari solo che per tacar discorso, me domanda Di che segno sei? e co ghe digo Cancro i taca Allora sei.. e zo una serie de caratteristiche, che po la maggior parte no ga gnente de far con mi, come dominada dela luna, lunatica, fantasiosa (mi che no go nissuna fantasia e adoro la logica!).
Una sola volta me ricordo che go ridudo, gavevo ciolto un libretto del tipo Il vostro anno astrologico e no so perchè iera scritto , ma diseme voi in un oroscopo: Studiate la statistica! ben, combinazion quel anno gavevo de insegnar statistica a scola, per cui veramente gavevo per le man un libro de statistica e un collega esperto statistico che me dava consigli!

[refolo]

Infatto de Canceriani, te lo posso garantir mi' che semo, qua' in due che leggemo.
Mi son della prima sezion nella luna ti nel secondo ciclo come mio mari'
(4 Luglio).

Non fazo malattie, come ditto me piasi a studiar. A scola doperavimo el libro de Schiapparelli, un grande inventor.
Da quando, e cioe' go' visto la Hayley Comet nel 1985, me xe resta' un pocheto de question su quel che lori descrivi che nel firmamento ghe xe el mistero.

Mi so' che son fortunella al lunedi', ma dipendi el pianeta che me comanda. Oggi, VENERDI' go' Mercurio...per mi? solo che pagar debiti.

Maria aka Refolo

[Kyeldor]

Quoto Betta.....ma ogi per esempio go mal de testa, e l'oroscopo no me gaveva dito gnente....

[Kyeldor]

In qualsiasi caso, l'abbinamento astrologia-astronomia è estremamente intrigante, secondo me, dal punto di vista storico-filosofico: dal Rinascimento fino alla fine del '600 ed oltre, nonostante l'ondata di razionalismo che pervade il pensiero filosofico e scientifico, i grandi astronomi-filosofi del tempo (Tyco Brahe, Keplero, e successivamente Cartesio, Huyghens, Spinoza) a fianco dell'elaborazione razionale della struttura dell'universo non disdegnavano assolutamente fornire - a pagamento - oroscopi, soprattutto a nobili e potenti vari....

[ffdt]

A sto punto domanda de rito: quanti de noi leggi l'oroscopo ?

Per inciso, mi mai.

mi c'o i me capita soto i oci li legio ... ... legio le previxioni de tuti i segni e me tegno per bon augurio cuel che me piaxi de piu` ;-D

[rofizal]

Mi credo fermamente ai segni astrologici, per niente ai oroscopi che nianche no legio. Me diverti de più le previsioni dei vari "maghi" per el futuro, no i la intiva quasi mai, ma i xe divertenti (anche se speso apocalitici).

Comunque, in fato de previsioni, in Italia no i intiva nianche quele del tempo...

[Capuzi garbi]

Comunque, in fato de previsioni, in Italia no i intiva nianche quele del tempo...

Nianche nel stato del Victoria. Nela zona do' che stago mi po, xe tre giorni che i disi che gaveremo temporai (che tra l'altro saria 'sai bel), e no gavemo ne visto ne nianche ciapa` una joza.

[Capuzi garbi]

Eclisi solari totali dal 1921 al 1980. Ciolte dal sito dela NASA. Interesantisimo saria trovar un roba simile per i eclisi parziali, anche se credo per piantine dei parziali che volessi tantissime per mostrar la visibilita` in tuto el mondo.

[babatriestina]

MOD La mettemo in astronomia/astrologia?/MOD

[Capuzi garbi]

MOD La mettemo in astronomia/astrologia?/MOD

Si, certo. Intendevo meterlo su quel sogeto soto una testada de nome diferente, inveze go sbaglia` e go comincia` un novo.

Che namo che son

[refolo]

So' che te spizza de darme contro, tipico Lucio, ma quelle che go' postade mi' non me lo go' certamente sognade, e anche quel che sti oci ga' visto.

Cerchite anche tramite trasmission, nei archivi del Piccolo, te costera' un pocheto ma te se mettera' el cuor in pase e te dormira' piu' ben.

Maria aka Refolo

[refolo]

Te la ga' avudo e anche neve...con temperature de sotto zero!


Maria aka Refolo

[refolo]

OOOOPS....sbaglia' anche mi'

Maria aka refolo

[Capuzi garbi]

No, no la vien fora del rubineto e no xe bisogno de pagarghe la boleta all'Acegat, ma...

Go 'pena senti` sul telegiornal che i scientisti dela NASA ga scoperto prove de acqua in stato liquido sul pianeta rosso.

Se ghe xe acqua, prima o dopo i trovera` qualche forma de vita....

[babatriestina]

insoma, se sula terra qualcossa va mal , podemo sperar de trasferirse su Marte fra qualche secolo?

Riparlando de astronomia spicciola, voi quando gavè visto l'ultima volta la Via Lattea? mi ani anorum che no la vedo più col inquinamento luminoso. Una volta se la vedeva in montagna, ma adesso anche là xe luci impizzade... e se la vedeva benissimo e se vedeva le stelle come a portata de man de notte sule navi, del ponte più alto. L'anno scorso iero su una nave, accidenti a lori, sul ponte che se podeva andar, el iera tuta la note iluminado de ferai del alto, no go visto una stella!

[Nona Picia]

Mi credo che la via lattea la go vista l'ultima volta co iero mula, quindi secoli fa!

[rofizal]

Per veder la via Lattea in genere bisogna andar in un logo buio e sconto.... meio se in campagna... e meio no andar de soli....

[babatriestina]

Per veder la via Lattea in genere bisogna andar in un logo buio e sconto.... meio se in campagna... e meio no andar de soli....

Alora se pol veder anca el Paradiso !

[Capuzi garbi]

No xe dubio che ogi xe 'ssai piu` dificile veder la Via Lattea, ma almeno semo sicuri che la xe ancora la.

Mi stago quasi in campagna, epur le luci de Geelong che xe a 20km de Drysdale ga sempre un efeto sula visibilita` del ciel noturno. Se po' la luna xe visibile e piu` iluminada de un quarto, nianche no merita che meto fora el telescopio.

Comunque, noi (quei che abita nel emisfero meridional), semo fortunai che la magioranza dele stele piu` luminose le xe visibili dala nostra parte. In piu` noi vedemo anche le Nuvole Magellaniche che voi purtopo no rive` a veder.

Ogni tanto, e sempre piu` raramente, l'atmosfera se neta e calma, e i momenti de bona visibilita` ne permeti de oservar robe che de solito un no riva a veder, e alora un se senti apaga` del tempo speso al'aperto col fredo o magna` vivo dei musati.

Una roba ve poso asicurar: Varde` el ciel, oserve` le costelazioni dele stele e segui` el movimento dei pianeti: Una vita de oservazion la xe anche tropo curta per veder tuto. E se dove` andar un poco fora el centro: Beh, merita farlo

[babatriestina]

Me taco qua, per metter un per de foto de l'eclisse lunare de ieri sera. Devo dir che go fato un poco ala bona, senza trepiede, man libera, esposizion manual, e drio dele lastre.. ma dà istesso l'idea. I "veri" credoc he sia andai in Carso, con machina reflex, teleobiettivo grande, trepie.. e gaverà fato sicuro roba meo. Fortuna, perchè fin un'ora prima iera nuvolado, e po inveze al ora bona xe deventado seren
la comincia bela piena, el color dipendi anche del impostazion dei bianchi

el cono de ombra comincia in basso

ciapada a mezzo