Astronomia (poca), astrologia e superstizion

[babatriestina]

l'ombra cressi..

e semo a una falze de luna

[babatriestina]

ala fin cominciava a esser troppo scuro per fotografar, ma a ocio e col canocial se vedeva el resto dela luna, che butava sul rosso, go provado a fotografar ma xe restado poco nitido

[Nona Picia]

E brava Betta! Bel servizio!

[babatriestina]

ga fatto qualcossa Zoomy?

[nanaia]

Betta, una meraviglia!!! Personalmente me fa un'impression enorme sti fenomeni. El color rosso, po'...da brivido, altro che sfocado. Grazie, da parte de una marmotta

[Nona Picia]

ga fatto qualcossa Zoomy?

Zoomy ga solo guardado, no la ghe sembrava sufficientemente limpida, almeno de qua de noi.

[AdlerTS]

Bele foto,

te sa che xe un concorso in merito all'eclisse su http://www.guardacheluna.com/ ?

[babatriestina]

ben, no partecipo sicuro, per far bele foto ghe vol :
1-logo adatto , libero de foschia, inquinamento luminoso - e no drio i vetri de casa come mi
2- treppiede
3-teleobiettivo vero ( machina reflex con obiettivi cambiabili) o me par che esisti adattatori per telescopio

e ovviamente zata!!! (e a volte un poco de k*l!)

[refolo]

Eclisse Lunare!

Una volta tanto, in Down Under dovemo accontentarse de guardar e legger i giornai! AWESOME!

Maria aka Refolo

[cenerentola82]

Perchè meter insieme astronomia e astrologia? La prima xe scienza, la seconda xe mitologia, anzi pezo dela mitologia perchè con l'astrologia se sfruta l'insicureza e la paura del futuro e la creduloneria dele persone per fregarghe soldi...
Saria come considerar al stesso livel el mago Otelma e Rubia.
Se vedessi Margherita Hack... in genere no condivido le sue idee ma son con ela quando la se bati contro la superstizion e tute le ca..de che i ne propina anche per RAI. Una TV de stato dovessi divulgar cultura e no superstizioni medioevali.

Bele le foto.

[babatriestina]

Perchè meter insieme astronomia e astrologia? La prima xe scienza, la seconda xe mitologia, .

son dacordo con ti che adesso xe do robe del tutto separate. Però le xe nate dela stessa origine, el vardar el ciel, e fin Copernico e me par perfin Newton fazeva oroscopi..

[cenerentola82]

Perchè meter insieme astronomia e astrologia? La prima xe scienza, la seconda xe mitologia, .

son dacordo con ti che adesso xe do robe del tutto separate. Però le xe nate dela stessa origine, el vardar el ciel, e fin Copernico e me par perfin Newton fazeva oroscopi..

Però xe passado qualche secolo da Copernico e Newton. Podessimo anche adeguarse un poco ai tempi.

Bon, fe come volè.
Xe solo che me da enormemente fastidio quei che vol far passar per verità assolute ste superstizioni che alla fine solo rincoionissi la gente, sopratuto quela con cultura più limitada.

[babatriestina]

Bon, fe come volè.
.

Francamente, xe robe che no ga de far con Trieste, quindi fora dei obiettivi del forum e in salotin xe più o meno cicole ciacole. me par che gavemo za discusso propio in sto topic sul argomento ( la mia opinion la go za espressa-pag 3 ) e no me par che vali gnanca la pena de perderghe tempo. E le risposte iera cussì missiade che no se arivava a distrigar uno o l'altro argomento

[Ursus Canadiensis]

Dunque, che vedemo: L'astronomia, una scienza misurada e precisa (se dieci oservatori torno el mondo oserva un fenomeno celeste noi vien fora con dieci spiegazioni diferenti, ma con la stesa spiegazion basada su fati e no su idee a vanvera.

Astrologia una colezion dedescrizion e spiegazion de trati personali che tenta de divider la psiche umana in dodici clasi. Legermente simplicistica, basada sul "Ma se i lo fa za de tre mila ani, cpme no pol eser vero?" Xe più o meno basada sula stesa validità che la nascita dala vergine, del cespulio parlante e dei ominio che vivi otocento ani.

La spiegazion?

Se i ghe credi za de tremila ani perchè dovesi dubitarlo mi?

Gavaria tuto un volume de posts de spiegarlo, ma me limito a quel che go scrito ogi. Causa? Salute publica.

Ma giusto en passant (come che i disi i Cinesi) xe apunto la Fede imutabile in quele legende che ghe da la forza e la conclusiva ragion a quei che ciol le armi contro quei che no credi..... e l'altra Fede, quela de quei che noi credi che la giustifica de meterse i la giacheta esplosiva per cpmbater i Infedeli.

Continuemo a perpetrar la tradizion de ste verità fondamentali finche no resta l'ultimo s'ciopo per copar o fascino per impizar una pira.

E ancora una parolina: NO SON O.T. El titolo del thread xe Astronomia e Astrologia — come dir "Patate e Cemento". E mi comento sul titolo del tema scelto.

Orso

[babatriestina]

No te son OT , te xe arivado dopo el principio del discorso, che me par che a sua volta chissà come che gaveva cominciado, gavemo za discusso in principio. E no gavevo dubbi che no te ghe credessi al astrologia, come che no ghe credo mi, al massimo la trovo un passatempo, per chi che el tempo ghe vanza.
El motivo che i xe insieme no xe assolutamente per discuter el rapporto fra una scienza e una para-scienza, al stato attual dele robe, solo de meter soto el stesso titolo un per de interventi ( con nissun colegamento con Trieste) che parlava dele do robe e no se arivava a separarli.
Mi lo go ripescado solo per parlar de l'eclissi lunar, quindi osservazioni astronomiche , no diria gnanca scienza, ma fotografie. Se se pensa, una volta perfin le eclissi lunari vegniva interpretade come un mostro che magna la luna, ma po el la libera... mitologia, ovviamente!

diria però che co te disi

continuemo a perpetrar la tradizion de ste verità fondamentali finche no resta l'ultimo s'ciopo per copar o fascino per impizar una pira.

te sta andando al de là del discorso de l'astrologia, perchè no credo che nissun gabi copado per un oroscopo. Chi che vol copar o brusar trova le scuse che ghe fa comodo , ma de solito de drio xe odio, cattiveria, brama de poter, sconti drio de l'ideologia: almeno cussì la penso mi.
(PS Ursus, no sta cominciar una "contro-crociata" ti!! )

[AdlerTS]

Mi non son superstizioso (anche perché porta pegola ), però ieri, martedì 17, un camion ga ribaltado qualche quintal de SPECI lungo la grande viabilità ! Secondo mi, da ieri quell'autista xe superstizioso

[Nona Picia]

Poderìa anche darse! Con tuti i speci che el ga roto, se nol xe zà sposado, el doverà nasser altre due volte, prima de poderlo far! E po', el 17, martedì, mancassi altro che fussi stade le ore 13!

[ffdt]

mi no son superstizioxo e gnanca no credo in te l'astrologia perche` el mio ascendente in opoxizion co' 'l mio segno el me impedisi de creder in tute do robe ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D ;-D

peca` pe' i speci

[sum culex]

Poderìa anche darse! Con tuti i speci che el ga roto, se nol xe zà sposado, el doverà nasser altre due volte, prima de poderlo far! E po', el 17, martedì, mancassi altro che fussi stade le ore 13!

Perchè le ore 13 e no le cinque de sera (17), fussi stà de più in tema.

ciao
sum culex

[Bilbo]

bhe, mi abito al numero 17, apartamento 17..... diria che no son superstizione, anzi, poderia di che da quando stago qua le robe me se andade molto meio.....



se po andè in aereo, vederè che nele file dei sedili, manca el numero 13, e anche el numero 17.... come se cambiasi qualcosa....