Grazie, nona picia. Speravimo de trovar qualche fungo porcin ma inveze proprio niente. Però gavemo fato bele caminade salutari, che qua non se pol far ancora, xe tropo caldo. Oli1939.
Caro oli1939, co’ go visto le foto de Auronzo me xe vignù subito inamente feragosto del 1949 : la mia unica vacanza con papà e mama, mio fradel e mia cognada. L’unica vacanza indove che ierimo tuti insieme. No’ stame dir che iera bel perché so. Anca mi son un ciapà dei monti con aqua vizin. Solo che quela volta el lagheto aveva qualche litro de aqua de più. Co’ tornavo in Germania da Trieste fazevo squasi sempre Udin, la Mauria, el Falzarego, Brunico e Vipiteno. Dopo ciapaimo l’autostrada. El bel iera, o xe, che anca a mia moglie ghe ga piaso e ghe piasi tanto. A Vipiteno gavemo anca dormì. Me ricordo anca che nel 1961, tornando in Germania, gavemo dormì a Forni in una locanda senza merenda. Gavemo comprà due struzete de pan, parsuto crudo e una bottiglia de late. Sentai su un scoio gavemo rosigà el pan e guardà l’orizonte: monti, monti e monti. Grazie per queste bele foto.
Stavolta ierimo de passaggio, ma noi quando ierimo giovani sposi andavimo ogni anno all'albergo Panoramic e i ne fazeva dele insalate con le patate con la salatina del suo orto, indimenticabili, e mia mama ciapava sol sula spiaggia in costume, noi andavimo anche in barca. Bei tempi. Saluti, oli1939.