PENSIERINI DI UN OTUAGENARIO

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: PENSIERINI DI UN OTUAGENARIO

Messaggio da babatriestina »

xe quei che rimpianzi Tito e me par più a Trieste che in Slovenia; xe quei che disi che co iera LU iera tuto altro; xe quei che disi che ghe vol che vegni Putin o un come lui e meterà tuti in riga insoma se stava meio co se stava pezo .

E se teme disi c he ti te ga imparado a scola che te ieri Austria, e che te rimpianzi, va ben. Solo che mi che otantenne no son ma pensionada sì e riflessioni ghe ne go fate tante anche mi sti utimi anni, me go inacorto studiando storia che i mii ascendenti xe stai Austria per poco più de una generazion.
Perchè? perchè co Carlo VI e po Maria Teresa ga fato cresser Trieste no ga invitado solo austriaci, ma gente de tanti posti.. e i mii antenati furlani, dalmati, ragusei istriani ga visto rivar el Austria a casa loro solo al principio del Otocento!( se te vol - dettagli storici un per un..) e i xe andai a star a Trieste , no a Graz o a Viena! mi de parenti austriaci go un, el zio acquisido vienese Fra l'altro, nato per caso a Budapest. Per no parlar dei mii antenadi greghi, che l'Austria la vedeva solo che col passaporto.

Chi che xe discendente dei nobili triestini medievali, dei pescadori barcolani, dei contadini dei dintorni xe solo che una picola parte dei triestini che ga fato cresser la città de un buso a un a metropoli. E de quei che xe rivai, un pochi xe rivai per bon dela Carniola, dela Boemia, insoma dei territori ereditari asburgici, ma tantissimi altri no. Fazo el primo nome c he me vien in mente: Revoltella, vignù de Venezia.
Insoma se un parla al singolar tanto de capel, ma co te scrivi NOI ierimo Austria per tanti secoli te rispondo NOT IN MY NAME
se te me volevi provocar, te ga la risposta . Zonto che questo dei tanti secoli xe una propaganda portada avanti del Austria nel 1882, co i ga volutamente festeggiado i 500 anni de feudalità asburgica, e se i lo ga fato insistendo tanto xe perchè in quei anni qualcossa cominciava a no girar ben...


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

babatriestina ha scritto: Xe quei che rimpianzi Tito e me par più a Trieste che in Slovenia; xe quei che disi che co iera LU iera tuto altro; xe quei che disi che ghe vol che vegni Putin o un come lui e meterà tuti in riga insoma se stava meio co se stava pezo .
Quando che i me meti in riga xe par fucilarme. :36_1_42:

Insoma se un parla al singolar tanto de capel, ma co te scrivi NOI ierimo Austria per tanti secoli te rispondo NOT IN MY NAME
se te me volevi provocar, te ga la risposta .
Me dispiasi che te pensi che gabi volesto provocar. Lungi da me tale intento. Volevo solo contar che anca qua xe nostalgici.
Go leto el mio post e no go trovà che go scrito TUTI o NOI. Go scrito NOI NOSTALGICI. Chi che no xe nostalgico no xe conta.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: PENSIERINI DI UN OTUAGENARIO

Messaggio da babatriestina »

ah bon difati mi no son nostalgica proprio perchè penso a dove che noi non-nostalgici ierimo prima... ;-)


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Xe za squasi sera, fora comincia a far scuro e se vedi poco. Casca un poco de neve e no se sa se neviga o piovi. Tempo uggioso si direbbe forse in italiano. A quei che xe de paesi un poco più calduzi meti malinconia. Come nela canzoneta Signorinella andove che el mato che bateva broche al nord el cantava: .....e neveca, vedesse comme neveca. Se pensa ai loghi che se ga visto e che forsi no se vedarà più: ..... e le sviate immagini richiama al noto duol. Pochi ga la fortuna de tornar a casa, come quel veceto de una canzoneta sui imigrati, forsi ani trenta: ..... un vecchietto chino bacia un pugno di terra, se la morte or mi afferra felice son. No ocori esagerar. No ocori che la morte mi aferi. Fazemo anzi i corni. Ma anca a mi me piasaria tornar. No so se basaria el marciapie, quel in via Cassa de Risparmio, di fronte al bar, sula destra verso el Canal, ma prima de ‘ndar drento in bufè un baseto lo butaria listeso. Penso a Trieste, ala mia Trieste. E no importa se la xe taliana, turca o furlana. La xe mia. E tuti dovaria pensar cusì e lasar perder coi nazionalismi. Porta solo scalogna. Ve ricordè? pangermanesimo, panslavismo. Solo pantalianismo no. Zercando una etimologia penso che se ciamava pangermanesimo o panslavismo parchè i fazeva pam pam. No ga servì a gnente. Trieste ga solo do pericoli: el panslavismo (Cormons je naš) e panfurlanismo. Tignimose el nostro dialeto, no ghe fazemo mal a nisun. Trieste xe stada a contato de tanti popoli e xe logico che nel dialeto se gabi parole no taliane. Semo circondai dei slavi (sloveni e croati), dei gnochi (più Austria) e dei taliani. Gavemo calusa e ploc, smir e slaif, l’articolo determinativo de spagnol e le metatesi del francese verlan. Trieste xe taliana! Ma che importanza ga? Trieste xe nostra, de ognidun de noi, anca se pensemo in modo diverso. E che importanza ga l’etimologia del nostro dialeto? Ch’el sia talian o altro xe tuto un tubo. Una nostra forumista ga domandà se l’italian deriva dal triestin. No xe de escluder, parchè nela lingua taliana gavemo tante parole del nostro dialeto, tipo intivare, ingrumare, plocchio, ciorre. Ma basta con la malinconia. Doman, domenica, sarà forsi meio.
El tempo ogi no xe miliorà, ma mi son come el mio amico Sandrin che nele sue poesie el finiva sempre in modo positivo: augurio di più sereno dì. Bona setimana.


Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Re: PENSIERINI DI UN OTUAGENARIO

Messaggio da sono piccolo ma crescero »

Ciancele ha scritto: Doman, domenica, sarà forsi meio.
Ara ti, chi gaveria dito che tra Trieste e i loghi dove che sta Ciancele in mezo pasa la linia dela data!


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

sono piccolo ma crescero ha scritto:
Ciancele ha scritto: Doman, domenica, sarà forsi meio.
Ara ti, chi gaveria dito che tra Trieste e i loghi dove che sta Ciancele in mezo pasa la linia dela data!
Se vedi che no te son al corente, up to date! :cheezy_298:
Te ga ragion, ma go scrito ieri.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: PENSIERINI DI UN OTUAGENARIO

Messaggio da Nona Picia »

Bongiorno iazado e ventoso..... :36_11_8: :36_1_26:


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Nona Picia ha scritto: Bongiorno iazado e ventoso..... :36_11_8: :36_1_26:
Nona Picia, qua neviga e i ga paura che le strade se iazi. Drio de noi, a nord, xe le montagnole dei Tauni, circa 800 metri. Le autostrade che le taia ga code de squasi diese chilometri. E tanti incidenti. Mio fio gaveva fato i ani e el voleva 'ndar a magnar in un particolare ristorante. El ga rimandà a tempi migliori. Atmosferici, naturalmente. Mi go rimandà la visita al barbier. Gavevo l'apuntamento par ogi verso le undise. Par fortuna che cavelada longa xe de moda. ;--D


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: PENSIERINI DI UN OTUAGENARIO

Messaggio da Nona Picia »

Qua xe ancora sol, ma se vien piova....ocio de soto.....blocai in casa....


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: PENSIERINI DI UN OTUAGENARIO

Messaggio da babatriestina »

sol e bora, Ma i disi che i prossimi giorni piova o neve..


"mi credo che i scrivi sta roba per insempiar la gente" ( La Cittadella)
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: PENSIERINI DI UN OTUAGENARIO

Messaggio da Nona Picia »

Purtropo lo so....


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Bongiorno e bona domenica a tuti. Se volè saltar de pal in frasca, fazè come che fazo mi. Stamatina in cusina vardavo el sacheto de patate. Me go dito: pezatura media. Che bel saria gaver patate più pice, patate s’cinca, per meterle in forno insieme con l’osobuco. Insoma patatine. Po me go domandà: L’acresitivo de patatina? Patatona. E me go ricordà de post andove che se fazeva la diferenza tra maschile e feminile, tra diminutivo e acresitivo. Pataton o patatona ga difati un significato diverso de patata e patatina.
Domandeme se no go altri problemi. :+9:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Più vecio che divento più inteligente son. Se qualchedun scasa la testa me rabio e no lo bado più. Cosa xe suceso? Guglando son rivà ala storia de l’Europa de 20.000 avanti Cristo a 20.000 dopo Cristo. O domila, no go capì ben. Roba ‘sai interesante, in francese ma con sototitoli par talian. I ga fato veder la carta de l’Europa ai tempi de Roma e la Magna Grecia e tante altre robe. Vedendo l’impero roman me go ricordà che tempo fa iera un che voleva ripeter la storia e portar l’impero romano sui coli fatali di Roma. Po la Magna Grecia. Me go dito: Ecome che la Grecia magna, basta pensar ai boroni che i ciapa. E a mi nisba. Anca la grande Germania i ga fato veder, con mustacia de fil de fero. Po i ga fato veder anca l’impero otomano. El iera grando e potente. Anca ‘sai interesante. Qua me xe vignù un pensier, ma lo go subito scazà. Po i xe pasai subito ale migrazioni dei popoli. Intanto me go stancà e go comincià a zogar. Go pensà ala machina, usatisima, che go crompà. Mi son el sesto o setimo proprietario. Me go imaginà che un mato vegni de mi e me disi de tornarghe la machina. Mi ghe rispondo che la go pagada, ma lu me disi che lui iera el primo che la ga ciolta dela fabrica e ‘lora la xe sua. Go fato paraleli con una cità contesa. Tuti la vol. Mi me go dito: Sì, tuti la vol, ma nisun no la ciol. Co’ se parla cola gente ognidun disi che la cità xe sua. Mi go dito che prima la iera de un altro e che ‘sto altro ga scazà un altro e cusì via, fina al 20.000 avanti Cristo. Anca el nome dela gente no ga importanza, parchè i me ga contà che i primi nomi iera quei dei paroni. ‘sti mati iera stufi che ciamando Cici vignisi una zaia de gente e ‘lora i ga pensà de dar a ognidun un nome. Dopo qualche secolo i nomi iera quei dei mestieri che i fazeva. Cusì gavemo tanti Molinari, gente che lavorava in molin. Par gnoco xe Müller, in inglese Miller e par s’ciavo Mlinar. I clanfer xe par talian Fabbri, Schmied Schmidt ecc. par gnoco e Smith in inglese. Po gavemo Beviaqua e Vodopivez. No rivo capir come mai nè par gnoco né in inglese gavemo ‘sto cognome. Par gnoco xe Bierbrauer che saria birraio. In inglese Beerbrower. Un mio bisnono o trisnono se ciamava Spughe. I me ga spiegà che el suo nome vero iera Spuzafadighe, ma tropo longo e cusì Spughe. Co’ i ga mostrà le trasmigrazioni dei popoli i ga dito che quei che rivava i se misiava coi veci e che cusì no esisti un popolo veramente vecio vecio, ma solo una misianza. I ga anca scrito che un scazava l’altro. L’unico bon mato che no ga mai scazà nisun iera Adamo. Par quel el xe sta scazà. Ma come semo nati noi? Babe no iera, anzi iera solo una. E ‘lora bisogna pensar che i gabi fato tuto in familia. Un mio amico me ga dito che in quel tempo xe nata in triestin negron la famosa barzeleta dela sorela che disi qualcosa al fradel, ma no me ricordo cosa. Insoma i ga fato come i tre moschetieri: Una per tuti e tuti per una. El termine tecnico xe incesto e i disi che i incesti i xe ciompi, i spandi. ‘deso savè parchè el mondo xe cusì ciompo.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Stavo vardando el mio pasaporto, un pasaporto gnoco, e me go dito: Ciancele, che fortunon che te ga a gaver un pasaporto gnoco. Te son gnoco anca ti. Noi gnochi semo a l’avanguardia nel mondo. Voi domandarè: ciò, de cosa? No so de cosa, ma semo a l’avanguardia. Qua, par esempio, se una pratica xe in lavor, no te pol gaver informazioni parchè tuto devi restar segreto. E voi gavè copià de noi, parchè trenta ani fa mi go fato oposizion a un decreto de l’INPS e l’INPS ga mandà tuto a Roma par decider. Xe trenta ani che i studia come decider, tuto in segreto. Co’ i gavarà deciso, i me contarà subito cosa che i ga deciso. Mi go fato qua un ricorso contro la casa mutua e ‘deso i sta decidendo anca lori. Tuto in segreto. Gnente roba fufufu, ma una decision pen pensada. Durarà un poco, ma una roba fata pian xe fata ben. Qua no se come de voi, qua gavemo un uficio par ogni pratica. E sicome che semo astuti e gavemo sentì dir: Quis custodiet custodes, gavemo un altro uficio che controla se el primo uficio fa ben. Insoma, l’uficio Z controla se l’uficio W controla se l’uficio ecc. Cusì nisun no ne la fica. Qua nisun omo politico o amico mori de fame. Se inventa e se meti su un ente e ‘sta gente va a lavorar in ‘sto ente. Lavorar forsi no, parchè i xe amici. I va a cior la paga. E no i curti. Par quel inveze de una casa mutua par tuti, gavemo diese case mutue con diese consigli direttivi e teceta e teceta. Par fortuna che gavemo el governo europeo a Bruxelles, a Strasburgo, a no so indove, cusì xe tanta altra gente che ga la posibilità de sacrificarse par noi. Xe logico che i ciapi qualche robeta.
‘deso savè parchè tanta gente vien qua e i domanda el pasaporto gnoco.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: PENSIERINI DI UN OTUAGENARIO

Messaggio da Piereto »

Prima de ciapar el pasaporto gnoco i vien però a far la prova qua de noi. I vedi come che se se devi rangiar, e alora i pensa che in gnocheria xe sai meio. Deso te conto una de le lultime. I ga deciso de farne pagar el tiket sul day ospital . Semo in venti regioni e ogni region fa come che ghe par, altrimenti no fusimo italia. El FVG ga deciso de adeguarse a la magnadora general, e alora i ga introdotto el tiket. El servizio no gà cambià ma el costo si. Come al solito, un servizio xe meso in pie coi soldi de tuti, e el va avanti ani anorum,e verso le undici e tre quarti el sistema funziona ancora, ma a la mezanote no basta i schei per farlo funzionar. El sospeto xe che inveze i gà creado un altro servizio sociale per aiutar tizio o caio, e che no esendoghe i bori per farlo funzionar, i li tira fora da le nostre scarsele col tiket. E' sorto un altro frate! Brodo lungo , seguitate!


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Caro Piereto, de ani anorum paghemo 10 euro al giorno per degenza (o decenza?) in ospedal. Co' 'ndemo a far masagi altri soldi. Co' no xe più soldi, se stampa altri su carta de condoto. 'deso te sa parchè xe tante banconote false in giro. :cheezy_298:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Cari amici, erudite il pupo. De qualche tempo a 'sta parte co' vado in youtube vien una lista de tramissioni de Dino da Sandrà del consiglio regionale del veneto. Sicome che no'l xe propio filotalian devi eser qualcosa altro. Cosa?
Se la risposta pol causar barufa politica, ve prego de risponder con un mesagio privato.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: PENSIERINI DI UN OTUAGENARIO

Messaggio da babatriestina »

Ciancele ha scritto:Cari amici, erudite il pupo. De qualche tempo a 'sta parte co' vado in youtube vien una lista de tramissioni de Dino da Sandrà del consiglio regionale del veneto. Sicome che no'l xe propio filotalian devi eser qualcosa altro. Cosa?
Se la risposta pol causar barufa politica, ve prego de risponder con un mesagio privato.
che sia quei dela Liga veneta?


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: PENSIERINI DI UN OTUAGENARIO

Messaggio da Ciancele »

Nel fratempo go visto altri spot e go capì che i vol l'indipendenza. No autonomia, indipendenza. Credevo che solo la Padania fusi. Veramente no so chi che xe o iera la Padania, ma vardando in youtube go visto che tuti se vol distacar de l'Italia. Xe um movimento general o xe solo gente che ga tropo tempo?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: PENSIERINI DI UN OTUAGENARIO

Messaggio da babatriestina »

xe un sotogruppo tipo Padania. I credi che deventando indipendenti sarà tuto bubana. Ma adesso me par che più che gaverla col Italia i la ga coi imigradi. Inveze quei dela Padania o meo la Lega Nord adesso ch ei ga el naso in tel governo o spera, ghe xe passade le manie da indipendenza la sacra acqua del Po etc... Sa, tuti ghe fa comodo dir che xe colpa dei altri, me par


"mi credo che i scrivi sta roba per insempiar la gente" ( La Cittadella)

Torna a “El salotin”