Go zogà tanti ma tanti ani fa in un campo estivo speleo con quei del CAT e adesso voleria provar a ricordarme me no rivo, l'età....
Iuteme dei !!

sa che anche mi forsi go zogado de mula e no me ricordo gnente!
lo cita anche Magris nei sui libri, ma no che el pieghi come zogar!

... e mi povaro vecio veceto me toca sforzarme de ricordarme. Cotecio go zogà nel '45 e a l'Edera (1946 e 1947). Go l'impresion che el cotecio sia una specie de tresete ala riversa. Vinzi chi fa meno punti. O chi che fa capoto, che saria che fa tute le prese. Xe vero? Speremo.

Nini Naridola ga scritto nel forum:


El cotecio xe un giogo de carte tipicamente triestin. O almeno me par perchè no lo go visto zogar de nissuna altra parte.
Con un mazzo de 40. Valori: dall'Asso (6 punti), Re (5), Caval (4), Fante (3), 7, 6, 5, 4, 3, 2,
All'inizio fa da mazzier chi che ga pescò la carta più alta. Le man successive girando in senso orario (basta meterse dacordo prima). Giocatori da 2 a un massimo de 7. Le carte per ciascun zogador xe 5
Scopo xe de far meno punti possibile opur de far capoto (tutte 5 prese).L'ultima presa vale 6 punti come l'asso. Se un zogador ga fato 4 prese, l'ultima carta pol giogarla per zercar de far capoto opur pol “andar a tratto” (cioè non giogarla). De solito se parti da 4 o 5 punti ciaschedun. Alla fin de la man se conta i punti e chi che ne ga fati de più paga un punto (cioè el va a un punto in meno de quel che'l gaveva in tabela). Pol esser che se paghi in due (o in tre …) gavendo el stesso puntegio massimo. In caso de capoto, chi che lo ga fato va un punto in più e tuti i altri un punto in meno. Nel caso che el zogador (che ga za fato 4 prese), inveze de “tratar” gioga la carta e el vien “fermà” da l'aversario che'l gaveva salvà una carta più alta, alora chi lo ga fermà ga un punto in più, l'altro un punto in meno e tuti i altri inalterai.
Dimenticavo de dir che se xe obligai a risponder con lo stesso seme de quel che ga giogà per primo. Solo se no xe ga de risponder se pol giogar quel che se vol.
Quando uno, dopo esser arivà a zero in tabela pol “indotorarse” a pari punti del più basso in tabela.
Alla fine i giogadori diventa sempre meno finchè se resta in due che se zoga tuta la pulia.
Ai mii tempi un'osteria dove se zogava fisso cotecio iera quela de sior Bandelli in via Timeus (adesso xe el garage de la Standa) vizin el negozio de colori Cadel (anche quel no xe più da un poco de tempo). Vizin iera anche quel distributor de jazo in stanga. Chi se lo ricorda?

El topic sul cotecio xe qua: https://www.atrieste.eu/Forum3/viewtopi ... 06&start=4

Un'ocasion per ricordarse del caro Nini Naridola...

Mericordavo el nome ma no cossa che iera! Grazie caro Nini per avermelo ricordà tramite SPMC!