VIA DE L'OFICINA

[Ciancele]

VIA DELL’OFFICINA

Ani e anorum de mulo andavo in via de l’oficina fina ala fine a Sant’Andrea. Là iera el refetorio dela fabrica machine. No me ricordo quando che son sta l’ultima volta. Ma no credo che sia sta dopo la guera. Come che go dito tante volte, mi son ‘ndà via nel 1953. Me la ricordo streta, un per de contadini e el campo sportivo del CRDA sula sinistra. No credo che nele mie visite a Trieste sia pasà una volta par de là. Go spetà qualche volta fora in machina, ma vignivo de Campo Marzio. Tante volte me go dito che dovaria ‘ndar a vedere come se presenta adeso la via. I ga costruì in via Tigor, dele monighe fina ala via Franca? Iera posto, un giardin tra la via Terza Armata e via Tigor. Via Belosguardo devi eser ‘ncora ‘sai streta. In via Franca i gavarà forsi costruì case sula sinistra ‘ndando in zo, dove che iera campagnete e la fabrica machine. Via Santa Giustina i la ga slongada oltra la via Franca. In via Franca, canton via de l’oficina, iera carabù. Una caserma no credo, forsi un comando. No me go mai interesà. In via de l’oficina i devi gaver fato un mucio de case. Forsi anca in via Carli dopo el ricreatorio e el campo sportivo verso l’ultima casa, dove che una volta iera un’osteria e adeso nele vostre foto vedo una pizeria. De l’altra parte iera campagneta.
Son Piccolo Ma Crescerò fa sempre veder google e case. Come se fa a scarigar?
Saltando de pal in frasca, tanto se parla de case fate nove, ve conto che i ga mostrado ala television zone industriali che adeso xe senza industrie e che i ga fato case o rinovà quele esistenti. Naturalmente no pol ‘ndar ben dapertuto. Qua xe una cosideta cità ufici. Forsi ve go za parlà. De sera xe tuto morto. In giro xe solo i soliti, quei che ‘ndava a veder cosa che se podaria lumar. Adeso i se ga inacorto che xe tropi ufici svodi e i fa apartamenti. I buta anca zo case, parchè costa meno far novo che riparar roba vecia. Naturalmente costa patus e se ga bisogno dei cosideti finanziatori, che no xe sempre gnochi. Inglesi e americani. E anca arabi coi bori del patrolio. Ma se no se pol no se pol. That is the problem. Se disi anca tentar non nuoce. Ma gnente xe sta sempre tropo poco.
Go paura che se una volta vegno a Trieste gavarò bisogno de una guida.

[sono piccolo ma crescero]

No go capì cosa che te me domandi, comunque, grazie a google maps questa xe via dell'Officina, partindo da via Combi e andando in zo. L'ultima foto xe via dell'Officina come che la comincia in via Locchi.



Pur abitando de quele parti de muleto, no so se ghe son mai pasado...

[Piereto]

Per Ciancele che ne domanda, posterò in progetti de piani regolatori dell'800 come che iera via dell'officina. Per raggiunger la zona dela fabbrica macchine e dei cantieri vinindo da la città bisognava rampigarse su per el colle de Sant,Andrea. Se podeva far Via massimiliana cioè oggi Viale III armata, e po girar per via dell'officina che passava proprio rente la fabbrica macchine e rivava zo in passeggio Sant' Andrea cioe in Viale Campilelisi. Oggi inveze la finisi in Via Locchi. Le altre strade per rivar al mar scavalcando el colle iera via del LLoyd, via navali e Via San Marco. El progresso gà portado alle costruzion de le do gallerie lòa sandrinelli e quela de San Vito e cusì te podevi andar anche col tran direttamente ne la zona dei cantieri.