no.

Forsi, allora, la statua de Teti, palazzo del Lloyd in piazza Unità d'Italia?

Nini Naridola ha scritto:Forsi, allora, la statua de Teti, palazzo del Lloyd in piazza Unità d'Italia?

Un altro pupolo che forsi no sarà dificile de individuar. Dove xè sta specie de 'roson' (?).



Xè in pien centro cità. Speto i vostri interventi!
ciao
sum culex

Volessi dir in Corso, se altri no disi specificherò meio

A questa ghe rivo fin mi...

Iero convinto de ver za publicà due foto che gavevo fato, ma no trovo se e dove (epur le go trovade carigade sul sito). Mah...





Me gaveva incuriosido el palazo, perché bastanza diverso dai altri e anche perché, de quando i lo ga netà, se lo nota de più.

P.S. Me par che el Corso sia poco coverto con le foto, te ga capì sum, date una mossa.

come che vedè, i ga netado un poco el palazzo. Stile copia-rinascimento veneziano. El vero metteva tondi de marmo colorato.
Per el Corso, mi spetassi ancora che i finissi de refar un acasa in restauro in alto.
mi stago anche pensando a una zona de aggiornar, che me par che sia cambiamenti, ma ve lasso in sospeso dove..

Bravi babaTS e SPMC: xè proprio el Corso; imginavo che fussi stà facile almeno per voi!
Queste xè le mie foto de risposta e conferma. Simili a quele che xè stade messe da SPMC





Ai prossimi quiz, ciao
sum culex

eco un vero palazzo venezian a cui el nostro de pol gaver ispirado

Ogi ve propongo mi...
xe un detaglio e posso anche dir che xe de un porton. Ma dove e in che via?
perchè el xe un poco diferente dei altri, con ste conchiglie.. credo che nol sia in nissuna parte del forum, o forsi de sbriss in una..

Sti detagli cussì ingrandidi no riesso a capir dove che possi essser, opur mi no li conosso.
Speto de veder altre risposte o la tua, cussì forsi capirò se no conosso o se no capisso!
ciao
sum culex

el motivo che lo go scelto inveze de tanti altri xe le conchiglie: un motivo no tanto diffuso a Trieste... anche se semo sul mar

Ve aiuta de più?
me par che no lo gavemo in forum, no so come che me xe scampado..

No me aiuta de più!!! No son in grado de dar nissuna risposta
ciao
sumj culex

Forsi xe el porton dela casa de via Roma tra via Geppa e via Galatti?

proprio quel...

podè veder el numero..
el me ga colpido per alcune ragioni:
1 no me par che el sia ancora in forum gnanche nela pagina dei panduri
2 el xe ben neto come tuto el porton
3 le decorazioni con volute e conchiglie xe tipiche del rococò, per cui se nol xe setecentesco, el richiama ancora quel stile. I successivi xe più neoclassici.
In effetti, quel che i ciamo Teresiano nord cioè el toco de borgo Teresiano fra el Canal e la Stazion xe stado assai degradado, anche grazie prima ai negozi dei jeansinari, poi dei cinesi, dele babe per i cantoni de notte.. ma adesso i sta restaurando e el progetto pote Curto- via Trento nova etc come che i ghe disi el novo asse pedonal sta mostrando tante robette interessanti.. son andada a far quatro passi giorni fa, go za un per de foto, anche se sarò de completar co i gaverà finido largo Panfilli in giro dela cesa protestante. Zoomy, tiente pronto...

ah sì, el celestin del a prima foto.. iera el riflesso de un bus che passava soto!

babatriestina ha scritto: Zoomy, tiente pronto...

Me tignirò pronto; ma coi oci che me ritrovo fazo assai fadiga, non ostante i ociai novi.
ciao
sum culex

ma ti ormai te pol far bele foto quasi a oci serai...

babatriestina ha scritto:ma ti ormai te pol far bele foto quasi a oci serai...

GRAZIE!!!! Ma purtropo no xè proprio cussì.

Mi go ancora tre serie de pupoli fati diversi ani fà che poderia andar ben come quiz, ma temo che i sia tropo facili. Questo xè el primo.



Come al solito speto risposte. Dopo meterò i prossimi. No voio meterli contemporaneamente perchè me dà l'impression che i possi far confusion.
ciao
sum culex

no digo gnente perchè no solo el xe tacado de casa mia, ma lo go fotografado l'altroieri..