Altri quiz sul dove xè'?

[sum culex]

Sto giro xè tuto altro. Me savè dir dove che xè sta roba?
Ve meto tre foto e resto in atesa de risposte.







ciao
sum culex

[babatriestina]

la terza foto me paressi rivelatrice: no so dove che sia quel ocio, ma i palazzi me paressi i casermoni che xe al Giulia al posto dela Dreher. Go intivado?

[Nini Naridola]

Te ga proprio ragion, Infalibile! Xe i lucernai del Giulia (piramidali come el Louvre) e i casermoni xe i ufici della Region (lavori publici)

[sum culex]

Le risposte xè perfete. Ancora due foto del stesso sogeto come conferma, anche se no fussi necessario.





Visto che sè cussì bravi voio meterve , no uno, ma altri due sogeti de indovinar.
El primo penso che sia bastanza dificile, perchè pur essendo in piena cità, no sempre se lo vedi ben.
La domanda xè sempre la setssa: dove xè sta ringhiera de altana?



E questo xè el secondo; sempre in piena cità, ma completamente in un altro posto! Dove go trovà sti rilievi che sembra in coto? De questi go, in caso che no trovè subito el posto, anche una foto de aiuto, che poderò meterve in seguito.



Boni stroligamenti! Ve speto ala resa dei conti: no stè deluderme!
ciao
sum culex

[babatriestina]

el secondo me fa pensar ala zona verso Barriera...

[sum culex]

Sì, la zona xè più o meno quela, ma pensavo a una risposta un poco meno vaga.
E per el primo no me disè gnente? El palazzo sicuramente lo conossè tuti!
ciao
sum culex

[babatriestina]

Sì, la zona xè più o meno quela, ma pensavo a una risposta un poco meno vaga.

ok, me buto senza controlar xe un palazzo che no so se xe ancora via Oriani o za Piazza Garibaldi e che i lo ga de poco ripitturado, a man sinistra andando verso Viale d'Annunzio
Passo forsi stasera e ve digo se go intivado..

[sum culex]

Te ga intivado!!!! Xè Piazza Garibaldi; eco le foto de conferma.







Per el primo dei due quiz ve dago adiritura la risposta e le foto de conferma, perchè penso che sarà assai dificile che qualchedun trovi de che palazzo che se trata: Xè el palazzo dele Generali in Corso Cavour.





Go pronto un altro che penso assai dificile, ma no se sa mai. Pena che rivo ve lo meto.
ciao
sum culex

[sum culex]

No xè prprio el posto giusto, semo un poco fora argomento, perchè sta volta la domanda no xè dove xè, ma cossa xè sto mecanismo?
Meto qua, perchè no go trovà un post de quiz su cossa xè?
La foto xè fata a Trieste, ma sto afar no lo trovè più qua in cità: indovinè solo se lo conossè!! (questo xè un aiutin!)

Intanto la foto più in particolar; dopo ve meterò altre sempre più in general, fin a mostrarve proprio de cossa che se trata. Per sta 'roba' penso sopratuto a 'Sono piccolo'



ciao
um culex

[sono piccolo ma crescero]

No xè prprio el posto giusto, semo un poco fora argomento, perchè sta volta la domanda no xè dove xè, ma cossa xè sto mecanismo?
Meto qua, perchè no go trovà un post de quiz su cossa xè?
La foto xè fata a Trieste, ma sto afar no lo trovè più qua in cità: indovinè solo se lo conossè!! (questo xè un aiutin!)

Intanto la foto più in particolar; dopo ve meterò altre sempre più in general, fin a mostrarve proprio de cossa che se trata. Per sta 'roba' penso sopratuto a 'Sono piccolo'



ciao
um culex

Xe le pale de un elicotero?

[VetRitter]

giusto, la crociera con i comandi delle pale. un dei eli de la Barcolana?

[Nona Picia]

Bravo SPMC, go vinto la scomessa con mio marì....e bravo anche Vet, anche de lui me spetavo qualcossa...

[sum culex]

Savevo mi, me imaginavo che 'Sono Piccolo' gavessi indovinà e proprio per questo lo gavevo ciamà in campo. E bravo anche Vet: no savevo che te se intendessi anche de questo
E adesso ve meto le altre foto che gavevo preparà come aiuto e come conferma ala risposta.
Prima i altri particolari e dopo quele in general. Forsi a qualchedun pol interessarghe de veder sti mecanismi. Mi se el primo lo meteva un altro forumista no gavessi assolutamente capì de cossa che se tratava.









Far l'elicotero intiero iera impossibile: la folla de gente che iera atorno impediva qualunque tentativo.
ciao
sum culex

[sum culex]

Un altro quiz, anzi tre, sul simbolo de Tieste: l'alabarda.
Penso che no sarà facile individuarle, a parte la prima che no xè in centro, ma gnanche in periferia.
La seconda xè del 1928 e quela volta iera proprio periferia; ogi un poco meno.
La terza, come la prima no xè in centro, ma gnanche in periferia. La go vista per combinazion, perchè la xè bastanza sconta.

La prima



la seconda



La terza



Le foto come qualità no xè un gran che, ma la luce iera quela che iera e gnanche zercando l'ora più giusta no gavessi podù gaverla meio.
E adesso provè a divertirve: mi speto con ansia qualche tentativo da parte vostra e dopo vagliai i risultati se sentiremo per le foto de risposta.
Ve ringrazio fin d'ora per l'interessamento!
ciao
sum culex

[AdlerTS]

quela in mezo xe facile scala bonghi !

[Nini Naridola]

Beato ti che te la ga trovada "facile". Anche adesso che te me ga dito, no riesso ad individuar dove che la xe. Me par de ricordar che a l'imboco de la via Revoltella, sule due rampette semi tonde ghe xe due ovali (un de qua e un de là), sul muro de piera, ma me pareva de ricordar che iera due fasci scalpelai. Ma forsi me sbaglio: te me par tropo sicuro!

[sono piccolo ma crescero]

Complimenti a Sum culex, Adler e Nini. Quando go voia de far due passi, spesso me ciapo e vado su per scala Bonghi (306 scalini se no go sbaglià) ma mai me saria pasà per la testa . E ancora, dopo ver leto le due risposte, mi pensavo che l'alabard la fusi sula parte finale dela scala, in via dell'Eremo.

Comunque, per Nini Naridola, la foto la xe qua

https://www.atrieste.eu/Forum3/viewtopic.php?t=1749

(Tra l'altro saria de salvarla prima che imgeshack se la magni come che el se ga magnà le altre).

[babatriestina]

la prima xe quela del ITIS? la forma me corispondi el color me pareva più sbiadido..

[Nona Picia]

quela in mezo xe facile scala bonghi !

Iero sicura che te la savevi.... alla faccia de Sum!

[Nona Picia]

la prima xe quela del ITIS? la forma me corispondi el color me pareva più sbiadido..

Adesso el xe tuto restaurado....