FELIX GERMANIA

argomenti de attualità  ( ciacole de salotin: Signora mia, la ga sentido che?)
Regole del forum
Collegamenti al regolamento del forum in varie lingue ed alle norme sulla privacy. in italiano.
Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » martedì 15 maggio 2018, 9:47

Go fato marenda e go leto el giornal. In prima pagina de novo la question de l’integrazion, che funziona mal. Come mai che no i se integra. Mi gavaria una risposta, ma no i me domanda. I va a zercar robe dificili, inveze la risposta xe ‘sai semplice. No ghe interesa. Funzia anca cusì. Xe come se i me domandasi a mi parchè che no vado con quela mula. No centra Freud o gente compagna. Sic et simpliciter: La xe scalfa (bruttina). Ma mi no go alba de politica. El giornal mostra anca el pupolo de zogadori de balon de origine turca, ma che i zioga nela nazionale gnoca, che i xe ‘ndai a basarse col presidente turco. Par ghe i gabi dito: Mio presidente. Par zogar nela nazionale bisogna ‘ver un pasaporto gnoco e par gaver un pasaporto gnoco bisogna eser gnochi. Geometria: Se A = B e B = C, A = C. Insoma el presidente turco xe anca mio presidente. La m... si direbbe in buon vernacolo. E dopo i se lamenta che l’integrazion no funziona. Me ricordo a scola che una zaia de muli gaveva clanfa in gnoco (voto scarso in lingua tedesca), ma tanti de lori ga imparà el tedesco. Insoma no xe imposibile poder almeno tambascar (masticare) par gnoco. Basta voler.



Avatar utente
babatriestina
Capo postin
Capo postin
Messaggi: 34753
Iscritto il: domenica 25 dicembre 2005, 19:29
Località: Trieste, Borgo Teresiano

Re: FELIX GERMANIA

Messaggio da babatriestina » martedì 15 maggio 2018, 10:24

sa, mi diria che no i se integra perché se vedi che no ghe convien integrarse. O se te preferissi, no ghe ocori. Qua in Europa semo tuti generosi, le minoranze el integrazione, el assimilazion, el rispeto dele diferenze... una reazion a quel che iera prima dela seconda guera. E se i li tien in Germania anche se no i se integra, vol dir che ai gnochi i Gastarbeiter ghe fa comodo istesso...


"mi credo che i scrivi sta roba per insempiar la gente" ( La Cittadella)

Piereto
eximio
eximio
Messaggi: 1828
Iscritto il: venerdì 24 settembre 2010, 19:38

Re: FELIX GERMANIA

Messaggio da Piereto » lunedì 21 maggio 2018, 15:59

Poveri gnochi, domani a Erdogan ghe gira i bacoli e el fa un fiscio e comincia una carneficina. Sicome la germania xe la locomotiva de Europa, cioè xe el stato guida de la unione. e se la va in crisi se disfa tuto el castel caro a Junker e compagni de bruxelles, e po a rioda segui el tracollo de Macron con i milioni de beduini in rivolta che gravita su Parigi. Speremo che no sucedi.



Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » mercoledì 31 ottobre 2018, 19:45

No se finisi mai de imparar. Ogi go imparà che la categoria dei veci no esisti. La xe stada sostituida de do altre categorie. Veci giovini, che saria quei che no i xe tanto veci ma che per mancanza de interesi i xe più veci dei veci. Giovini veci, che saria veci, e anca veci veceti, ancora in gamba e che par questo i par più giovini de quel che i xe. A mi, par esempio, sensa baston e sentà i me dà quindise ani de meno. Co’ l’otavo in man anca vinti.
Par cosa ve conto? Parchè ogi go imparado che i cosideti malani de l’età no conta, parchè la degenerazion xe normale e ‘lora no xe malatia. Solo par la mutua xe malatia, parchè la mutua devi dar i aiuti a ‘sta gente.
Insoma el vecio che zota no’l xe malà, el xe normale, parchè tuti i veci zota. Chi prima e chi dopo.



Piereto
eximio
eximio
Messaggi: 1828
Iscritto il: venerdì 24 settembre 2010, 19:38

Re: FELIX GERMANIA

Messaggio da Piereto » giovedì 1 novembre 2018, 8:45

ti si che te son par el giusto.



Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » giovedì 1 novembre 2018, 17:42

Piereto ha scritto:
giovedì 1 novembre 2018, 8:45
ti si che te son par el giusto.
Son solo un pochetin rabià, parchè tuto va secondo la lege, ma la lege xe fata de gente che no ga alba, che no ga mai provà veri malani.
Par esempio, dopo el cancro al peto e sensa una o do tete, la dona xe sana. No la ga più cancro. Anca i amputai xe sani. La gamba la xe via e no la fa più mal. I amputai se movi con la carozela e cusì i xe mobili. I fa parfina gare cole carozele e i va ale olimpiadi. E dopo i se lamenta. Ma la lege li meti a posto. :evil:



Avatar utente
babatriestina
Capo postin
Capo postin
Messaggi: 34753
Iscritto il: domenica 25 dicembre 2005, 19:29
Località: Trieste, Borgo Teresiano

Re: FELIX GERMANIA

Messaggio da babatriestina » giovedì 1 novembre 2018, 18:49

in Germania... qua se i te cava mezo peto e te sta ben te son sempre portatore asintomatico de cancro


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » giovedì 1 novembre 2018, 19:18

babatriestina ha scritto:
giovedì 1 novembre 2018, 18:49
in Germania... qua se i te cava mezo peto e te sta ben te son sempre portatore asintomatico de cancro.
I disi che se dopo 5 ani no se ga ricadute, che saria che el peto operà no ga ricadute, no dovaria vignir più gnente. In tantissimi casi xe vero. Ma no sempre. Iera una dona che la ga vu una ricaduta dopo 20 ani. Relativamente giovine. Sui 40/50 ani. Altre done dopo 10/15 ani. In altri casi el tumor vien in altri loghi e no xe più ricaduta. Ma, come che te disi ti, le done xe portatrici asintomatiche. Se le ga fortuna, ghe va ben, se le ga pegola ghe va mal. Ma sicura no xe nisuna. Cusì i me ga dito e se legi. Che el tumor torni nel peto o in altri loghi, cosa conta. Tumor xe tumor.
Ma el problema no xe el tumor. El xe via e no'l pol far più mal. Ma se ga la chemoterapia, l'operazion, i ragi dopo l'operazion. Tante volte i taia anca i nodi linfatici e viene edemi. Ani e anorum de masagi. Bisogna cior pirole e vien i efeti colaterali dele pirole, che i dà tanti altri disturbi. Qualche volta, purtropo no sempre, i fa diferenza tra l'operazion e le conseguenze de l'operazion.
Ma semo OT. El problema xe che malani in età xe normali. I malani forsi sì, ma chi che ga fato 'ste legi ....



Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » giovedì 1 novembre 2018, 19:56

Qua xe stade le elezioni politiche in Baviera e in Assia. I grosi partiti, democrazia e socialismo, ga perso. Ga vinto i verdi, un novo partito del centro e la cosideta destra. Baviera e Assia xe due regioni diverse. In Baviera la CSU (cristiano sociali) ga sempre vu la magioranza e no iera problemi. Stavolta i ga solo el 30 percento e i studia de far una coalizion con un partito del centro che ga squasi 20 percento. I socialisti ga poco, ma per la Baviera xe assai, pensando che i cristiano-sociali rivava sempre al 60/70 percento. Chi che ga ciapà tanti volti, forsi tropi i disi, xe el partito de destra. Ma mi me ricordo che a Trieste tanti ga votà per i indipendentisti e in Italia tanti, ma tanti, MSI. Iera protesta. A livelo comunale o regionale se pol protestar, ma a livelo senato bisognaria star atenti.
In Assia la democrazia e i socialisti ga perso un diese percento. Diese percento de cento. Rispeto a quel che i gaveva prima, la democrazia ga perso circa un 25 percento (da 40 a 30 percento) e i socialisti un 30 percento (da 30 a 20 percento). I verdi ga squasi radopià e adeso i ga 20 percento. La volta scorsa i ga fato la coalizion con la democrazia (40 + 11 percento). Sta volta no i se pronuncia. I sta studiando anca una coalizion de tre partiti (verdi, socialisti e liberali), dove che forsi i podaria meter el presidente. Questo no saria tanto probabile in una coalizion con la democrazia che ga un 50 percento de più voti (30 contro 20). A livelo regionale no xe tanto importante. L’unica roba che disturba xe la seconda camera che xe formada de gente dele regioni. Dunque: Per la prima camera xe le elezioni politiche e per la seconda camera le elezioni dei stati federali. Sicome che a l’est la sinistra xe forte, anca la seconda camera ga più deputati de sinistra. La stesa roba xe con la destra, dove che la destra xe forte.
Se tuti i partiti guarda con chi far el governo, i xe tanto ciapai (indaffarati) che no i ga tempo de far qualcosa par la gente. I ga paura che fazendo qualcosa i perdi voti. Chi che no fa gnente no sbalia. :clapping_213:



Avatar utente
babatriestina
Capo postin
Capo postin
Messaggi: 34753
Iscritto il: domenica 25 dicembre 2005, 19:29
Località: Trieste, Borgo Teresiano

Re: FELIX GERMANIA

Messaggio da babatriestina » giovedì 1 novembre 2018, 20:00

Ciancele ha scritto:
giovedì 1 novembre 2018, 19:18
Ma, come che te disi ti, le done xe portatrici asintomatiche. Se le ga fortuna, ghe va ben, se le ga pegola ghe va mal. Ma sicura no xe nisuna. Cusì i me ga dito e se legi. Che el tumor torni nel peto o in altri loghi, cosa conta. Tumor xe tumor.
no val soloc he per le babe xe er tuti. Se ciama codice 048, me par . Qua in Italia le medizine de chi ch ega sto codice, per i esami e le medicine relative, xe a gratis.Ma ga apena contado un che i ghe lo ga dado per un melanoma.


"mi credo che i scrivi sta roba per insempiar la gente" ( La Cittadella)

Avatar utente
babatriestina
Capo postin
Capo postin
Messaggi: 34753
Iscritto il: domenica 25 dicembre 2005, 19:29
Località: Trieste, Borgo Teresiano

Re: FELIX GERMANIA

Messaggio da babatriestina » giovedì 1 novembre 2018, 20:03

Qua se legi che la Merkel ale prossime elezioni no se candida più. Una generazion che passa.. e no so come che sarà i novi. Anche i nostri par che governi pensando ale prosime elezioni.. europee per cominciar...


"mi credo che i scrivi sta roba per insempiar la gente" ( La Cittadella)

Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » venerdì 2 novembre 2018, 7:31

babatriestina ha scritto:
giovedì 1 novembre 2018, 20:03
Qua se legi che la Merkel ale prossime elezioni no se candida più. Una generazion che passa.. e no so come che sarà i novi. Anche i nostri par che governi pensando ale prosime elezioni.. europee per cominciar...
No la xe tanto benvoluda come che la disi ela. La ga silurà tuti quei che ghe taiava la strada. Anca Merz, el novo, sedise (16) ani fa. Chi la fa l'aspetti.



Ciancele
no montar in scagno
no montar in scagno
Messaggi: 3802
Iscritto il: giovedì 28 luglio 2011, 22:30

Re: FELIX GERMANIA

Messaggio da Ciancele » domenica 4 novembre 2018, 18:39

babatriestina ha scritto:
giovedì 1 novembre 2018, 20:03
Qua se legi che la Merkel ale prossime elezioni no se candida più. Una generazion che passa.. e no so come che sarà i novi. Anche i nostri par che governi pensando ale prosime elezioni.. europee per cominciar...
Un per de giorni fa i ga dado ala television cabaret. Xe gente che ciol in giro tuti, specialmente i politici. Tuti xe contenti de Trump e no i vol ch'el vadi via. E adeso andarà via la Merkel. I ga dito che "lascia un vuoto". I sta studiando qual. E i ga dito: Siamo vicini al marito ... Chi che xe cativo, come mi par esempio, pensa la frase a modo suo. Ma tuti in sala devi gaver pensà come mi parchè i ga batù le man.



Rispondi

Torna a “Atualità non triestine”