Piazza Grande, ieri

AdlerTS · Messaggio da **AdlerTS** » ven 17 feb 2006, 16:45

Uno scatto strano:

non xe più el giardin, quindi dopo el Ribalton, ma xe ancora la coriera in mezo ala piaza.

Immagine

babatriestina · Messaggio da **babatriestina** » ven 17 feb 2006, 17:22

El giardin xe stado cavado nel 1919, ma le sine del tram xe restade fra le due parti della piazza e le xe stade cavade nel 1938, co i ga cavado la fontana dei Continenti ( Piccolo, gennaio 1939) in occasion dela visita de Mussolini.
Nel 26 i gaveva scavado sotto e se vedeva le fondamenta de tuto quel che xe sotto, el Teatro San Pietro, la Cesa San Pietro, la Locanda grande, le torri medievali, le carceri, i moli del Mandracchio.. i gaveva pensado de lassarle in vista o almeno segnar in piera dove che iera, po i ga coverto tuto, insoma, no podemo gnanca dir che la copertura iera centenaria..
Tuto questo, legendo sti giorni un libro: Scrinari-Furlan-Favetta Piazza Unità d'Italia a Trieste ed B & MM 1990
La piazza nel 1916 xe stada intitolada a Francesco Giuseppe e dopo la guerra per un certo tempo Piazza dell'Indipendenza ( questa per mi xe nova)

AdlerTS · Messaggio da **AdlerTS** » sab 25 feb 2006, 11:03

babatriestina ha scritto: La piazza nel 1916 xe stada intitolada a Francesco Giuseppe

AdlerTS · Messaggio da **AdlerTS** » ven 1 dic 2006, 22:20

Go trovado do foto de un strano "monumento" in piaza grande, con una meza dozzina de ferai.

AdlerTS · Messaggio da **AdlerTS** » ven 1 dic 2006, 22:21

Qua se vedi mejo: per mi xe una novità

babatriestina · Messaggio da **babatriestina** » ven 1 dic 2006, 22:29

AdlerTS ha scritto:Go trovado do foto de un strano "monumento" in piaza grande, con una meza dozzina de ferai.

credo sia appunto un feral monumental, lo gavevo intravisto anche mi in zerte foto, ma no cussì ciaro.

AdlerTS · Messaggio da **AdlerTS** » ven 1 dic 2006, 22:41

Dedicado a chi ? Messo quando ? Cavado quando ?

AdlerTS · Messaggio da **AdlerTS** » mar 12 dic 2006, 21:58

L'impagabile Mario me manda una cartolina dove el strano feral xe adiritura a destra e sinistra della fontana.

babatriestina · Messaggio da **babatriestina** » mar 12 dic 2006, 22:00

Questa cartolina ga un'altra roba de interessante, se vedi come che iera el primo edificio della Luogotenenza!

AdlerTS · Messaggio da **AdlerTS** » mar 12 dic 2006, 22:00

Anche qua se vedi due ...

babatriestina · Messaggio da **babatriestina** » mar 12 dic 2006, 22:01

qua po nel giardinetto iera la giostra!

AdlerTS · Messaggio da **AdlerTS** » mar 12 dic 2006, 22:02

Po el me zonta:

no xè niente de particolare, probabilmente la piaza iera scura (i speci iera sai frequentai !!!) e i gà deciso de meter dò ferai in più ( a gas), anche sul canton del Palazo del Lloyd i gaveva meso "ferai rinforzai".

AdlerTS · Messaggio da **AdlerTS** » mar 12 dic 2006, 22:03

Sempre lù:

Quando che i gà tacà la corente eletrica (inaugurazion a Trieste el 3 novembre 1898) poco dopo la xè rivada anche in Piaza Granda e i gà trasformà i ferai "pici" cole lampadine (i li gà alineai coi dò grandi) e drio man anca i dò "monumenti" (cavandoghe un pochi de brazi e lasandoghe un solo).
Durante i funerai de Franz Ferdinand (la foto la gò scarigada de qualche forum ...) i ferai i xè ancora (in mezo ala piaza) ma no xè più l'ambaradan che iera intorno, (se vedi che intrigava o che no iera sai bel de veder).

babatriestina · Messaggio da **babatriestina** » mar 12 dic 2006, 22:07

Scuseme una proposta: ma ste cartoline de Piazza Grande, no ve par che stassi meo in Quartieri e rioni o in Cartoline de Trieste? xe vero che le xe storiche, ma el topic mi lo immaginavo de storia, più che de particolari del arredo urbano della piazza nel tempo. Cossa disè?

AdlerTS · Messaggio da **AdlerTS** » mer 13 dic 2006, 12:35

Wie du willst ....

AdlerTS · Messaggio da **AdlerTS** » gio 4 gen 2007, 21:40

Tornando ai particolari ferai de piazza Grande, co trovado una foto che se vedi che i jera za ai tempi del municipio vecio.

AdlerTS · Messaggio da **AdlerTS** » ven 13 apr 2007, 13:01

Poco tempo fa su ebay i vendeva una litografia del Die Beleuchtung in Triest zu Ehren der Anwesenheit des Kaisers Franz Joseph
Un dettaglio, un poco sfogado, delle luci in piazza grande:

babatriestina · Messaggio da **babatriestina** » mar 17 apr 2007, 21:31

Questa xe Piazza Grande, ieri. Ma.. l'altroieri??
la Piazza Grande iera un rettangolo più o meno compreso fra dove che oggi xe el Municipio, palazzo Pitteri, palazzo Modello e del lato parallelo al municipio la iera serada de edifici. Dela piazza medieval, rinascimental, seicentesca no xe restado gnente, dela piazza settecentesca xe palazzo Pitteri, Carlo Vi e la Fontana dei continenti, che quindi iera là prima che i fazi el atual Municipio-palazzo Cheba.
Al posto del Municipio, un volto e un palazzetto , al posto de palazzo Stratti e Palazzo Modello, la cesetta gotica de san Pietro ( quela che el roson xe finido a Barcola ) e el teatro San Pietro, che iera in origine sede del Consiglio Comunal, rinascimental-barocco, del lato al mar la Locanda grande, la Torre del Porto verso el Mandracchio e le carceri.
e de quela parte iera prima el primo palazzo comunal e el castel Amarina.
Nel Settecento, soto dela statua de Carlo Vi iera ingrumai tuti i resti de statue, lapidi.. una specie de lapidario in piazza.

babatriestina · Messaggio da **babatriestina** » gio 26 apr 2007, 13:59

questa xe una foto che go fato in Piazza, che zerca de ricostituir l'ambiente come che la iera nel settecento. Adestra dovè imaginar edifici che sera la piazza e soto de Carlo VI la colezion de piere antiche

AdlerTS · Messaggio da **AdlerTS** » mar 1 mag 2007, 22:00

Sul basamento della colonna se dovessi legger l'epigrafe:

CAROLO SEXTO
ROM. IMP. ET HISP. REGI
BELLO AC PACE
INTER MAGNOS MAXIMO
TURCARUM TRIUMPHATORI
CONSTANTIA ET FORTITUDINE UNIVERSI ORBIS CHRISTIANI
TRANQUILLITATE FIRMATA
RESTITUTO MARI AC TERRA
AUCTOQUE
SUIS POPULIS UNDIQUE COMMERCIO
URBEM HANC FIDELISSIMAM
INVISENTI
SEN. POPULIQUE TERGESTINI
MONUMENTUM MDCCXXVIII

Personalmente non la go mai notada