AdlerTS ha scritto:babatriestina ha scritto:ma ve rendè conto ?? condannar al impiccagion per diserzion in tempo de pase,
Purtroppo noi ragionemo sempre coi oci del XX e XXi secolo: nell'800 la diserzion, pur in tempo de pase, valeva la morte. Ne par strano, ma jera cussì.
Iera cussì in Austria Ungheria.
Ma no dapertutto. In Francia za
Luigi XVI nel 1776 gaveva abolido la pena de morte per i disertori, e senza distinguer fra pase e guerra. Cadena e palla al piede, magari, ma no morte. (
http://fr.wikipedia.org/wiki/D%C3%A9sertion, in francese) Un secolo prima de Oberdan.
E el passo de Beccaria cotro la pena de morte che go citado iera anche de un secolo prima.
Mi capisso la diserzion in tempo de guera pol esser pericolosa e in tempo de guerra no se ga el tempo de far processi cola calma e quindi se pol aver conseguenza gravi e immediate. ma in tempo de pase me par un regime militar.
ma per mi xe la concezion de monarchia e lesa maestà che sotto. Ai tempi dei imperatori romani, che dopo Giulio Cesare se gaveva pian pianin fatto assimilar a divinità, el delitto de lesa maestà portava alla morte. El Cristianesimo gavessi dovudo limitar, ma visto che el xe stado fatto proprio dei imperatori e po dei re, mancar de rispetto a l re e imperator iera delitto gravissimo e de punir cola morte. e cussì xe stado nel feudalesimo, nelle monarchie assolute... e po col Illuminismo, la Rivoluzion francese, qualcossa ga cambiado : i re no iera solo che unti dal Signore e rappresentanti de Dio in terra, ma diventava re come Napoleone "per la grazia di Dio e la Costituzione" e se no me sbaglio Vittorio Emanuele Ii iera re "per volontà di Dio e per volere della Nazione". e credo che una concezion simile iera anche nella monarchia inglese, per cui un'offesa nei loro confronti no iera quasi come un'offesa a Dio.
Guardemo el caso della Regina Vittoria la ga subito una serie de attentati, e no solo progettai, solo che i ga sbagliado mira:
http://en.wikipedia.org/wiki/Victoria_o ... ed_Kingdom
1840 tentativo de assassinio, una persona ghe tira addosso, sbagliandola: alto tradimento, assolto per pazzia.
1842: altro tentativo, altro tiro de pistola, sentenza de morte, trasformada in deportazion a vita.
ancora 1842 altro tentativo, e de conseguenza 18 mesi de preson
1849 altro che ghe tira alla regina: massimo della pena. 7 anni de deportazion
1850 un altro assali la regina altri 7 anni de deportazion
1887 Jubilee plot (
http://en.wikipedia.org/wiki/Jubilee_Plot)
un indiziato lassado scampar e morto in esilio
Insomma, nissun xe stado condannado a morte per aver attentado alla vita della regina.
In Francia xe el caso de Felice Orsini:
1858 el suo attentato ga copado
8 persone e
156 feriti, el xe stado ghigliottinado, ma se sa che Napoleone III gavessi voludo far grazia, nol la ga fatta sotto la pression de l'opinion pubblica. ma i giornai , dopo la pubblicazion della sua lettera "Sino a che l'Italia non sarà indipendente, la tranquillità dell'Europa e quella Vostra non saranno che una chimera. Vostra Maestà non respinga il voto supremo d'un patriota sulla via del patibolo: liberi la mia patria e le benedizioni di 25 milioni di cittadini la seguiranno dovunque e per sempre”" lo ga presentado come un eroe.
Insomma, nelle monarchie dove che el monarca no iera visto come rappresentante de Dio in terra, el attentato contro el re no iera visto come un sacrilegio de punir nel peggior dei modi .
magari un'altra volta inveze comentemo l'apologia del tirannicidio nella storia..