Opicina ?

[klanfa 61]

Ciao a tutti,
go trova sta foto su internet, e gavesi piazer se qualchedun de voi savesi dirme dove che se sto posto. La didascalia diseva " Opicina"...boh
Grazie a tutti.
ciao.

[Nini Naridola]

Sì, ga aria de Opicina, via Hermada, via Carsia? Caratteristici della zona i muretti de cinta coi pilastrini. Ma no saveria individuar quella villa.

[Ciancele]

Caro amico Klanfa 61, no sta sperar che mi te posi dir dove che xe stada fata la foto. Sta foto ga setanta ani fa e in setanta ani pol cambiar ‘sai e tuto. Mi son del 27 e son forsi uno dei pochi restai che setanta ani fa girava a pie pa’ le alte. Negativo xe che no stago più a Trieste del 1953 e vegno solo una volta a l’ano per tre giorni a bever cafè e a farme taiar i cavei. Go sempre dormì a Opcina. Qualche ano fa anca mia molie xe ‘ndada dela paruchiera. La go portada là e go parchegià la machina dove che go trovà posto. El posto somigliava a quel dela foto. Dove? Penso vizin al cimitero. Se te vien del confine te giri a destra. A sinistra xe la paruchiera e di fronte una betola. Vizin xe anca un negozio de feramenta. Ma mi go fato tante volte la strada del Teran e anca là go visto mureti compagni. Pol darse però che Opcina sia più justo parchè tra el 28 april e el 2 magio i se ga scombatù a Opcina tra gnochi e partigiani. I disi però che iera più in direzion de Bane. Ma no sta disperar. Gavemo putele e putei che va speso in giro co’la machina fotografica e pol darse che i sapi qualche roba de più e de più preciso.

[Zigolo]

Podarìa anca esser Trebiciano. Se xe indove che penso mi, el muro che se vedi a sinistra xe ancora cussì, quel de destra - se el xe ancora - el xe coverto de edera.

Dovessi veder la casa, che no go presente; magari domani fazo un salto.

[klanfa 61]

Ooooh...grazie...si savevo che trovar el posto giusto saria sta sai dificile, perché coi ani le robe le cambia, ma intanto comincerò a zercar anche mi da ste parti, forsi gaverò fortuna...

Grazie a:

nini
ciancele
zigolo

[AdlerTS]

Me rcordavo che za la zercavimo

https://www.atrieste.eu/Forum3/viewtopic ... ica#p25400

[Zigolo]

Sì, dopo son passà ma no me bati: almeno dove che pensavo mi, a Trebiciano, no xe.