TURCHIA

[Corsaro]

è permesso in tutti gli stati avere la doppia cittadinanza? come funziona se uno ha un passaporto EU ed uno non-EU?

Perchè te scrito in talian?

[babatriestina]

è permesso in tutti gli stati avere la doppia cittadinanza? come funziona se uno ha un passaporto EU ed uno non-EU?

Perchè te scrito in talian?

go scrito in lingua a un che gaveva messo un post in lingua

[Piereto]

Volevo ricordarghe a Ciancele che anche ne la mula de Parenzo se fa rimento a una ragazza di riseva " la mula vecia la tenio de riserva quando che spunta l'erba."
Circa el passaporto xe l'unico documento ufficiale per andar in un paese , e col quale mediante un timbro per l'entrata se certifica la presenza. Alle volte al passaporto ghe ocori un visto a pagamento e de solito se pol star in un paese per sie mesi. Dopo di che se un va oltre el termine , ad un controllo de la polizia, che qua de noi no savemo cosa che xe, se vien ciapadi e butadi fora dal paese. Xe per questo che i sedicenti profughi economici no ga passaporto. Nei paesi che iera stadi coinvolti in una guerra po l'ONU una volta emetteva un passaporto internazionale, un modo de agir che nisun all'ONU vol de novo tirar fora. Anche per ste robe mi digo sempre che l'ONU fa davvero sai poco e xe el solito organismo che assicura stipendi.

[Corsaro]

è permesso in tutti gli stati avere la doppia cittadinanza? come funziona se uno ha un passaporto EU ed uno non-EU?

Perchè te scrito in talian?

go scrito in lingua a un che gaveva messo un post in lingua

L'è trop bel el post in lingua

[Ciancele]

Ogi xe el 20 de lulio. I più veci de noi no i pol no ricordarse del 20 lulio 1944 e l’atentato a Dolfo. Sicome che no iera posibile far nove elezioni par scazarlo, i ga zercà un’altra maniera. Tuti sa come che la xe ‘ndada. I più veci xe ricorda forsi anca dele pulizie in Rusia. I rusi xe neti e par quel i netava tuto.
No so se gavè leto che in Turchia xe sta arestà un gnoco, un de quei dei diriti umani. Tuti protesta. Cosa scrivi i giornai in Italia?
So che xe bruto far confronti, ma per asociazione di idee penso al 20 luglio 1944 e ale pulizie fate dopo. Naturalmente i turchi no fa pulizie, ma saria bel saver parchè che’l ga fato arestar el gnoco savendo che in Germania i se rabia. Za che se se domanda, se podaria anca domandarse cosa che xe ‘ndà a far là el gnoco savendo che la Turchia se rabia. Probabilmente i conoseva la canzoneta No t’arabiare la vita è breve ...

[babatriestina]

iera la notizia un per de giorni fa del goco arestado. In Turchia no i se fa rguardi, i ga arestado tant de lori, un più un meno... imagino che no i possi protestar tropo perchè el mato ne ricatta Se no fe come che voio mi, mi ve mando tuti i profughi/migranti che go in Turchia...

[Ciancele]

Iera la notizia un per de giorni fa del gnoco arestado. In Turchia no i se fa riguardi, i ga arestado tant de lori, un più un meno... imagino che no i possi protestar tropo perchè el mato ne ricata. Se no fe come che voio mi, mi ve mando tuti i profughi/migranti che go in Turchia...

Sì, difati, el pol far cusì. Nele mie lezioni private de latin gavevo imparà aut aut, tertium non datur. Par Triestin: O bori o profughi. Una altra posibilità no'l ga. El problema xe naturalmente sempre un altro. Lu gavarà sempre bori pal cafè o par una de porzina de quel che savemo. O almeno che mi so. Sarà i ialtri a no gaver bori. Gnente cafè, gnente porzina. Che i se tachi (si arrangino). Cosa me interesa mi dei ialtri.

[Piereto]

par che la merkel se gà finalmente scocià, e no la ghe dia più le armi al sultano de stambul, daltro canto se el vol ripristinar la pena de morte el xe fora de l'europa, e no so quanto che el durerà ancora ne la Nato.

[Ciancele]

Par che la merkel se gà finalmente scocià, e no la ghe dia più le armi al sultano de stambul, daltro canto se el vol ripristinar la pena de morte el xe fora de l'europa, e no so quanto che el durerà ancora ne la Nato.

Piereto, te sa come che xe la vita. Qua i tira continuamente fora la spada, ma i la meti de novo drento. Xe come i colombi. Nisun no ghe fa gnente e cusì no i ga paura, gnanca quando che te zighi. No se vol taiar ogni raporto e ciamar indrio l'ambasiator. E 'lora se va avanti cusì. Un giorno o l'altro i se troverà e i contarà che i iera sempre amizi, che no xe vero che i se ga patufà e che la colpa iera dei giornai che contava bale. Qualchedun devi 'ver sempre la colpa.
Te aguro una bona domenica. Mi son Cincinato (no deriva de cincinarse, ma devi eser stado un con un orto par el radiceto) e devo 'ndar in giardin a ingrumar pomi.

[sono piccolo ma crescero]

par che la merkel se gà finalmente scocià, e no la ghe dia più le armi al sultano de stambul, daltro canto se el vol ripristinar la pena de morte el xe fora de l'europa, e no so quanto che el durerà ancora ne la Nato.

A parte i migranti te devi tignir conto che la Turchia controla un dei due accessi che ga la Russia al Mediterraneo, l'altro xe controlado dai Inglesi, e questo gaveva (e forsi ga e gaverà ancora) una importanza notevole. E lui se aprofita...

[Ciancele]

..... A parte i migranti te devi tignir conto che la Turchia controla un dei due accessi che ga la Russia al Mediterraneo, l'altro xe controlado dai Inglesi, e questo gaveva (e forsi ga e gaverà ancora) una importanza notevole. E lui se aprofita...

A condizioni normali te podaria gaver ragion. Mi penso però che se el ruso veramente vol, el ciapa la Turchia in do e do quatro. Ai Dardaneli bisognaria butar tuti i scoi de Barcola e i rusi dovaria netar tuto prima de rivar nel Mediteraneo. Butar scoi a Gibiltera no convien, parchè dopo el pasagio xe serà par tuti. Se pol spetar che le barche ruse fazi el giro e ghe vol. Se podaria romper con la Turchia. No credo che el paese sia tanto importate de rovinar el mondo. L'unica roba che i pol rovinar xe se stesi. La merce che principalmente i esporta xe la disocupazion. Se el mato no pol più esportar è defecato. I ga un taso de fecondità de 2,1. No so cosa che voli dir, ma un fato xe che i xe batui de fioi e la popolazion cresi sempre più. E tuti vol magnar, anca i pici.

[Piereto]

Probabilmente sarà i USA a tinir i turchi inte la Nato perchè se no i perdi la base aerea che i ga la, mentre i russi ga za una navale in Siria. Credo che anche sta volta per i curdi sarà dificile l'indipendenza, Xe ogni volta una altra nazion che ghe metti i bastoni fra le rode. I Turchi za zento ani fa contro i curdi e armeni che xe confinanti. Inglesi e francesi che no voleva un novo stato. Ancora ogi i curdi rompi, e Erdogan no riconosi nisun genocidio. Anche Stalin co gaveva fato i confini la gaveva coi armeni, e coi curdi con l'Azerbaigian. Xe che el curdistan xe un territorio che sta dentro el confin de 4 stati. 3 stati musulmani e un cristian el armen. Insoma una polveriera come in tei balcani co xe stada fata l 'Albania. Sadam l'iraken, gaveva molà el gas nervino sui curdi del suo territorio. Comunque no xe solo el islam che vol andar da sempre alla conquista dell'occidente, ma anche la massa tettonica dell'anatolia la punta contro la Grecia e per quel xe tanti e tanti terremoti, come l'utimo de Kos, e anche qua xe la penisola araba che sburta contro l'Asia ( cioè l' Iran: i soliti sciti contro i sunniti o viceversa).

[Ciancele]

Probabilmente sarà i USA a tignir i turchi inte la Nato perchè se no i perdi la base aerea che i ga la, mentre i russi ga za una navale in Siria. ......

Go leto sul giornale che Titina stava male. Dipendi de che giornal che se legi. Sul giornal che legio mi, go leto ogi che l’America ga minacià Erdogan. Erdogan no ga ‘ncora risposto. Probabilmente el sta zercando la traduzion dela parola pernachia in american. Mi digo sempre che invidio quei che no sa cosa far. Un de questi devi eser Trump. Prima de diventar presidente, el gavarà de sicuro zogà carte e el gavarà zercà de imparar truchi par imbroiar (mettere in imbarazzo) la gente. Par esempio, zogar una carta basa dove che no te ga gnente. Par imbroiar. Adeso el pol star sicuro che nisun indovinarà più quala che sarà la sua prosima carta. Nisun no lo ciaparà più sul serio. È un bene o un è male, se domandava la Citadela?