Astronomia (poca), astrologia e superstizion

[babatriestina]

no pensavo che se spostassi tanto in un minuto..

[sono piccolo ma crescero]

Beh ghe xe un poco de tele e comunque se te fa una foto dela luna con un grande tele e te la esponi per 10 secondi (diaframma chiuso perché senò la vien soraesposta, te vedi che la xe mossa.

Comunque se te vardi le stele col telescopio (ve go dito che i me ne ga regalado un) te devi continuamente corerghe drio perché in pochi secondi le va fora del campo visivo. D'altra parte in 24 ore le devi far un angolo giro de 360°(oh scusa, per i matematici 2π radianti )

In compenso devo dir che probabilmente quel satellite no xe l'eutelsat 8 West. El dovesi eser più in basso. Le altre stele che se vedi xe tute stele anonime, cioè le ga un nome che xe un numero

[babatriestina]

so che i racomanda, per fotografar le stelle, de no espor tropo tempo, ma no pensavo tanto, pensavo a un poco mosso e basta. D'altronde xe quei che fa le foto esponendo un'ora per gaver le scie luminose. De dove che son mi no xe ciel bastanza scuro, tropo inquinamento luminoso, ben che me vadi se vedi Orione

[sono piccolo ma crescero]

Oh ben, mi vedo Marte e la Luna, e una decina de stele.

Per evitar l'inquinamento luminoso go strento un poco el diaframma. Dopo un minuto el ciel iera grigio piombo. Po' ghe go dà una corezion con Gimp, metendo sul nero el grigio piombo e tirando sul bianco tuto el resto. E xe vegnude molte scie de stelle che a ocio nudo no vedevo.

[babatriestina]

mah per el ciel grigio piombo, te ciapi Gimpo e te viri sul blu...

[sono piccolo ma crescero]

Stamatina, intorno ale 7.10 un corpo luminosissimo ga traversà svelto svelto el ciel, da nordovest a sudest. Una foto fata ala svelta e forsi no tropo nitida.



Un ufo? No iera la stazion spazial ISS che batuda dal sol che stava sorgendo de l'altra parte brillava come se fusi la stela più luminosa de tute.

In cinque minuti xe finido tuto.

[Nona Picia]

Bongiorno! Me xe capitado tante volte de vederla, ma de sera

[sono piccolo ma crescero]

El 21 dicembre, se no fusi stado tuto nuvolado, gavessimo podudo veder la "congiunzione Giove Staurno"



No xe che i due pianeti i fussi propio tacai, I iera ben distanti un de l'altro, ma i ne pareva tacai a noi che dala Tera li vardavimo. Pazienza, tigniremo duro per altri 450 anni per vederli de novo cusì!

Una congiunzion analoga se la ga vuda el 7 avanti Cristo, la gaveva durado tanti mesi e qualchedun pensa che sia sta questo evento "la stella" che i magi seguiva. De nisuna parte se parla de stella cometa e par che el primo a disegnar la stella cometa sia stado Giotto dopo che el gaveva visto la cometa de Halley, che se iera fata viva anche el 12 avanti Cristo).

[babatriestina]

Ne conta tuti i giornai, e se continua sto nebion dovemo spetar altri 800 anni ( disi altri) fin che se ripeti