Scola: fatti e misfatti.

[Lugara]

E mio papà che iera professor al Volta no se ga mai sognà de protestar col maestro, anzi, el me tirava ancora de più 'longhi' a mi!

Infati: quando me capitava de portar una nota dei prof a casa gavevo el teror del momento che dovevo farghela firmar ai mii... adesso par che se i prof da una nota - sempre che i possi ancora - i devi spetarse ritorsioni dai familiari.... ROBA DE MATI!

[AdlerTS]

Perdoneme, ma in questi casi non rivo esser "politicamente corretto": GHE MANCA UN POCHI DE CALCI NEL SEDERE A STI MULETI !
Detesto questa generazion de genitori che ancora ebri del 18 politico della loro gioventù credi che se possi far tutto e che non esisti regole da rispettar.

[MisterKappa]

Propio ieri comentavo con un collega el livel cultural de un grupo de neo assunti: EL 18 POLITICO XE IN VIGOR PIU' CHE MAI

[angiolina]

Mi sono imbufalita leggendo la notizia che la prof. rischia due mesi di carcere, ma che dire? Siamo in Italia: stuoli di psicologi ci spiegheranno il "trauma" del picio bullo e il ragazzino vittima resterà in ombra, a fare i conti in solitudine con la violenza subita. Fateci caso: le vittime spariscono, i colpevoli sono sempre pecorelle smarrite da redimere e mai che questo succeda dopo una punizione esemplare, che faccia capire loro la portata del male commesso. Ho due figli adolescenti, ma a volte mi pento di avergli inculcato il valore della responsabilità individuale: "se hai fatto una c., paghi" sembra un'idea marziana.
AdlerTs, sono perfettamente d'accordo con te

[ffdt]

purtropo paresi che sia in vigor la regola de "la colpa de la denuncia" indove che chi che denuncia cualcosa che no va el vien castigado, come che ghe capita a pinocchio ... ma sara` per bon un comportamento moderno?

purtropo xe piu` facile far taxer cuei che denuncia e che se lamenta che no cuei che se comporta mal e, zonto mi, xe de sicuro piu` comodo ... asolutamente incivil ma sai sai sai comodo

[Nona Picia]

Mi a quel muleto, dopo i calci de Adler, ghe darìa due stramusoni a suo pare e a tuti edue ghe farìa netar i gabineti dela scola per tuto l'anno!

[Nona Picia]

Ma penso proprio che quel "santo" genitor o xe amico del giudice o de qualche mafioso o forsi xe lui stesso un de quei.

[rofizal]

Ghe xe anche un punto che merita sotolinear: forsi xe anche la magistratura che no xe el massimo nel nostro paese. Con tute le robe importanti che i dixi che no i ga tempo de ocuparse, con tuti i casi nei quali le denunce no vien nianche prese in considerazion, con tuti i casi inveze presi in considerazion che fa comodo solo per ragioni politiche o de cariera.... E chi toca i magistrati? (copresi i vari PM che ancora ogi rientra in quela categoria)

L'unica notizia consolante che go sentido in questi giorni xe che se un vien incarcerado ingiustamente e se poi el vien dichiarado inocente, el ga dirito a un, sembra congruo, risarcimento. Ma dovesi eser anche una lege che fasi pagar a PM e giudici comportamenti anomali o de parte (pura utopia).

[ffdt]

[...] L'unica notizia consolante [...]

mi inveze go intexo de un che ga fato un ricorso contro de un publico uficial per una multa che i ghe ga conzado ingiustamente e sicome che iera vero che la iera ingiusta sto uficial el gavesi dovesto pagar lu ... alora i ghe ga xlongado i procesi fin che sto mato (cuel che ga fato la multa ingiusta) el xe andado in penxion, cusi` no 'l ga dovesto pagar gnente ... i me la ga contada per vera e son bastanza orientado a crederghe (forsi te trovi la notizia anca in rede)

bela la lege che te citi ti, ma no credo che la vignera` mai aplicada: semo soto dominazion taliana, ricordite

[Nona Picia]

bela la lege che te citi ti, ma no credo che la vignera` mai aplicada: semo soto dominazion taliana, ricordite

Credo che a sto proposito tuto el mondo xe paese purtropo!

[AdlerTS]

Propio ieri comentavo con un collega el livel cultural de un grupo de neo assunti: EL 18 POLITICO XE IN VIGOR PIU' CHE MAI

Forse i se ga reso conto che le regole applicade alla scola nei ultimi anni xe deleterie per la formazion. Se becco quel che ga inventado i "debiti formativi" ....

[babatriestina]

Propio ieri comentavo con un collega el livel cultural de un grupo de neo assunti: EL 18 POLITICO XE IN VIGOR PIU' CHE MAI

Forse i se ga reso conto che le regole applicade alla scola nei ultimi anni xe deleterie per la formazion. Se becco quel che ga inventado i "debiti formativi" ....

ultimi anni? el 6 rosso, cioè dado al posto de un esame de riparazion xe del primo governo Berlusconi, una scelta populista e presentada come un colpo al intrallazzo del mercato nero dele ripetizioni estive.
( i debiti formativi xe stado un tentativo successivo de meter almeno un freno ai 6 rossi, ma no me par che servi assai..)
Per el 18 politico, no iera solo che 18, e iera intorno al 1970 che, mentre che noi ale facoltà scientifiche se danavimo per passar ai esami, i mii coetanei dele facoltà umanistiche fazeva esami de gruppo e co el professor ghe ga dito no posso darve 30 a tuti, el li ga messi in fila e el ga dito: trenta, ventinove, ventioto, ventisette, trenta, ventinove,... etc ( almeno, cussì i me gaveva contado..)
e a scola i blatera solo che de progetti per migliorar el risultato, e visto che el risultato i lo calcola col numero de promozioni, più se regala le promozioni e più se vien aprezzai dei "superiori". Vedi le campagne contro la dispersion, contro i abandoni..
insoma, se te regali un 6 xe tuti contenti, se te meti un 4 te li ga tuti contro...

[Nona Picia]

Un certo bilbo, col voleva farme dannar per farlo studiar, el me ga dito: Cossa te bazili, tanto anche a quei che no studia mai ala fine i ghe dà el 6!

[bluelady]

mi ale elementari gavevo una maestra che ne tirava le orecie e la ne dava per le gambe con la siba.....


ma se stava ziti e boni, anche se no iera giusto, ma adeso i muli vol far quel che vol e i genitori che tie terzo

[AdlerTS]

mi ale elementari gavevo una maestra che ne tirava le orecie e la ne dava per le gambe con la siba.....

Questo xe anche troppo: bastassi poder dar brutti voti, bocciar e sospender per condotta. Me xe capitade tute e tre e me ga servido.

[ffdt]

un bon insegnamento e voti onesti (sia in poxitivo che in negativo) i dasi una bona impostazion per abituarse a far ben cuel che se ga de far ... magari che fusi cusi`

[Nona Picia]

Forsi el ritorno a un poco de severità in tute le robe, naturalmente senza trascender, ghe farìa ben a tuti. Purtropo però, ogi come ogi, xe a certi genitori che sarìa de cambiarghe el cervel!

[Kyeldor]

meno male.....

http://www.repubblica.it/2007/03/sezion ... nante.html

[Nona Picia]

meno male.....

http://www.repubblica.it/2007/03/sezion ... i/bullismo
-4/assolta-insegnante/assolta-insegnante.html

Dirìa che questa xe una bona notizia, anche se xe una question che no gavessi dovù finir in tribunal, perchè una punizion in casi de quel genere xe più che logica! O sbaglio mi?

[AdlerTS]

meno male.....

http://www.repubblica.it/2007/03/sezion ... nante.html

Non c'e' mai limite al male....

il PM ha deciso di impugnare la sentenza affinché l’insegnante subisca la “giusta punizione”. Secondo il Pubblico Ministero la donna ha sbagliato poiché "I giovani, dai più piccoli ai più grandi, e in tutte le aree geografiche d'Italia sono soliti apostrofarsi reciprocamente e, spesso, semplicemente per scherzo con espressioni omofobiche o che hanno per oggetto i presunti facili costumi delle rispettivi madri".