8 settembre, data da ricordar

[refolo]

Adler !

non incazzarte se te go' dito do' paroline riguardo l'Austria, non xe che me fa' fastidio, ma nessun vivi oggiddi' dei ricordi sulla della prima guerra Mondiale ( che dopotutto, te pol solo che legger) Ma al 8 settembre 2006, piu' de qualched'un se ricordera' del ribalton. Oggi che scrivo xe el 2, domani 3 Settembre, sara in Australia el giorno del Papa', ma anche un grande e doloroso ricordo per mio mari' deportado in Germania.
El soffri un pochetto de demenzia, ma i sui ricordi su sto fatto i xe alquanto ciari! lassemo a parte, ( come el solito , se parla de Mussolini- el Re'-el Governo- la Ciesa- el sistema ecc.) niente xe piu reale del concetto de vita e de quel che xe sucesso o succedi adesso.
Vivemo de ricordi? el me disi? se non ghe saria questi, xe meio morir dimenticai.

Maria ak refolo

[fluido]

ciao refolo,
scusa se me intrometo nel tuo post, ma, se te me permeti, volevo darte un consiglio, la fazo lunga cussì me spiego mejo:
mi nona come i noni de tutti me contava le storie della sua vita, sempre quele (disevo mi) e scampavo quando la iniziava con qualche anedoto perché non podevo più de sentirme ripeter le stese robe tre ani fa xè venuda a mancar (come diseva mio papà de vita se mori) e quei raconti me manca perché nonostante me ricordi tuto manca qualche sfumatura, qualche picolo detaglio
el mio lavor xè nel campo del video e qualche ano fa go pensado de far un progeto per insegnarghe ala muleria scoltar i noni e riprenderli per dopo far una memoria colletiva senza giudizi, insoma la storia contada da chi la ga vissuda.
go provado con un primo giro de registrazioni dei ricordi del periodo subito dopo la fine dela guera (per qualched'un liberazion de ts, per altri ocupazion) ma il bel che non xè importante come vien definido perché qualsiasi definizion non ghe anderà mai ben a nissun o sempre qualched'un gaverà de dir la sua perché el nono ghe ga contà etc etc

insoma la roba che xè venuda fora xè le singole verità che non xè ne più ne meno valide dele verità dei libri, ma la diferenza xè che le xè vissude, ma la mia intenzion non jera far reclame ma dirte solo de registrar i suoi ricordi perché xè vero quel che disi tuo papà
Vivemo de ricordi? el me disi? se non ghe saria questi, xe meio morir dimenticai.
ormai internet le tecnologie e tute ste robe ne permeti de registrar e salvar queste memorie, questi ricordi, tuti gavemo un cavaleto e una videocamera, no servi robe profesionali luci etc, bisogna salvar i ricordi, le esperienze

magari me ripeto ma un libro se fa scriver e tuti pol scriver che quel ga dito questo o quel ma nessun pol negar una testimonianza ripresa in video

scusime ancora per l'intrusion ma, vivendo a trieste go le b*** piene de sti pajazi che disi una roba o l'altra, femo parlar chi ga vissudo (anche se xè scomodo, se xè bruto sentir, se ga sbagliado o gaveva ragion, non ga importanza) in prima persona prima che sia veramente tropo tardi e laseremo che da una o da l'altra parte i scrivi quel che vol

a presto
fluido

[refolo]

ha! ha! mi li vendovo in mio negozio, adesso xe el DVD-CD, domani vegnera' fora un'altra roba!
So' ste robe, ma cossa te vol, e veciotti come mi, gavemo discredita' quel chei nostri nonni ne contava, della prima guerra mondiale ,ma mi coi mii iero che scoltavo tutto a bocca verta, finche' mia mamma la me diseva' guarda che te sbavi. Una roba da premetter, i imigranti come mi' o Coce, vivi de ricordi giornalieri. Anche qua' in Australia, non digo ogni mese, ma gavemo reduci delle guerra, e tanti anche in Iraq-Afganistan, Parade Militari, Anzac day, Poppy day you name it! se sentimo, tutti orgogliosi, e parlar non nuoce, non gavero' impara' un'Inglese tipo Oxford, ma per ricordar me ricordo de tutti.
....... se mi fussi nata omo anche mi' gaveria la B.......come che te disi ti'. Mi go scritto quel che me ricordo, della seconda Monddiale, e dopo cerchero de capir quelle che succedera' domani, se quel de lassu' me permettera'. Mio mari', se ga' messo su' un Video de guerra, ( oggi xe 63 anni chi lo ga' fatto prigioniero ) e col ga' visto i bombardamenti vicin la fabbrica della birra Piltzen, el se ga' messo pianzer, el dimentica un poco, forsi le vie, o certe robe sucesse? ma nol dimentica, ne date ne cossa che xe sucesso.
Varda che coincidenza, i mii iera a Trieste, in Luglio, la morosa de mio nipote la xe la' adesso, (ela xe de razza Maltese) la mia pronipote la me parlava qualche parola per triestin, suo papa' canguro duro nol vol? el disi che non xe necessario, forsi chel ga' pensa' che non semo del stesso sangue, el ga' paura che insegnandoghe alla picia non xe interessante, anche se a 9 anni presto, la sa' doperar la computer meio de mi', ma se te ghe proibissi de veder le foto che sua zia la ga' ciolto a Trieste, allora xe stupido. Mi adesso fazo aposta, go' la Barriera veccia-Via Caccia-Via Vidali-Via Gatteri dove che stava el mio vecio, el mio porton d'entrata del quartier, mia fia' ga' battu' la porta e la signora xe stada assai cocola e gentile. La xe andada in Cortil, che quando iero mi fin nel 1955 iera serado, el Bilancier de Via Vidali se gaveva atacca' fin ai finestroni.....ecc. e so' che la canzonetta,
""un Buso In Mia Contrada"" la xe appropriata se non altro tutti se lamenta chei marciapiedi xe rotti, e de busi ne gave' tanti. te vedi che non se pol , se discuti su' Trieste, anche se ogni tanto, andemo tra un continente e l'altro.
Anche de qua' gaveria de dir tanto, anche perche' dei nostri veci triestini,
noi esisti piu'. Co vado in Cimitero,....te ridera' ma mi ghe parlo ai mii veci, dopo che go' inteso un per de ospiti vegnudi qua' de mi', a dir che morto un Papa se fa' un'altro, ma quella espression xe solo per i Papi, nessun podera' farme dimenticar i mii genitori, e la mia vita vissuda a Trieste, per 20 anni.
Ciao Maria aka refolo

[Coce]

Questa xe una data che mi no dimenticaro' mai.Per coincidenza xe anche el mio compleanno. Mi gavevo 13 ani, ma certi eventi li go in mente ciari e lucidi come se fusi ieri, quel giorno e i 2 o 3 de seguito, me xe restade imprinted indelebilmente, con dele lezioni che me ga dura' tuta la vita.
Mi come che save' go trascorso la magior parte dela mia vita qua' in Australia, go tenta' de scirver le mie memorie in Inglese soto el nome de Marcus Brown. Descrivo certi eventi come che li go visti mi inquel periodo a Trieste. Naturalmente la mia storia no xe ancora finida. Fluido te passo
quel che credo sia importante nele tue ricerche . Ciao Coce
P.S. I me disi che la estension no xe permessa. Provaro' in qualche alta maniera.

[AdlerTS]

go pensado de far un progeto per insegnarghe ala muleria scoltar i noni e riprenderli per dopo far una memoria colletiva senza giudizi, insoma la storia contada da chi la ga vissuda.

Lodevole !

Volessi tanto aver un qualcossa de simile dei miei nonni paterni che xe morti

[Tirabaralla]

Saria bel far quel che disi fluido.
Qua in toscana tanti i lo fa prima che sia tropo tardi...intervistando partigianie familiari de lori...speso xè progetti "politici" però...
Xè cmq qualcossa ma fprsi no bastanza.

[AdlerTS]

Picolo sondaggio de Tele4: "sapete cosa è successo l'8.9.1943 ?"
Risultato: ga risposto giusto uno su quindici e paradossalmente, anche persone anziane non saveva risponder

[Ender]

Butto li una considerazione, in base ai racconti dei miei nonni (e fratelli dei nonni) e genitori e altri parenti. Ho constatato che la Trieste di cui mi parlavano loro non esiste più se non in qualche remoto angolo della città o presso qualche vecchio che ancora ricorda.

Io ho 31 anni, e Trieste è già troppo cambiata negli ultimi 15-20 anni. Quello che più mi manca è che è difficile ritrovare la "triestinità", nelle persone che incontro. Probabilmente la generazione che sentivo meglio affine all'atmosfera triestina è stata quella da 1a guerra mondiale, la classe primi del '900. Stessa cosa mi succedeva con il miei nonni materni che erano di Sedrano di San Quirino (PN), per quel che riguarda le mie origini friulane da parte di madre. C'è ancora qualche vecchio da quelle parti con cui mi è capitato di parlare, che mi ha restituito le sensazioni che mi davano i miei nonni.

Forse mi darete del razista, non lo so. Comunque a me tutta sta globalizzazione non piace. Il Triestino (quello che io considero una lingua ma che troppi insistono a definire un dialetto) si sta perdendo, io stesso non lo so scrivere. Le tradizioni di trieste me le porto dietro nei miei ricordi, quelle che ho imparato (la cucina ecc.). Ma il resto? I miei coetanei se ne fregano. Il problema è tirare a campare, giocare con la Playstation e guardarsi i DVD. E io sono un professionista dell'IT (Information Tecnologies) percui ci si dovrebbe aspettare che le promuovo, e invece fosse possibile tornerei a carta e penna (che comunque considero ancora e per sempre indispensabili, quando c'è da ragionare il computer fa solo perdere tempo), perché l'IT sta portando cambiamenti troppo veloci e vedo il mio popolo, la mia gente allontanarsi velocissimamente.

Piccolo, lungo sfogo.

Ciao

[babatriestina]

Ben arrivato allo scoperto
ogni generazione ha la sua triestinità, e sta a noi continuare a praticarla e conservarla. la globalizzazione ha i suoi vantaggi, ci mette in contatto diretto con tutto il mondo, il che non vuol dire necessariamente diventare tutti uguali. Quello che stigmatizzi è un gran menefreghismo, sulle cui cause potremmo discutere a lungo, per me la TV è una delle prevalenti. leggevo ieri un articolo della scrittrice sudafricana Nadine Gordimer, che faceva notare che anche nelle bidonville, dove i libri sono sconosciuti, l'antenna tv non manca mai, magari a batteria perchè non c'è nemmeno l'allacciamento alla rete elettrica. e purtroppo la TV promuove uno stile di vita di assai basso profilo culturale.
(PS, se stemo alontanando del tema, che iera el 8 settembre. O se inveze voleva esser el calo cultural, alora semo IT)

[Ender]

Probabilmente il mio era un... semi-OT. È che avevo percepito anche un sentimento di questo tipo leggendo i vostri posts.

[Coce]

Ender, femo una ciacolada fra mi e ti. Forsi anche atraverso 3 generazioni "perche podaria esser tuo Nono" forsi trovemo che gavemo qualcosa in comune. Mi no go problemi de scriver in Triestin, ciamilo dialeto o lingua come che te vol, anche se spesso devo modificarlo per farme capir. per mi l'8 Settembre xe sempre sta' importante almeno per 2 ragioni. La prima che me ricorda la sciaugura del popolo Italian che go testimonia' con i mii oci, e che purtropo la Nazion inclusa Trieste continua a pagar ancora al giorno de ogi. La seconda xe che xe el mio giorno de nascita, ieri go fato i 78 ani. Per mi Trieste no xe gambiada tanto, anzi poco, parlo dela citta', e questo xe un bruto segno perche vol dir che tuti in questi ani el progreso economico, comerciale xe sta assai lento, anzi de qualche punto de vista la situazion xe deteriorada," parlo de attivita' comerciale, industriale" che xe la vita dela citta'. Quel che ga cambia' xe la gente, quei che iera no xe piu', ma questo xe un fenomeno natural che se riscontra dapertuto. Cosa gavemo in comune? credo diverse robe;
Semo nati al'Ombra del Melon, e ne piasi un "fia' de mar" Credo che nonostante la tecnologia mantegnimo ancora un bon standard etico, e come Triestini ne piasi l'alegria e ogni tanto la matada. Cos'te Par?
Ciao Coce ( Cesare)

[ffdt]

[...] quando c'è da ragionare il computer fa solo perdere tempo [...]

no sempre vero ... cua te ga fato un ragionamento e te ga anca doprado 'l computer ;-D

comuncue xe vero che per chi che xe in te 'l campo de l'informatica la tecnica la pol portar a un inaridimento e lo digo per esperienza personal ... mi per ani go credudo che i computer i fusi solo che un muceto de relais (rele` ) boni per comandar la machineta de 'l cafe` o per zogarse a scriver sistemi operativi ... pero` el fato de gaver forum (come 'l nostro) che ingruma gente che sta in tuto 'l mondo e li meti insieme a scambiarse idee de storia, politica, cultura e tuto cuel che pasa per la testa xe un doprar 'l ordegno in modo utile

in fin de i conti vedo che go avesto un rixultato sai piu` poxitivo a far sta robeta semplice che xe sto forum (con tuto cuel che ghe sta intorno) che no a far programi de automazion, confrerenzze tecniche o programi de contabilita` ... se cualched'un me lo gavesi predito no ghe gavesi mai credudo ;-D

e anca esesr cua a ricordar 'l 8 setembre xe un doprar cuel che se ga per ricordar cuel che xe stado ... per mi 'l 8 setembre xe el compleano de un mio nono e proprio cuel mio nono 'l me ga contado tante volte el "suo" 8 setembre c'o 'l iera soto le armi ... de cosa che ghe xe suceso ... de come che no 'l ga denunciado cuei che scampava ... de come che 'l se ga ciolto el suo tempo per far un scampon a caxa per saludar la familia perche` no 'l saveva se 'l fusi tornado indrio intiero ...

poder condivider sto mio picio ricordo con tanta altra gente xe un rixultato che no gavesi mai podesto gaver senza sto ordegno ... per mi xe piutosto una cuestion de no farse fufignar co' i modei de i altri, piutosto che no un rimpianzer cuando che no ghe iera ne' computer ne' globalizazion ... li gavemo, no podemo schivarli, ma podemo doprarli per far conoser le nostre opinioni ... e cusi` dar el nostro picio contributo a un domani piu` de nostro gradimento

senza dimenticar cuel che xe stado, come che stemo fazendo

ciau

Franco

[babatriestina]

curiosamente, de l'8 setembre a casa mia no go mai sentido parlar. la sola che me ne ga parlado xe stada mama, per contarme la disperazion de sui conoscenti in Marina militar, che se ga trovado cussì senza preaviso a ricever el ordine de consegnarse ai ex nemici. La me contava de un ufficial disperado che ghe diseva "Signora mia, signora mia, mi dica Lei cosa devo fare". No so se qualchedun no ga reagido col suicidio. E a leger sui libri de storia del 8 setembre, vien de dir 8 settembre, data da dimenticare. No che tirarse fora dela guera e sganciarse dela Germania no sia stado un ben ( o meo, saria stado ancora pezo andarghe drio fin ala fin), ma le condizioni e el modo ga portado conseguenza tragiche per tanti.

[ffdt]

[...] vien de dir 8 settembre, data da dimenticare[...]

eh, ma anca cuesto fa parte de cuele robe comode de far ... dimentichemose, cusi` semo pronti per far de novo ...

per mi no xe de dimenticar, ma de meterse in paxe con tuti ... per doprar una parola che ogidi` par che no la gabi piu` senso diria che se trata de perdonar ... a tuti ... ma no de dimenticar ...

[babatriestina]

[...] vien de dir 8 settembre, data da dimenticare[...]

per mi no xe de dimenticar, ma de meterse in paxe con tuti ...

dimenticar intendevo nel senso de no celebrar o festeggiar. Tanto xe vero che go apena letto un intiero libro al riguardo, che me ga sugerido sto comento. E soprattutto, se se ga de ricordar, xe de ricordar tuto insieme, no solo un singolo momento, per poder capir cossa e perchè xe nate ste robe.

[AdlerTS]

(PS, se stemo alontanando del tema, che iera el 8 settembre. O se inveze voleva esser el calo cultural, alora semo IT)

El problema appunto non xe el 08.09 nel specifico, ma l'assoluta ignoranza de avvenimenti che ga condizionado l'epoca corrente: da ste interviste vien fora che la gente non se ricorda più gnanche le alleanze in esser durante le due guere

[Golfoblu]

8 setembre del ’43 .............
una data che segna un fato dela storia recente. Um fato come migliaia de tanti altri acadudi nel corso del tempo. La data se pol spiegarla tegnindo in conto i fati veri o a secondo del punto de vista de ognidun. Personalmente go la fortuna de poder scoltar ancora ogi, i avenimenti de quela volta da due partecipanti, i mii genitori. Papà classe ’19 e mama classe ’24. Senza voler deviar el discorso in senso político, posso dir che ancora ogi, a distanza de 64 anni, le ferite continua verte. Dimostrazioni no manca. Tuti quei che quela volta ga scelto de continuar fedeli ai loro ideali, pur consapevoli dela disfatta, ancora ogi xe visti come biechi elementi. E a distanza de tanti anni, la tanto voluda pase no se riva a far.
Onor ai Vinti.

[babatriestina]

Onor ai Vinti.

Onor a chi che iera in bona fede, e compassion a tuti quei che xe morti . Requiescant in pace.
Ma meno onor a quei, e purtropo ghe ne xe stai de tute le parti, che col loro comportamento xe stai responsabili dela morte de tanti inocenti.

[Golfoblu]

No solo meno onor, ma nissun onor a quei che dale due parti se ga macià con atti che niente gaveva a far con le "regole de guera".
Za el titolo "regole de guera" me par un paradosso, quando xe de mezo le popolazioni civili, ma forsi podemo definirlo tale per rifleter quanto scrito sora.

[rofizal]

Mi penso ala gente che lavora, magna, se diverti, fa l'amor, ga pensieri de comprar casa o de rivar a fine mese, cerca amici, magari va fora a cena in compagnia, se senta al bar per bever un cafè e far 4ciacole, fa sport o va a veder la partida, legi el giornal, scolta la radio, se inc. per le tasse, va a far do pasi lungo el mar... e... dopo xe qualche m..a ogni tanto che dichiara guere!

Scuseme....