le montagne intorno a Trieste... ve propongo un zogo

[Franco]

Vardè un poco 'sta foto:



No, no la gò fata mi... ma impresionante, no?

Sul mio blog http://carsosegreto.blogspot.com/2010/0 ... -alpi.html go lancià un zogo: de tute le montagne che se vedi nela fotografia, quale riconossè e savè darghe un nome?
El punto de ripresa xè sora Isola.

Per facilitar le risposte, usè come riferimento 'sta altra fotografia:



Rispondè qua, o sul blog, o in tuti e due i posti... come preferì!

[babatriestina]

A Sart
B no son sicura
C Musi? ( ghe iero)
D Ciampon? ( ghe iero)
E o H la vetta del Canin ( iero)
I monte Forato gruppo del Canin ( iero)
F e G no so
L inconfondibile: Matajur ( ghe iero)
K, M no son sicura
N Rombon? ( iero)
O Jof Fuart ( iero)
S e T Mangart e Jalovec? T pol aver la forma del Jalovec ( iero su tuti do)
P e Q no so..
R U no arivo a distinguer se xe i rilievi del Hermada o più indrio Selva de Tarnova..

le go buttade a ocio.. bella foto!
Gi visto foto del Montasio che se vedi el mar, ma mi de qua no go mai visto el Montasio.. o el xe anca lu che cuca de drio de qualche parte?

[VetRitter]

carta al 250000 e bussola, e forse me la cavo.. foto stupenda complimenti.
L'Hermada no la pol eser più in primo piano. verso el mar?
saluti

[babatriestina]

L'Hermada no la pol eser più in primo piano. verso el mar?
saluti

te ga ragion, el Hermada se lo riconossi drio dela torre de Sistiana,xe quel come con un per de gobbe e un traliccio , la prospettiva me ga ingannado, mi pensavo de veder dele Rive e inveze devi esse de Muggia o oltre.. aora le due xe Lanaro e Vetta Grande?

[VetRitter]

ara, mi senza carta trovo solo le scarsele, gà dito che la xe presa da Isola, con no so qual telescopio astronomico, comunque sempre belisima foto..
saluti

[babatriestina]

ara, mi senza carta trovo solo le scarsele, gà dito che la xe presa da Isola, con no so qual telescopio astronomico, comunque sempre belisima foto..
saluti

e per questo la prospettiva me inganna un poco, che mi son abituada a vederli e identificarli del Carso.
Per una foto cussì ghe vol:
1 giornata bellissima e limpida
2 scelta opportuna del posto e de l'ora (mattino o sera?)
3 treppiede
4 obiettivo intercambiabile molto longo ( ma no so giudicar quanto)
5 zata e pratica per settar el tutto nel modo giusto

[VetRitter]

a giudicar dale ombre xe sera, forse se i la gavesi fata 5 minuti prima se saria visto meio la costiera e il Carso.
saluti

[Franco]

ara, mi senza carta trovo solo le scarsele, gà dito che la xe presa da Isola, con no so qual telescopio astronomico, comunque sempre belisima foto..

Ghe girerò i tui complimenti al autor: el sarà contento...

Comunque, nissun telescopio: nel hosting su Picasa te trovi anche tute le informazioni "tecniche" sul scato:

http://picasaweb.google.com/carsosegret ... 1955618418

Fotocamera: FUJIFILM
Modello: FinePix S9600
ISO: 100
Esposizione: 1/347 sec
Diaframma: 2.828427
Distanza focale: 66.7mm

No so però de quanti scati che sia composta la panoramica...

[babatriestina]

Fotocamera: FUJIFILM
Modello: FinePix S9600

xe della famiglia delle macchine che usa Sum Culex...

[Rawa Ruska]

R Fajiti Hrib, U Trstelj. L'Hermada è mooolto più a sinistra, 3 monti sotto a B.

Rawa Ruska.

[Franco]

Per render el lavor un poco più facile, inserisso una mapa con el punto de presa giusto (Monte de Capodistria, fra Capodistria e Isola)

[babatriestina]

se xe quele nel cercio rosso, posso eliminar el Ciampon che gavevo suggerido, el xe più a ovest..

[Franco]

Mi diria che el cercio xè indicativo... no ghe scometeria che el xè giusto giusto...
(ma perchè sior Gugle no meti anche i nomi dele montagne in earth?!?! )

[babatriestina]

Un'ipotesi per la Q. : la Cima del Lago: ghe son andada suso sia dela parte italiana che de quela slovena, che rucada in tuti do casi!

se se becca la linea rossa come una funivia, se riva giusto sul altipian del Canin sora Plezzo.

[babatriestina]

Ben, po? coma va a finir qua?
te ne posti l'identificazion bona dei monti o te speravi che te la fazessimo noi qua???