Estate in giardin

[babatriestina]

Dalie no te coltivi?

[sum culex]

No! Me dispiasi, in giardin dalie no go.

[babatriestina]

domandavo perchè no le coltivo gnanche mi, perchè bisogna piantarle in primavera e po tirarle fora in autunno, e po le occupa parecchio posto, mi go messo qualche volta qualcheduna de quele a fior piccolo, ma go visto in un giardin a san Luigi che una mia amica ga un per de aiole de dalie molto belle e vivaci! semo ancora in tempo a piantarle se le trovemo in vaso pronte..

[Nona Picia]

No gavemo più posto, e po' no le me va tanto perchè col caldo le me diventa brute......

[sum culex]

Sempre per l'estate in giardin, ve meto ancora un poche de foto: due grupi xè de piante assai ben conossude, i altri grupi xè de piante meno note che cressi comunque in giardin a casa mia.

Soto el Cyrtomium, una grande felce, xè spuntà un ciapo de funghi. El nome no lo so e tanto meno se i xè velenosi o no, mi no li ingrumo, li lasso là che i moli le spore. I dura un per de giorni e dopo i va insieme.

[sum culex]

[sum culex]

Una rosellina nana rosso/arancio che cressi in un piter (digo 'piter' anche se el xè de plastica)

[sum culex]

Questo xè l'Ilex carenata (almeno credo che sia el nome giusto).
Xè una spece de agrifoglio nanissimo. Xè diversi ani che el xè in giardin in piena tera e el xè diventa alto apena 35 centimetri.Le foie xè minuscole e spinose: per far un raffronto guardè quele foie in basso a sinistra: xè foie de violete mammole.

[sum culex]

I geti novi



La Selaginella martensii. Una picolissima felce che xè in un vaseto perchè de inverno bisogne tirarla dentro.

[sum culex]

Evonimus fortunei variegata. Altro cespuglieto basso e compato che xè in giardin e cressi adossado a un muro de arenaria.

[sum culex]

Osmanthus aquifolium (conossudo anche come heterophilla) variegatus.
Molto simile a un normale agrifoglio, el ga cole foie spinose screziade de bianco/avorio. Anche questo xè un cespuglio che no va tanto in altezza.

[sum culex]

[sum culex]

Questa la conossi tuti, la ben nota pianta grassa: la Kalancoe, coi fioreti rosa intenso quasi rosso.

[sum culex]

Con un fil luminoso de ragnatela



Per sto giro me par che iera più che bastanza e alora ve saludo!
ciao
sum culex

[sum culex]

Ogi go comprà in supermercato sta piantina de crisantemi; la me ga parso come colori un poco particolare. Chissà se la durerà per qualche ano?

[sum culex]

El me par bastanza strano, comunque diverso del solito.
ciao
sum culex

[babatriestina]

sui colori no so, ma le piantine de crisantemo a mi me sta durando de anni anorum.

Mi inveze ve metto la fioritura de una pianta grassa, xe una Echeveria

[Nona Picia]

Anche noi gavemo crisantemi veci de anni, ma sto qua no xe un de quei classici, almeno credo, e el più de le volte i ne mori presto

[nonna ivana]

Che peccato, non vedo che la prima parte del thread, poi tutto oscurato!!!

[babatriestina]

Che peccato, non vedo che la prima parte del thread, poi tutto oscurato!!!

ho rimesso la mia, per quelle di Sum, se riesce a ritrovarle posso rimetterle al loro posto usando l'album