Writers o se preferite deturpatori

[Nona Picia]

Qualchedun ghe xe sta in passato....quando i podeva farli sul cartelon che i ghe gaveva messo al magazino vini

[Liuz]

Gavemo veri writers de qualità a Trieste?

Si.

[mandi_]

A me questo piace...No ga scopo solo che de imbratar

[babatriestina]

za meio... quanto meno no xe le solite lettere colorade che con quel i credi de esser grandi artisti de strada
Diria che i criteri sia:

• la qualità del pupolo
  el suporto dove che i lo fa

[sono piccolo ma crescero]

No rivo a capir ben dela foto la qualità de questo che mostra Liuz, però concordo con lui che ghe ne xe qualchedun in giro bravo.

Ghe ne gavevo visto in giro qualchedun assai bel. Questo che me par che sia là del Palachiarbola. Vizin, in via Orlandini ghe ne gavevo visto un che me gaveva piasso assai (nel senso che vedevo tanta abilità nel piturar e fantasia). Lo gavevo anche fotografado ma dopo lo go perso. Adesso son andà con streetview a vardar se se lo vedeva, ma me par che el sia andà perso.

Perché, purtroppo, nessun ghe garantisi a quel che ga fato el lavor che Liuz ga publicà, che domani un altro no vien là. ghe dà una man de bianco e scrivi "Desy ti amo".

Mi confesso che, secondo mi, qualchedun, anche de quei che go visto in giro sui vagoni, meriteria de eser salvà.

Da profano me son sempre domandà se xe facile o dificile lavorar co le bombolete...

No son tanto dacordo con Macondo: no credo che i grafiti xe el primo paso verso el degrado. I vien fati in loghi degradai; credo che el degrado vegni prima e dopo i graffiti.

[mandi_]

E mi stavolta no son pienamente d'accordo con Piccolo. Ho visto dalle mie parti edifici appena restaurati e già il giorno dopo decorati co versione nostra de "Desy te amo". Perciò lì c'è la volontà de degradar e imbratar.
Altri posti xe stadi dati da decorar ai giovani co le bombolete(tipo muri de stazion) co risultati bei e fantasiosi, per mi.
Devo dir na roba OT: quanto a licenza artistica il monumento ai Istriani per mi xe veramente poco significativo, a esser proprio gentili. Forse persino un Writer avrebbe fatto di meglio...

[babatriestina]

e soprattutto, me piasessi che anche i bravi, se fa pupoli su una roba privata, domandassi el permesso de far.
Insoma, anche se vegnissi un genio a farme pupoli sula mia casa o sula mia machina, me piasessi che el me domandassi prima se son dacordo.

[Nona Picia]

Secondo mi fra i tanti pastrocioni, ghe ne xe dei bravi, ma anche quei el più dele volte i fa pupoli veramente diabolici e no rivo capir el perchè de queste scelte.Mi penso che sia risultati de un qualche disagio personale.
In quanto al degrado, son dacordo con SPMC e Mandi, in generi i pupoli vien fati in posti zà rovinai e magari abandonai e alora i servi un poco a sconder, quel che no ameto xe rovinar una casa,un treno o altro ben piturà e pulito solo per elgusto de far un dispeto...

[babatriestina]

e de questa cossa disè? no xe novità, el iera nel topic sul tram..

[Nona Picia]

Questo, anche se el sembra ben fato, per mi xe un dispeto alquanto stupido...

[Nini Naridola]

qua, in stazion de Sistiana Visogliano, xe 'sta decorazion murale che xe mejo de imbratadure

el mulo che lo ga fato, no me par mal

stazsis1.jpg (113.83 KiB) Visto 1803 volte

[Nini Naridola]

continua...

stazsis2.jpg (106.52 KiB) Visto 1803 volte

[Nini Naridola]

ocupa tuto el marciapie del binario 2

el granzoporo xe proprio bel!

stazsis3.jpg (71.24 KiB) Visto 1803 volte

[Nini Naridola]

stazsis4.jpg (64.24 KiB) Visto 1803 volte

[Nini Naridola]

stazsis5.jpg (87.42 KiB) Visto 1803 volte

[Nini Naridola]

dopo la magnifica tartaruga

stazsis6.jpg (74.21 KiB) Visto 1803 volte

[Nini Naridola]

continua

stazsis7.jpg (85.98 KiB) Visto 1803 volte

[Nini Naridola]

ancora più a destra...

[Nini Naridola]

el pesse con i cerci ed i quadretti perfeti. Un stampo?

stazsis8.jpg (92.03 KiB) Visto 1803 volte

[Nini Naridola]

ancora qualche metro de pitura

stazsis9.jpg (81.11 KiB) Visto 1803 volte