El ponte sul canal de Ponterosso

[Ciancele]

Go leto tuti i post del ponte curto. Go visto anca el video con mustacia de fil de fero. Potente. El xe parlato? Zerco in tuti i cartoni i altoparlanti, chi sa dove che li gavarò ficai, anca par veder, veramente par sentir, un altro video in triestin. Dopo la guera, specialmente nei festini de capodano in famiglia, se fazeva el discorso de Hitler. In dialeto milanese. El testo no’l xe adato a pudiche fanciule. I disi ch’el ponte xe diese centimetri più curto. No go capì se i diese centimetri i manca davanti o de drio. I ga provà a girarlo? Po quele do puntine che se vedi in fotografia e se pol piegar col police, a cosa le dovaria servir? Le xe cusì pice che no le guanta gnente. Parchè no i fa come in Olanda e i pianta do pai par far el ponte levatoio? Saria almeno bel. Speremo che no i se inacorzi che el xe tropo baso e no pasa le barche. Me ricordo co’ iero picio e mio papà doveva vignir drento in canal soto el ponte verde, se la marea non iera basa fazevimo montar gente in barca per far peso e un a prua e un de drio fracavimo la barca soto aqua par ciò che la pasi.

[sono piccolo ma crescero]

Comunque pareria che el 23 gennaio el ponte gabi pasà le prove de carico.

http://video.gelocal.it/ilpiccolo/local ... /7702/7703

Se el xe curto, ma forte, podessimo definirlo un energumeno tascabile

[Rawa Ruska]

Questa storia del ponte è tanti divertente quanto .... triste. Molto triste. E el sindaco ga poco de zigar! Il primo a dire che c'era un errore è stato qualcuno del suo ufficio tecnico dichiranndo "fisiologico" qualche problema.... come no, el mal de testa dopo una bala!

Rawa Ruska

[babatriestina]

aggiornamento: adesso nella corsia centrale sono già messe le pietre. ma non dicevano che la colla non attaccava in inverno?
sempre più confermo la mia firma

[Nona Picia]

E' come la barzelletta del canal tropo largo.....

[oli1939]

Sta storia no finissi piu', la andera' in dimenticatoio con la nomea della solita roba refada, o no? Speravo de piu' da sta amm.ne comunale.

[Ciancele]

Go una domanda seria sul ponte. Grazie a Baba Triestina, ma anca ai altri amici, savemo che el ponte ga pasà la prova del peso. Adeso seri: ‘sto ponte xe posà o noxe posà? Par gaver pasà la prova del carigo i lo devi ’ver posà e ‘lora presto dovaria pasar gente de sora. Conteme giusto, conteme come che la xe. Grazie.

[babatriestina]

el xe pozado, ma nol xe fisso e no se pol passar.

[sono piccolo ma crescero]

el xe pozado, ma nol xe fisso e no se pol passar.

Fisso fisso no'l sarà mai.

Se el xe longo circa 25 metri (vado a ocio),
se el xe in acciaio,
se partimo de l'idea che tra le temperature più basse de inverno e le più alte de estate passi 50 gradi,
se i dati sulla dilatazion de l'aciaio che go xe giusti,
se no go sbaglià i conti...

el DEVI ver un giogo de almeno 1,5 cm perché col caldo el se slonga e col fredo el se scurta.

[babatriestina]

imagino che el sarà incastrado in do sine su cui el scorrerà se el se dilaterà o strenzerà. Ma come fazeva i primi ponti ( Rosso verde e bianco) che iera de fero anca lori?

[sono piccolo ma crescero]

Se i iera levatoi, i gaveva una fessura in mezo. Me par de ver visto certi ponti montai su rulli.

[VetRitter]

el DEVI ver un giogo de almeno 1,5 cm perché col caldo el se slonga e col fredo el se scurta.

se no go sbaglià i conti...

speremo che no i li gabi sbaià altri...

[Ciancele]

Un grazie a tuti chi che me ga dado information sul ponte. Ma go ancora qualche domanda per capir meo. ‘lora (par talian se diria faciamo el punto): el ponte xe posà, ma no’l xe ‘ncora verto. Quela del canal tropo largo (o ponte tropo curto) xe vera o xe una barzeleta? Quela del ponte levatoio iera una mia idea dopo la quinta bireta e el terzo bicerin. El vecio ponte, me par el verde, iera su rotaie e per verzerlo bisognava girar una roda. Che el fero se slonga e se strenzi so parfina mi. Difati le rotaie del treno ale giunture ga un gap (xe inglese, xe tecnico!! ) de circa do o tre centimetri. Se i lo ga posà, vol dir che no’l xe curto o longo, ma più o meno iusto. Se’l xe curto, i lo darà libero solo de està co’ xe caldana, cusì el se slonga e tuti podarà pasar senza cascar in canal. Tra l’altro, el canal no xe cusì fondo de negarse. Ma, Son Piccolo Ma Crescerò, me par che con i tui 50 gradi de diferenza te gabi arotondà in eceso. Per 40 ghe stago anca mi. Chi sa con che termometro che i misura i gradi. Mi me ricordo che nel 1946 Avanzo in Cavana gaveva fora un termometro. De inverno impizaimo un furminante (zolfanello) soto e ierimo sempre su circa 20 gradi de caldo. Dopo fazeimo i cento in meno de diese secondi. Ma solo in quela ocasion.

[oli1939]

Bellissimo Ciancele, el tuo consiglio xe' el piu' bel de tuti quei che go senti' su sto ponte. Forsi de inverno i podessi scaldarlo con i fulminanti come te fazevi ti de mulo la' de Avanzo. Ah, ah!

[Nona Picia]

[oli1939]

Ma se sa quando che i lo inaugura? Spero che el giorno dell'inaugurazion ghe sia un nostro Amministrator che fazi un reportage che documenti la bellezza e l'utilità dell'oggetto del "desiderio". Bon week-end a tuti. oli.

[babatriestina]

Ma se sa quando che i lo inaugura?

speta merlo...
zercheremo de eserghe..

[Ciancele]

Oli1939 scusa se mi permetto di correggerti. Non vorrei fare il saccente, ma sei incorsa in due errori. Primo: in triestino non si dice mulo ma mulon. Tradotto in italiano sarebbe twen. Mulo viene tradotto con teenager. Secondo: Dove parli della bellezza e dell’utilità dell’oggetto mancano forse due lettere. Invece di utilità volevi forse scrivere inutilità. !!

[oli1939]

Podemo alora anche dir giovinotto. Bellezza e utilità iera parole un tantin ironiche......

[Ciancele]

Oli1939: Giovinoto e mulon xe sinonimi. Mulon xe più triestin. Giovinoto se usa de più parchè xe più facile trovar una rima (giovinoto, giovinoto, ecc.) che par mulon. Un augurio di buona serata da Ciancele.