Piereto ha scritto:Sicome son pien de domande, ma perchè no se pol aver una carta magnetica unica che servisi per tute le robe, identificazion, fisco, sanità ? Tropo facile ? Tropo ordine?
Co go fato la carta de identità, nela mia ingenuità, go domandà: perché gavemo una tesera sanitaria/fiscale che no servi a gnente (se pol cambiar solo el dotor de base, roba che se fa ogni giorno) e una carta de identità che no servi a gnente. No se podeva far una sola?
La risposta, che no xe una risposta, de l'impiegata xe stada "Ga vinto i apalti due dite diverse". Ela poi no iera tegnuda a saver, ma xe una de quele robe che me fa andar fora dei gangheri (son raffinato; sostituì pur la perifrasi con un verbo solo dela prima coniugazion).
Anni fa gavevo seguì un poco la storia dele strade in Italia: l'esercito gaveva un suo database elettronico, la protezion civile el suo, l'anas el suo, la provincia el suo... e no i se parlava un co l'altro.
Me ricorda una impiegata laureada che go conosù ani fa; la se rabiava che no i ghe dava un computer novo, però ela no saveva salvar su disco una letera, per cui se la doveva scriverla tre volte la la scriveva tre volte...
Lo disi anche il Vangelo "Non si può mettere una toppa di panno nuovo su un vestito vecchio. Il rattoppo nuovo squarcia il vecchio e si forma uno strappo peggiore."
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
