Adler, xe vero, no gavemo fatto commenti: alora rimedio.
Mi go letto, e me ga sinceramente infastidido, che Pechino bacchetta l'Italia (su un quotidiano nazional, rassgena stampa de sky). Con bona pase de tutti: i musulmani che vien qua i vol che cavemo i crocifissi dale aule, i cinesi se rabia perchè i devi rispetar i regolamenti come i altri negozianti, l'America ne fa la predica perchè tratemo per portar a casa i nostri. No steme dir nazionalista, ve giuro che no xe cussì, ma me par che stemo un poco esagerando....cossa xe sta nostra Italia? Una maniga de sempi che tutti ghe pol.....in testa
nanaia
nanaia ha scritto:[...]cossa xe sta nostra Italia?[...]
almeno sto giro no lo go dito mi ;-D ... ma parlando seriamente se te savesi la dificolta` de andar fora italia a dover tratar per lavor co' i altri che i te varda e che i te ridi perche` te son talian ... come noi xe tratadi solo che i spagnoi ... la sola posibilita` che se ga come taliani xe de dimostrar el proprio valor personal ... che pero` te fa far bela figura a ti ma no a tuto 'l paexe
el fato xe che se dopo te va a vardar de come che se prexenta le istituzioni a 'l estero te capisi de perche` che i ne considera cusi` ... i nostri raprexentanti certe volte i ghe fa vignir la pele de oca anca a i nostri, figurite come che pol vederne i altri ... se mandasimo in giro gente co' la testa, inveze che amici de i amici, fusi de sicuro meio
STORIA-STORIA fioi mii!......da Marco Polo, nativo de Zara, da quando el xe torna' dalla CINA, non solo el ga' porta'""ZOGHI"" FOGHI D'ARTIFICIO ecc, ma anche CINESI! anche Una moglie CINESE!.......solo che se vedi a quei tempi ghe iera come oggi, i consueti contro-razze! disprezzo comunale.
I xe assai affabili! pronti a far tutto, solo noi purtroppo gavemo differente cultura che non capimo. Ma ai tempi del suddetto, nessun ga' trova' l'opportunita' de abientarse alla cultura Cinese. O accettarli come nostri concittadini!
Mi go' scritto che mia nonna gaveva come rocordo del suo fidanzamento certe tazzine dalla Cina che a quei tempi valeva patrimoni, adesso xe tutto basado su paghe che fa sc'hifo, tutto xe stabili' sul soldo, niente qualita', el motivo? troppe razze coagulade assieme a una cultura? che poderia esser nostra ma non capimo i altri? adesso i xe assieme ai Negri dell'Africa, scambi de idee e de contrabbandi.
Non dimenticarse che i xe avanti per storia piu' de noi, e se vede' una stupidina che vendi solo che una tazza de risi, imbastidi con salse e verdure che a noi non ne piasi? non la savera' a vender sta scodella, ma la sua storia la la' sa' salla A-Z!
Qua' in Australia? per mi' va' tutto ben, sia che al mercato per le verdure-
alla pesca ecc. ma purtroppo ultimamente esisti inquinamento nei mari della Cina-Tailandia-Hong Kong ecc. allora li disturbemo con critiche.
Adler ga' ragion, disendo chei se lamenta? che differenza fa' se te compri un per de mudande oggi e domani te le butti in scovazze? xe come qua' con le panuzze dei fioi. Le nostre vecie lavava tutto, qua' va tutto in scovazze, la Cina metti fora roba che dura 72 ore? se non se' fa' cussi?
come se pol tirar avanti? coi nortri capotti che durava 10-15 anni? (se piu' noi li magnava le tarme?) scarpe che fazeva el mio vecio? che le porto ancora? se non ghe xe produzion continua, nessun vivera' e nessun spendera'
refolo ha scritto:STORIA-STORIA fioi mii!......da Marco Polo, nativo de Zara, da quando el xe torna' dalla CINA, non solo el ga' porta'""ZOGHI"" FOGHI D'ARTIFICIO ecc, ma anche CINESI! anche Una moglie CINESE!....
sula moglie cinese no go mai savudo, probabilmente in tanti anni che el iera là qualche donna el se gaverà trovado, ma per la nascita paressi che el iera de Curzola, no de Zara! almeno a Curzola xe tuto una reclam de Casa de Marco Polo!
per el resto, la Cina faria meo a pensar ai diritti umani de lori, che i scondi ssai, i ga ancora la pena de morte e i la applica ecome ( andeve a leger i dati delle associazioni umanitarie) e no stemose dimenticar Piazza Tienanmen. Se tanti Cinesi vien qua vol dir che i sta meo de noi che de lori. Ovvio che xe anca tanti cinesi che sta ben de lori e che se fa i bori anca là, ma me par che col novo capitalismo -liberismo economico ma no democratico- le disuguaglianze sociali in Cina dovessi esser aumentade e no diminuide, insoma in città come Sciangai i mati se fa i bori ei grattacieli, ma in campagna xe miseria, almeno cussì legevo de qualche parte..
Condivido in pien, Betta: anche volendo ignorar COME i prezzi dela roba cinese resta cussì bassi (e no parlo dei strazarioi del borgo teresian, che xe come una ioza nell'oceano), me par ovvio (e de qua semo partidi, Marietta) che se i vol commerciar in Italia i devi rispettar le regole che rispetta gli Italiani. Volessi veder se un italian va in Cina e trasgredissi alle LORO regole!! Penso che i ghe faria un...come una cattedral, altro che melting pot!
Mi no son assolutamente razzista, però trovo doveroso da parte de chi vol stabilirse in un Paese diverso dal suo rispettar le regole del paese che lo ospita.
Ma santa paxe: se mi vegno a casa vostra, posso dirve de cambiar mobili perchè noi me piasi????? La risposta giusta in quel caso sarìa: coccola, resta a casa tua, se qua no te piasi.O no? E allora perchè dovessi essere differente con questi signori che impinisi l'Italia e detta regole
Bon, scuseme, ogni tanto la mia parte terrona vien a galla (a proposito de razzismi... ;-D
nanaia ha scritto:
Bon, scuseme, ogni tanto la mia parte terrona vien a galla (a proposito de razzismi... ;-D
Mi no go nessuna parte terrona, ma condivido in pien quel che te scrivi. Xe troppo comodo scampar de casa tua perchè no te sta ben e far el prepotente a casa mia. Purtropo però xe el paron de casa mia che xe tropo tolerante!
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
adesso però mi no so cossa che i ga fato a Milan, ma a mi me par che sti Chinesi qua de noi no i dà granchè fastidio, e anca la loro microcriminalità xe modesta. Quindi mi no ghe butassi suso la crose adosso a lori... par che iera un careto che scarigava che intrigava.. ma quanti camion nostrani e parcheggiatori se ferma come che ghe fa comodo e intriga..
la roba che i vendi costa poco
1 perchè xe material no sempre bon ( ma le camisette de seda, che i vendeva una volta, xe ancora? e iera seda bona, savè!)
2 no sempre rispetta le norme cee ( e là va fato rispettar se i vol lavorar qua)
3 ma sopratutto perchè la manodopera anca qua ghe costa poco, perchè i lavora in condizioni che i nostri operai no se insognassi mai de acetar. E qua me sa che a forza de veder come che se lavora qua, pian pianin anca loro comincerà a domandar condizioni de lavor migliori. Per adesso, se vedi che pur de guadagnar qualcossa ghe va ben anca cussì...
Nannaia, non se tratta d'esser razzisti, quel che bisogna capir xe...che tutti va' per l'amalgamazion globale, e in una maniera o l'altra qualched'un devi soffrir. In Europa gave' quel che tutti ga' domanda'. Commercialmente, finanziariamente ecc. nessun
vol odiar nessun, ma bisogna scorrer le vie dell'economia come che voi i nostri avversari.
Mi' tegno e conservo tutto, non vado alla moda, ma te posso assicurar che sto anno xe (ESEMPIO) torna' la moda delle stoffe coi disegni alla Tigre- Leopardo- Africane- Dio solo sa' cossa ancora, e mi fortunella i vestiti li go' in armadio dal 2003, compradi e portadi dall'America. Te vedi che ognun fa'
e disponi come chei vol. Se pol andar fora de casa vestide decenti senza andar sulla moda. Mi' metto quel che voio in barba a cossa che disi i altri, solo che me go' trova' qua' in Australia i mii amici me amira perche' go' boni gusti. E questo xe la maggior arte per la donna.
Ti non te viveria in sta' terra, dove che se va' a cior el latte o pan (ipotesi)
mezze nude (braghette curtissime) al posto delle scarpe gavemo i Tons pantofolette de gomma?......una roba che a casa nostra non esisteva.
D'estate non esisti niente, nianche la parucchiera lavora, solo in occasioni
tipo corse de cavai, esebizioni ecc.
L'unica roba che me disturba, xe che le Cinesi-Giapponesi e la maggioranza dei Asiatici, le xe picie e magre e quando te se compri qualche robettina decente la misura sua....es: Grande? consisti in una misura nostra picia. Allora non te pol portarla, ma come che disi Betta certe robette le ga' de lusso! e le costa anche salade.
ffdt ha scritto:E comuncue come che xe finidi i jensinari finira' anca i cinexi ... e c'o rivera' cuei de dopo ghe sara' chi che dira' che "iera meio i cinexi" ;-D ;-D ;-D ;-D
Pareria che adesso le rivendite de Kebab superi i ristoranti cinesi ... che sia i turchi i novi jeansinari ?
?