Pei apasionadi de rally

[rofizal]

Nei tre anni de gare gavevo corso con diversi navigatori. Me par qua giusto ricordar almeno quel con cui go fato quasi tuta l'ultima stagion e che, con la sua bravura e precisione, ga contribuido ala vitoria nel campionato: Rino Gramegna. E iero stado mi che lo gavevo "corrotto" e contagiado dela pasion pei rally. Spero che anche lui gabi dei bei ricordi.

El me gaveva anche insegnado un gran segreto , come prima dele gare no iera el caso, come fazevo prima, a restar tesi e quasi in digiuno pensando ala competizion (i me cioleva anche in giro perché "prima dela gara niente sesso" ), ma iera molto meio pasar la serata o el pranzo con gli amici a bever e magnar e divertirse, pur senza esagerazioni.

[rofizal]

Bon, a causa de Larry me son "scoperto" e no poso nianche scancelar i mesagi se me pento.

Go visto intanto che semo finidi a pagina nova (go scrito tropo ). Le foto xe nela pagina precedente.

[rofizal]

Ancora una roba (come sempre me ricordo un toco ala volta, scuseme), me xe vignudo in mente che nel forum dovesimo gaver almeno ancora una apasionada de automobilismo, se no me sbaio Snow Leopard la fazeva gare de go-kart... e anche ela dopo xe pasada ai cavai.
Se trovo una sua foto sul vecio forum ve la passo (penso che la saria contenta).

[AdlerTS]

Rof, dal momento che te gavevi messo anche qua i go kart go eliminado i doppioni

[rofizal]

Te ga fato ben, mi no rivo a far modifiche.

[Zigolo]

El mio scopo iera de veder se ghe iera altri apasionadi su questo forum e eventualmente de farli vinir.

Mi de mulo iero apassionado de rally, ma de spetator, no de pilota.

Me ricordo sai ben el San Martino de Castrozza, che te ga citado: ghe son andà più volte al inizio dei 70, specialmente al passo Giau, ma anche al Duran e qualche altro che no me ricordo.

Una volta son andà a veder anche qua in region, Colli Orientali me par che se ciamava el rally. Me ricordo una tremenda prova speciale in discesa, la Pozzis-Preone.

[Larry]

Congratulazioni Rofizal. Mi fa un gran piaser incontrar nel Forum ancora una persona che ha fatto dei rally. Ma adesso che abbiamo messo giu le nostre notizie, femmo come dici tu. Lascemo li. Basta registrare il fatto. Nient'altrro. Ma di nuovo congratulazioni per le vincite.
Larry

[rofizal]

De queste cartoline no credo ghe ne sia rimaste molte in circolazion. Come se legi, la xe stada emessa in ocasion del 13° Rally di San Martino di Castrozza, el 2-3-4 settembre 1976. E credo sia stada la penultima edizion de quel Rally che, da quel che ne so, vinirà ripreso poi solo nel 1995.