Gli Illiri

[babatriestina]

Ognidun la conta come che ghe par.. ecco la pagina dedicada ai Illiri in Albania..

ovviamente lori i metti i Illiri con l'Albania in centro o quasi..

[Giulia scorcolana]

Monrupino, Grotta dell'elmo: elmo (IV sec. a. C.) Il tesoretto, datato al IV a.C, fu scoperto da un contadino del luogo nel 1908 sotto una grande lastra ai piedi del muro del castelliere, a circa 1 m di profondità.

Eco, anche questo paragrafo stesso meti in crisi, qua se pol dar per scontado alora che el castelier risali al IV sec. A.C., inveze no xè cussì, i castelieri iera za la 'ssai prima del IV sec. A.C. forsi anche prima del neolitico. Forsi qualchedun in quela data ga sconto quele robe che el gaveva, a solo un metro de profondità, soto la lastra del castelier, che probabilmente all'epoca el gaveva za 2000 anni
Ma purtropo vedo che xè come che disi babatriestina, ognidun disi la sua, e no xè per niente ciaro chi che li pol aver costruidi sti benedeti castelieri. I confini xè completamente diversi de cartina in cartina.
De tuti i popoli citadi, nissun ga sti castelieri in casa, se fussi greghi i saria anche in Grecia, se i fussi Venetici, i saria per tuta la piana fin oltre Treviso, se i fussi dei Japodi i saria fin in Ungheria, se i li gavessi fati i Illiri, i saria anche in Albania, e cussì avanti. Po' mi son convinta che i xè 'ssai più antichi de quel che se presumi, mi penso che i possi aver oltre i 4000 ani e che i sia stati fati adiritura fra el 3000 e el 2000 A.C. Alora me domando, chi iera qua in quell'epoca che no sia de quei za citadi?
Me torna in mente che in Sardegna xè el steso problema coi nuraghe, che xè calcolà che i sta la da 4000 ani A.C. ma che no se sa chi che li ga edificadi.
Gavemo ancora de capir tanto sull'archeologia, su quel che xè stado e che xè sucesso.

[babatriestina]

Monrupino, Grotta dell'elmo: elmo (IV sec. a. C.) Il tesoretto, datato al IV a.C, fu scoperto da un contadino del luogo nel 1908 sotto una grande lastra ai piedi del muro del castelliere, a circa 1 m di profondità.

Eco, anche questo paragrafo stesso meti in crisi, qua se pol dar per scontado alora che el castelier risali al IV sec. A.C., inveze no xè cussì, i castelieri iera za la 'ssai prima del IV sec. A.C. forsi anche prima del neolitico. Forsi qualchedun in quela data ga sconto quele robe che el gaveva, a solo un metro de profondità, soto la lastra del castelier, che probabilmente all'epoca el gaveva za 2000 anni

difatti el elmo iera in una grotta, no nel castelier - E s ei ga trovado el elmo, podemo pensar ben che almeno nel IV secolo el castelier iera za là de chissà quanto.come che te disi ti, probabilmente el castelier gaveva za 2000 anni..prima del neolitico però me par difizile, perchè el neolitico xe el periodo della bassa età dela piera.. gavevimo za discusso de un'altra parte el concetto de datazion, storia, preistoria.. a proposito del , mi zontassi un per de osservazioni che go fatto e che spiega perchè che me confondo un poco con ste robe assai assai antiche:
un stesso tipo de "cultura" nel senso de modo de viver e tipo de manufatti pol esser stada in loghi diversi in periodi diversi: el principio del agricoltura per esempio i la data per la Fertile Mezzaluna ( Mesopotamia..) al 10.000 avanti Cristo, ma in altri loghi la xe vegnuda dopo.. po de quando che i ga fatto le datazioni col radiocarbonio a mi me impressiona che molti manufatti che iera datai a un'epoca i xe datai a un'altra, più antica.. ma me domando,c he senso ga dir che due oggetti che xe tuti due datai cossa so, al 3200 a C e quindi contemporanei magari un xe de quela che iera za una città ( Gerico, la più antica città) e un altro de un posto dove che i viveva ancora nele grotte caciando i orsi.. soprattutto se le due "culture" no gaveva contatti? terzo, per quanto possi esser posti e tempi diferenti, ghe xe in tuta l'Europa una serie de "monumenti megalitici" con grosse piere che a mi me vien de pensar che i nsotri castellieri sia stai una version più in picio: i nuraghi ( che però gaveva dei stupendi bronzetti che de noi no iera), i templi de Malta, le costruzioni de Micene e Tirinto, i allineamenti de Carnac in Bretagna per finir con la più ancora misteriosa Stonehenge..

[Giulia scorcolana]

Infati, credo che dificoltà sia anche per motivi de stratificazioni, in tantissimi posti xè stade costruide cità sora altre cità e po' ancora sora, quindi a volte i trova qualcosa datà per esempio V sec. A.C. po' i scava ancora un poco e i trova roba datada X sec. A.C. e prima de capir che se trata de do robe diverse magari passa tempo, e le do robe trovade la, anche se le ga 500 ani de diferenza, magari le xè messe assieme in una vetrina de museo con una sola data.
Pensavo 'sta roba anche pochi giorni fa che guardavo el film Troy con Brad Pitt. Quela volta i se fazeva guera per qualsiasi monada, e i se conquistava a vicenda i posti, cussì chi che vinzeva meteva a fero e fogo e dopo ricostruiva metendoghe dentro una cultura diversa, po' rivava un altro e via de novo tuto dacapo.
Però mi son afascinada de ste robe, e se tornassi indrio faria senza dubi archeologia.

[Giulia scorcolana]

Ad ogni modo xè vero che tuta l'Europa xè piena de megaliti, ma 'ssai diversi tra lori, credo che tuti sti popolini che se creava metendose insieme per darse forza, fazeva qualcossa de suo, po' iera quei tranquili che coltivava e alevava, e iera quei fumantini che 'ndava a sotometer i primi. Po', su 'sto criterio, capisso anche che i parti da 4000 ani e più prima de Cristo, per rivar fino all'epoca romana.
No vojo gnanche evader O.T. con costruzioni tipo isola de Pasqua, atzeche, maya, e via disendo, perché 'ndassimo a cascar nell'infinito, restemo sui nostri castelieri che zà no ghe finimo fora.

[babatriestina]

Infati, credo che dificoltà sia anche per motivi de stratificazioni, in tantissimi posti xè stade costruide cità sora altre cità e po' ancora sora, quindi a volte i trova qualcosa datà per esempio V sec. A.C. po' i scava ancora un poco e i trova roba datada X sec. A.C. e prima de capir che se trata de do robe diverse magari passa tempo, e le do robe trovade la, anche se le ga 500 ani de diferenza, magari le xè messe assieme in una vetrina de museo con una sola data.
Pensavo 'sta roba anche pochi giorni fa che guardavo el film Troy con Brad Pitt. Quela volta i se fazeva guera per qualsiasi monada, e i se conquistava a vicenda i posti, cussì chi che vinzeva meteva a fero e fogo e dopo ricostruiva metendoghe dentro una cultura diversa, po' rivava un altro e via de novo tuto dacapo.
Però mi son afascinada de ste robe, e se tornassi indrio faria senza dubi archeologia.

el metodo stratigrafico xe un dei tanti.. de solito anche se la vetrina xe la stessa, el singolo reperto dovessi gaver la data presumibilmente giusta, no i xe po tanto gnampoli...
proprio Troia che te citi, ga no so quante città una sora de l'altra e ancora i discuti se e quala che sia la Troia omerica. Ti te riguardi Troia, mi go riletto ( per la terza volta, credo) de poco l'Iliade in version integral ( ma no in grego!) e me son inacorta dele diferenze notevoli col film, che però i esperti disi che ga ciapado un poco le idee generali. E stago anche rileggendo un ennesima storia del mondo, inglese dela Penguin miledozento pagine, perchè no i va troppo in dettaglio .. ma legendo vedo che no xe tanto semplice come che te sintetizzi: za Troia e i Achei Omero li rapresenta della stessa cultura, e in genere co i fazeva una spedizion iera gruppi pici, i se vinzeva o perdeva ma ala fin i capi forsi se spostava ma el popolin spesso e volentieri restava e le popolazioni se missiava e se fondeva.. presempio vinta Troia i capi Achei torna tuti a casa ( con più o meno fortuna..); la cultura dei Sumeri ( e la loro scrittura) se ga trasmesso ai Assiri e ai Babilonesi... a scola per semplificar i ne fa studiar un per de date.. tanto per dir 525 Pelusio i persiani conquista el Egitto ma fin ai Tolomei e perfin i Romani assimila la cultura dei faraoni ( un tempio che par tanto egizian antico ga el cartiglio del faraon.. che xe Traiano!) mentre i fellahin resta sempre più o meno quei..

me gavessi piasso anche mi far archeologia, po me xe passado el idea pensando che se dovessi andar a frugar tombe su tombe.. adesso po i fa archeologia anche su quele medievali.. se i continua cussì i riverà a far archeologia sule tombe dei nostri bisnoni a s Ana .. zerto che invidio quei che legi una tavoletta cuneiforme come che mi legio una lapide latina!

[Giulia scorcolana]

Si, sai ciapada fin de mula de 'ste robe, tanti ani fa gavevo leto "I misteri dei tempi perduti" de Berlitz, e go comincià ad apassionarme a tute ste robe. No son una zima in materia, ma quel poco che aprendo qua e la, me resta perché me piasi.
E ancora de più se riguarda le nostre zone, e la nostra cità. Ma legio anche de altre civiltà, guardo Voyager e simili, zerco in internet, e ogni tanto legio qualche libro, ma per quei purtropo no go 'ssai tempo a disposizion, anche perché co me meto a leger me piasi 'ndar avanti drio man e se devo meter drio man el segnalibro me urta un poco e me fa perder el fil.
Son 'ndada in Egito, e son 'ndada a visitar el museo egizio de Torino, i musei dei maya... i tesori atzechi... 'ssai bel.

[babatriestina]

Son 'ndada in Egito, e son 'ndada a visitar el museo egizio de Torino, .

e le nostre sale egizie dei Musei civici?

[babatriestina]

Sulla preistoria triestina, a me son piaciuti i tanti libri di Cannarella

[Giulia scorcolana]

Son 'ndada in Egito, e son 'ndada a visitar el museo egizio de Torino, .

e le nostre sale egizie dei Musei civici?

Si ma quele una montagna de ani fa, iera ancora vivi i faraoni penso.

[Giulia scorcolana]

Sulla preistoria triestina, a me son piaciuti i tanti libri di Cannarella

No go avù modo le legerli, ma se dovessi trovarli, li ciogo senz'altro.

[babatriestina]

Son 'ndada in Egito, e son 'ndada a visitar el museo egizio de Torino, .

e le nostre sale egizie dei Musei civici?

Si ma quele una montagna de ani fa, iera ancora vivi i faraoni penso.

ma per bon no ve go messo gnente del mia visita al Museo? dele nove sale egiziane rifatte?

[Giulia scorcolana]

No so, però me xè vignuda la voja de tornar a veder el museo, iero 'ndada de muleta co 'ndavo a scola, credo che qualcossa de novo sarà sta messo in tuti sti ani.

Però me ricordo ancora certe robe che me xè restade impresse.

[babatriestina]

provvederò a una piccola sintesi.. el nostro Museo no xe eccezional, ma val la pena de passarghe una volta ogni tanto. E purtroppo no i riva espor tutto. propio adesso me par che i gabi una piccola pubblicità sule sale egiziane..

[Giulia scorcolana]

Si tuto sommado, saria de 'ndar a darghe un'ociada dopo tanto tempo.

Iero a Roma quasi due ani, e son 'ndada veder tuto quel che ga lassà i antichi romani, e no go mai pensà de tornar a veder de novo el nostro museo, son gnampola.

[babatriestina]

go cominciado mi a meter qualcossa, ma se no te ga tempo, go messo anche el link ale visite virtuali! aiuta a prepararse e a saver cossa veder... per adesso go messo la sezion egiziana,
Oviamente quel che xe a Roma ( ani anorum che no vado) no xe confrontabile, ma nel nostro picio...
dovessi gaver messo de qualche parte la foto del rython d'argento greco, ma el "cerca" no me la trova...lo rimetto, ma go foto migliori