PENSIERINI DI UN OTUAGENARIO

[Piereto]

Caro Ciancele te ga proprio tanta ragion Come finiva nei tempi pasadi chi che no pagava ? I Inglesi i li meteva in galera de note e de giorno i andava fora a lavorar. Se noi gaveva bori i doveva lavorar gratis per pagar le tasse al signorotto o a la cesa ( la corvè del medioevo), e andando più indrio se viniva mesi in schiavitù. MI vedo che el problema xe risolvibile. In quanti ani i greghi pol tornar indrio el prestito, e de quanto i xe disposti a calarse i benefici che i ga ciapado un poco tuti in sti ultimi ani, cioè a strinzer la cinghia ?. Che i vadi fora o che i resti dentro dell'euro, oramai la Grecia ga perso la sua sovranità. Meio che sia popoli europei a comandar un poco in Grecia che no cinesi o arabi che xe sempre molto distanti per mentalità e modi de afrontar la vita. La Grecia pol diventar el primo tasel e el banco de prova de una nova europa. No xe che noi italiani ghe semo tanto distanti in fato de prebende e spese e tasse folli.

[Ciancele]

Mi go l’impresion che tuti me ciol in giro. Gavemo solo due posibilità. O mandemo la Grecia in m ... alora o se zerca de salvarla. Mi penso che i sia za d’acordo de scancelar tuti i debiti dela Grecia e cusì se scominzia de zero. E po darghe soldi, anzi soldoni, solo ala condizion che xe i ultimi e che i devi viver come che i pol e no come che i vol. Solo che no se pol dir subito de sì e ‘lora ‘sto teatro: te mazo, no te mazo. Ala fine i dirà che i ga combatù ma che i ga dovesto far cusì pal bene de l’Europa. Se no i diria: E par cosa semo qua. Mi ghe diria par cosa che i xe qua, ma dopo i me disi che li ofendo.

[Piereto]

Iera evidente che gavesi vinto el no, cusì i greghi pol ritratar da posizioni più forti, disi lori. Noi no savemo ben in quanti ani i dovesi tornar indrio el prestito miliardario, e forsi i podesi farghela cusì disi l'europa, ma impegnandose a tirar la cinghia per un numero enorme de ani. Lori no xe disposti a tirar la cinghia. Me par che semo rimasti la de prima. Premesso che za 2500 ani fa i greghi andava in giro pel mediteraneo a piantar colonie, cioè a far i esuli perchè a casa noi gaveva de magnar e da le colonie tornava a casa le navi carighe de gran ( dal mar nero e dalla sicilia), me par che nianche ogi i xe autosuficenti in campo alimentare. ( pesi e folpi a pranzo zena e merenda permetendo). E alora ? O i ciapa i schei dai cinesi o dai rusi o dai americani , ma questo vol dir mezo paese governado da lori, e sta soluzion no ghe va ben a la merkel, opur mi vedo che l'europa devi far un salto de qualità e molar Bruxelles e trasferirse a Atene e dimostrar ai greghi che l'europa pol governar la Grecia meio de lori. No so se i greghi acetasi, comunque la loro sovranità xe in pericolo. I greghi no se lasasi mai finanziar dai emirati arabi perchè noi vol mai più aver a che far co le moschee.

[Ciancele]

I ga dito che el ministro de l’economia ga dà le dimisioni. Tuti xe contenti. Purtropo nisun sa come se va avanti. ‘lora me domando parchè che tuti xe contanti. Paeseti cusì pici no pol star soli. I se devi meter de qualche parte. Bisognaria far una séance e domandarghe a Tito parchè che el se ga meso con l’ocidente e no co’ la Russia. In ogni caso i americani, o chi par lori, i lo ga mantignù. Anche la Turchia ga preferì star con l’ocidente. Se ga visto che i paesi cosideti comunisti i xe ga distacà e adeso i xe più con el capitalismo. Par mal che se sta, sempre meio che con la sinistra. Vado un poco fora tema: Anca la ex Germania orientale se lamenta che tuto xe caro, che prima un toco de pan no costava gnente. Xe vero, ma i doveva spetar più de diese o vinti ani par l’auto, no i gaveva frigoriferi, lavatrici, lavapiati, forno a microonde, television, telefonini, computer. No se pol gaver tuto. Noi paghemo de più el pan, ma gavemo – sempre pagando – anca parsuto. Se la Grecia vol meterse con la Russia o la Cina, afari sui. Ma se i credi che i mati ghe daghi boroni par gnente, i xe sonai. E una volta che i xe drento, xe grave scazarli. E se i vien scazai, i vol tuti i bori de novo. E subito. No a rate. Me vien sempre inamente la storia de Lazaro. E anca un deto par gnoco: Wes Brot ich ess, des Lied ich sind (Wessen Brot ich esse, dessen Lied ich singe. Traduzione molto libera: Canto la canzone di quello che mi dà da mangiare. Dipendenza economica, nel senso che sostengo l’opinione di quello che mi paga). Comunque, sempre per usare un termine in italiano: Si accorgeranno nel mingere. Anca noi, parlo del 1960, stavimo ben. Chi che crompava una casa podeva scalar i interesi, un premio, lavori ecc. Po pian pian i ga tirà via una roba, l’altra. Parfina riparazioni no se scala tuto. Se no se lavora in do xe ‘sai caligo. Po dentisti, ociai ecc. I te dà qualche soldin, ma in confronto a prima xe gnente. Un per de ociai costa almeno 2/300 euro fina 800, a seconda dele lenti. Una volta tuti ‘ndava in cura. Adeso la casa manda in cura solo moribondi. Le case de cura de quela volta se pol dir che no esisti più. E po le revisioni dela pension. Rispeto al 1960 go perso più del 30 parcento. E adeso i ne ga conzà anca l’euro. Roba de ciorse la vita. E po vien i greghi e i piansi. Se qualchedun pol pianser, quel qualchedun semo noi, e l’aqua no xe inondazioni ma le nostre lagrime.

[babatriestina]

saria tanto de comentar, intanto una roba svelta: i ociai che li go dovudi far novi sto ano. I costi varia, ma a meno che no se se fazi lenti speciali, le bifocali o forsi anche quele che varia el color cola luce, costa assai meno le lenti che la montatura. Vardè i prezi dele montature firmade e medirè. Mi le ciogo anonime, legere, e no le pago una follia.
Per la Germania est, mi ghe son passada de furia nel'estate 1989: no iera caro, ma per ogni roba, se la ghe iera, iera una fila , un quarto de ora d e fila in negozio. ala cassa e per esser servidi. iera agosto, ma fredo e piova: me go tegnudo el fredo perchè no go trovado un negozio indove ciorme una felpa: la go trovada solo pasando Checkpoint Charlie, del lato ovest.
Per i greghi, vederemo. El ministro dele finanze gaveva dito che se dimeteva se vinzeva el sì, ga vinto e l no e el se ga dimesso. Ciaro.
Po xe tuti sti referendum, anche quei che i fazeva de noi. I te fa una domanda, te devi dir sì o no, ma in realtà po i disi che vol dir tuto altro. ve ricordè el nucleare?
qua el referendum diseva Volete accettare la proposta del UE? che po la iera scaduda..
ma tuti diseva che xe pro o contro el EU, pro o contro el euro.. adesso boni e cuzzi che no, che i xe tuti per el Europa, se la ghe darà ancora bori.
d'altronde diseme, se i ve disi de votar "Volè pagar più tasse, sì o no? " diseme voi cossa che vota la gente. Po quele che xe le conseguenze, ovio che no i disi, o i disi che no se sa, che pagherà Pantalon.

[Piereto]

Alora finalmente go rivà a saver in cosa che consisti el debito dei greghi : Xe 230 miliardi che i devi tornar indrio a tutta la Ue, cioè a 18 paesi tra cui semo anche noi che ghe gavemo da 40 miliardi. Za 3 ani fa i 18 ghe ga abbonà 103 miliardi de debito che xe sta mesi a bilancio in perdita dei singoli stati europei, cioiè i xe diventadi un debito de ogni singolo Stato. E po' se disi la solidarietà. Cioè i greghi vien aiutadi da quando che i xe entradi nella UE. Ma el dato sai interessante xe che el debito dei 230 miliardi se estinguerà nel 2067 e al tasso ,ridicolo per chiunque che vadi a far un mutuo, del 2,4 % che xe comunque più baso de quel che paga l'Italia. . Da notar che i paesi della UE ghe ga sugerido a la Grecia de far de le riforme, che noi vol far perchè i se ga abituado a vivere al do sopra de le loro posibilità. Dovemo ringraziar sempre i nostri media che ne conta meze verità.

[babatriestina]

questo per quei che disi che i xe in man dei usurai..

[Nona Picia]

Ogi sul giornal go leto una segnalazion de un che xe in vacanza in Grecia, no me ricordo el posto esatto, che el disi che là e dove che i ga girà, xe tuto come sempre no manca bori, no manca magnar e gnanche rifornimenti....secondo lui i giornalisti e i altri conta bale....

[sono piccolo ma crescero]

Letta oggi da qualche parte che non ricordo:

Per risolvere la crisi, il nuovo ministro delle finanze, EUCLIDE Tsakalotos ha un teorema...

[babatriestina]

a mi sto Tsipras che va a Bruxelles a domandar altri bori come se gnente fussi, me ricorda el wiz che contava mia mama, del povero che domandava la carità sonando al porta (ve ricordè che i fazeva..):

Signora, la me fazzi la carità, se no, se no....
( con aria minacciosa)....

....

se no vado via!

[Ciancele]

A mi sto Tsipras che va a Bruxelles a domandar altri bori come se gnente fussi, me ricorda el wiz che contava mia mama, del povero che domandava la carità sonando al porta (ve ricordè che i fazeva..):

Signora, la me fazzi la carità, se no, se no....
( con aria minacciosa)....
....
se no vado via!

El mato no sa cosa dir e tuti savemo che xe cusì. Me domando parchè che se fa 'sto cine. Ma se ghe demo a lu, xe tanti (Portogalo ecc.) che domandaria: E parchè no me dè anca a mi? E el gavaria ragion. I greghi ga ciapà soldi e i li ga spesi. Adeso i li devi tornar. I cosideti popoli richi pol 'iutar ma no mantignir.

E a Nona Picia: Ani fa i sbarava in Egito e chi che iera in ferie diseva che no i capisi parchè de lori xe calmo. De lori. Ma no in altri loghi!

[Ciancele]

Stavo vardandome in giro e i oci me xe cascai sula fotografia de mio papà in divisa dela marina austriaca, fata de E. Mioni, Pola, Via Sergia 67. Coi gradi de caporal. E pensavo che una volta caporal iera za un bel grado. Su fio, mio fradel più grando, nel 1941 soldà de l’aeronautica. El ne ga mostrà una cartolina che ghe ga scrito una putela con l’indirizo: Al signor aviatore ecc. Lu iera solo aviere, anzi sotto aviere semplice, come che el diseva. Ma putela iera parò gospodična di paieže. E go pensà che su nipote, in divisa de l’esercito tadesco, i lo ga fato subito caporal par merito (merito IT diria, parchè el iera l’unico a saver zogar col computer) e più tardi adiritura caporal magiore. El tuto in meno de diese mesi. Quela volta se cantava: Caporal magior, caporal magior fame una .... E dopo, a furia de pensar dei caporai, me xe vignudi in mente altri caporai. Un de lori iera anca lu caporal magiore. E a quel che i ga combinà.
Qualche grado più in alto xe i coloneli. Noi li ciamaimo coioneli. Ve ricordè la ditatura dei coloneli? Adeso gavemo de novo un colonelo, veramente solo tenente colonelo (cusì i me ga contà), ma ch’el spandi come un colonelo. Come che me diseva un colega più vecio (mi gavevo 17, lu 37 ani) par farme coragio: Anca lu co’l ga mal de panza la mola. Insoma che tuti xe eseri umani, nisun no xe special e tuti devi morir. Solo che no se sa quando che lu morirà e intanto el fa rabiar. L’unica mia consolazion xe che nisun de lori iera o xe triestin patoco.

[Ciancele]

Stamatina la vecia (la mia gentile metà) me disi: Hast Du Stimmbruch? (trad.: Par talian: Non sarai per caso in fase di muta vocale? Par triestin: Ciò, no te gavarà miga cambio de vose? Ghe go risposto che mi, vecio veceto, stago forsi pasando dala terza ala quarta età e par quel go cambio de vose. Saria sta più meio che fusi stado serio e ghe gavesi dito che me gavevo slucà (sorbito) solo una ciudola de sbicia (tazzina di caffè) e che iero ‘ncora rauco. Parchè la ga comincià a dir che noi veci veceti tornemo fioi. Difati no podemo più caminar driti (vecius erectus), ma solo a gato (carpon carponi) e no podemo più rosigar. A marenda inveze de ovi e panzeta col pan la mega fato porig (porridge) che, volendo, xe zuf. Te iniutisi (degluti) sensa mastigar. Adato per chi che no ga denti. In latin se diria: mala tempi coreranus (mala tempora current).
Tegnarò duro fin che poso. Co’ no poso più ‘ndarò a magnar in osteria. I fa anca bistechine per veci veceti, bistechine tipo fiorentina.

[Ciancele]

Ogi go crompà amaretini e una ciculata cole mandole. Mi vado mato par le mandole. Purtropo no go mai ciapà la mandola. Forsi par questo me contento dele mandole nela ciculata. E, rosigando, el mio pensier xe ‘ndado de quando che iero putelin e qualche volta mio papà me crompava de Colusi amareti o fave. Cos’ che le me piaseva. Anca i biscoti, i famosi biscoti de Colusi. Qua se trova anca savoiardi. De picio i me dava savoiardi co’ iero malà, par tirarme su. Saltando de pal in frasca me xe vignù inamente che de picio i me dava anca oio de rizino e che par farme la boca bona i me dava una scudeleta de cafè nero, coreto con trapa. Iera ‘sai dificile scazar el cativo gusto de l’oio de rizino e anca la trapa gaveva un efeto pasegero. Par quel de novo trapa. Fin che pasava. No son imbriagon, xe el gusto de l’oio che devo scazar.

[babatriestina]

Oio de rizino i ga provado una volta a darme, che iero picia ma me ricordo che lo go vomitado subito. No i ga riprovado, che po intanto iera vegnudi suso i sulfamidici, cativi anche quei ma meno disgustosi. Adesso el rizino i lo dopra come pianta ornamental.
Inveze a 14 anni ga dito che iero magrussa, che bisognava fortificare e cussì oio de fegato de merluzzo, Cativo, ma meno, E subito dopo un bel quadroto de ciculata. Quela volta no ingrassavo come adesso..
mi dei biscotti Colussi me ricordo una scatola de metallo con scrito Colussi Venezia. E po un a mula Colussi che però stava a Perugia che la mama triestina se gaveva sposado là..

[Nona Picia]

Co iero picia mia mama no me dava oio de rizino, ma limonada Rosè, che iera schifosa anche quela...Oio de rizino i me ga dà in sanatorio triestino co xe nati i fioi, e subito drio un bicerin de cognac, che funzionava ben e cancelava el gusto de l'oio. Anche con la birra funziona ben....

Dei biscoti de Colussi me ricordo ben, a mi me piaseva sai i baicoli de Venezia. E ale elementari in classe con mi iera una putela che de cognome fazeva Colussi, ma iera fia de due venderigoli de fruti in piaza a Roian

[oli1939]

bongiorno otuagenario legevo i tui post del 2013 e me fa piazer notar che come morbin no te ga cambia' per niente...spero che te sia in giardin a ingrumar pomi con cui preparar el sidro...o el strucolo in seconda batuda. Bona giornata e aleger!.♡

[sono piccolo ma crescero]

Ciancele, dane un pensierin su sta roba:

go leto che in Germania i vol che ognidun gabi a casa acqua e scatolete per 10 giorni. Xe vero?

E, se xe vero, se vado a trovar un altro, me devo portar col rucksac acqua e scatolete o devo domandarghe se el ga la scorta anche per mi?

[oli1939]

i tedeschi xe sempre organizzai, xe inutile i lo ga nel dna...

[babatriestina]

Mio papà, che iera vecio e che gaveva visto do guerre , tegniva in un canton del suo armer un pacchetto de zuchero, un de latte condensado, una scatoletta de fiamiferi e una candela, s e ben ricordo forsi anche un pacheto de biscoti, roba che po scadeva o iera anche scaduda, el diseva "No se sa mai, se se ga bisogno e no se pol andar fora de casa"